फिलिप्पियां 4:5 - बिलासपुरी नौआं नियम

⁵ तुहांरी सहनशीलता सारे लोक जाणी सक्को, प्रभु जल्दी औणे औल़ा।

फिलिप्पियां 4:5 Cross References

मत्ती 6:25

इस खातर हऊँ तुहांजो बोलां, भई अपणे जीवना रे खातर ये फिक्र नीं करयां भई अहें क्या खांगे कने क्या पींगे, कने शरीरा रे खातर भई क्या पैन्हगे, क्या जिन्दगी रोटिया ते, कने शरीर कपड़यां ते बधीने निआं?

मत्ती 6:34

इस खातर कल की चिन्ता मता करदे, काँह्भई कल की त अहां रियां होर चिन्ता हुणियां; आज्ज के दिना खातर अजकी परेशानियां इ बौहत इयां।”

लूका 21:34

“इस खातर अपणे बारे च सावधान हुई जावा! किति येढ़ा नीं हो भई मौज मस्ती, नशा कने इस संसारा रे फिक्रां ते तुहांरा मन व्यस्त हुईजो, कने माहणुये रे पुत्रा रा दिन अचानक तुहां पर इयां आईजो ताहली जे तुहौं तिसरी आशा नीं हो, तियां जे फन्दा इकदम पशुये जो फसाई लेआं।

1 कुरिन्थियों 16:22

हे अहांरे प्रभु औ!

1 कुरिन्थियों 6:7

सच्चीजो तुहां च बड्डा दोष त येआ, भई तुहें अप्पूँ चियें मुकद्दमा कराँ ये इसरा मतलब तुहें मसीह लोकां साई नीं जीआ राँये। तां तुहें अन्याय कैं नीं सही लेन्दे? अपणा नुक्शान कैं नीं हुणे देन्दे?

1 कुरिन्थियों 8:13

इस खातर जे मेरी रोटी मेरे साथी विश्वासिये खातर पापा री वजह बणो, तां फेरी मांह कदीं माँस नीं खाणा, ताकि हऊँ अपणे साथी विश्वासिये खातर पापा री वजह नीं बणुँ।

1 कुरिन्थियों 9:25

हरेक पैहलवाण सब प्रकारा रा संयम कराँ; सै त इक मुर्झाणे औल़े मुकटा जो पाणे खातर ये सब किछ कराँ ये, पर अहें त तिस मुकटा खातर कराँ ये सै जे मुर्झान्दां निआं।

2 कुरिन्थियों 10:1

हऊँ पौलुस मसीह री नम्रता कने कोमलता च तुहांजो विनती करी रां, हलाँकि मैं महसूस कित्या भई तुहें सोच्चां ये हऊँ तुहांरे सामणे डरपोक आ कने ताहली जे तुहांते दूर आ हऊँ निडर आ।

2 थिस्सलुनीकियां 2:2

तुहें सानिया ने किसी भविष्यवाणी, किसी उपदेश यनि किसी येढ़िया चिट्ठिया ते अपणे मना च दुखी नीं हुयां कने मत डरयां तिसाजो जे अहांरे जरिये लिखिरा समझया जान्दा हो कने तिसच जे इस तरिके ने दस्या गया हो भई प्रभुये रे औणे रा दिन आई चुक्कीरा।

तीतुस 3:2

किसी जो बदनाम नीं करो, झगड़ने औल़े नीं बणो; पर दुज्यां लोकां रे प्रति दयालु हो, कने सब्बीं माहणुआं ने बड़िया नम्रता सौगी रौ।

इब्रानियों 10:25

कने इक्की दूये सौगी कट्ठा हूणा नीं छड्डा, तियां जे किछ लोक कट्ठे नीं हुन्दे। पर इक्की दूये जो जादा ते जादा हिम्मत देन्दे रौआ; काँह्भई तुहें जाणाँ ये भई प्रभुये रे न्याय रा दिन जल़द औणे औल़ा।

इब्रानियों 10:37

“काँह्भई तियां जे पवित्रशास्त्र बोलां, बौहत इ थोड़े वगता च, सै जे आया रां तिस औणा कने देर नीं करनी।

1 पतरस 1:11

मसीह रा आत्मा तिन्हां च था कने तिन्हांजो दस्यारां था भई मसीहे कियां दुख सैहणा कने तिस्सो महान आदर दित्या जाणा। इस खातर तिन्हें ये पता लगाणे री खोज कित्ती भई मसीह कुण हूणा कने ये कदीं हूणा।

1 पतरस 4:7

सारियां गल्लां रा अन्त नजदीक आ; इस खातर तुहांजो अप्पूँजो काबुये च रखणा चाहिन्दा कने सचेत रैहणा चाहिन्दा, ताकि तुहें प्राथना करी सक्को।

प्रकाशितवाक्य 22:20

सै जे इन्हां गल्लां री गवाही देआं, सै ये बोलां, “हाँ, हऊँ जल्दी औणे औल़ा।” आमीन। हे प्रभु यीशु औ!

प्रकाशितवाक्य 22:7

यीशुये बोल्या, “कने देख, हऊँ जल्दी औणे औल़ा! आशीषित सै आ, सै जे इसा कताबा रियां भविष्यवाणिया रियां गल्लां जो मन्नां।”