फिलिप्पियां 3:6 - बिलासपुरी नौआं नियम

⁶ हऊँ इतणा बफादार था भई मैं मसीह विश्वासियां जो बौहत सताया, कने यहूदी व्यवस्था रा पालन करने च हऊँ धर्मी था काँह्भई मैं सारे हुक्मां रा पालन कित्या।

फिलिप्पियां 3:6 Cross References

मत्ती 23:25

“अरे कपटी शास्त्रियो कने फरीसियो, तुहांरी सजा बौहत भयानक हूणी! काँह्भई तुहें लालची कने स्वार्थी ये, पर तुहें अप्पूँजो पवित्र होणे रा ढोंग रचां ये। इस खातर तुहें तिन्हां कौलियां कने थाल़ियां साई ये सै जे बाहरा ते साफ ये पर अन्दरा ते गन्दे।

मत्ती 5:20

काँह्भई हऊँ तुहांजो बोलां, भई तुहें शास्त्रियां कने फरीसियां रे धर्मा रे आचरणा ते बधीने व्यवहार करो, तां तुहांरा स्वर्गा रे राज्जा च दाखल हूणा सान आ।”

लूका 1:6

जकर्याह कने इलिशिबा ये दोन्नों जणे परमेशरा री नज़राँ च धर्मी थे, सै बड़े ध्याना ने प्रभुये रे हुक्मा जो कने विधियां जो मन्नां थे।

प्रेरितां 21:20

तिन्हें ये सुणीने परमेशरा री महिमा कित्ती, फेरी तिसने गलाया, “भाई तू जाणाँ भई यहूदी लोकां चते कई हजारें विश्वास कित्या; कने सब मूसा रिया व्यवस्था जो मनणे खातर जोशा ने भरीरे।

प्रेरितां 22:5

इस गल्ला खातर महायाजक कने महांसभा रे सब बजुर्ग गवाह ये भई तिन्हांते हऊँ यहूदी भाईयां रे नौआं पर चिट्ठियां लईने दमिश्क नगरा जो जाया राँ था, भई सै जे तित्थी हो तिन्हांजो बी सजा दिलाणे खातर बन्हीने यरूशलेम जो ल्याऊं।

प्रेरितां 26:5

जे सै गवाही देणा चाओ, तां सै मेरे बच्छपना ते मिन्जो पछयाणां ये, भई हऊँ फरीसी हुईने अपणे धर्मा रे सब ते खरे पन्था रे मुतावक चलया।

प्रेरितां 8:3

शाऊल कलीसिया जो सताया राँ था; कने घरें-घरें बड़ीने विश्वासी जनाना कने मर्दां जो घसीटी-घसीटी ने जेलखान्ने च पां था।

रोमियो 7:9

हऊँ बगैर व्यवस्था ते पैहले जिऊंदा था, पर ताहली जे हुक्म आया, तां पाप जिन्दगिया च आया, कने हऊँ मरीग्या।

1 कुरिन्थियों 10:32

तुहें नां तां यहूदियां, नां यूनानियां, नां परमेशरा री कलीसिया रे खातर परेशानिया री वजह बणो।

1 कुरिन्थियों 15:9

काँह्भई हऊँ प्रेरितां च सब ते छोट्टा, कने प्रेरित कहलाणे लायक मनीं आ, काँह्भई मैं परमेशरा री कलीसिया जो सताईरा था।

फिलिप्पियां 2:15

ताकि तुहें निर्दोष कने पवित्र बणी जाओ, कने इस टेढे-मेडे कने अड़ियल लोकां रे बिच परमेशरा रे निर्दोष बच्चे बणी जावा, तिन्हांरे बिच तुहें जीवन देणे औल़ा वचन लेईने संसारा च बल़दे दीपकां साई दिस्या कराँ ये,

फिलिप्पियां 3:9

कने हऊँ तिस सौगी पूरी तरह ते इक हुई सक्कूं; कने ये इस खातर नींआ भई मैं व्यवस्था रा पालन कित्या तां परमेशर मेरे धर्मी हुणे री घोषणा कराँ, पर ये मसीह च विश्वास करने रिया वजह ते आ, कने सिर्फ मेरे मसीह च विश्वास करने रिया वजह नेई परमेशरे ये घोषणा कित्ती भई हऊँ धर्मी आ।

1 तिमुथियुस 1:13

हलाँकि हऊँ त पैहले मसीह री निंध्या करने औल़ा, विश्वासियां जो सताणे औल़ा, कने निर्दयी माहणु था; तां बी मसीह माह पर दया कित्ती, काँह्भई मैं अनजाणे च कने अविश्वावासा रिया वजह ने ये काम्म कित्ते थे।