फिलिप्पियां 3:20 - बिलासपुरी नौआं नियम

²⁰ पर अहांरी नागरिकता स्वर्गा ची, कने तित्थी तेई अहें अपणे छुटकारा देणे औल़े प्रभु यीशु मसीह रे औणे रा बेसब्रिया ने इन्तजार कराँ ये।

फिलिप्पियां 3:20 Cross References

मत्ती 19:21

यीशुये तिसने गलाया, “जे तू सिद्ध हूणा चाँह, तां जा, अपणा सब किछ बेच्चीने गरीबां जो बंडी दे; कने तिज्जो स्वर्गा च धन मिलणा; कने आईने मेरा चेला बण।”

लूका 12:21

तिस माहणुये ने बी येढ़ा इ हूणा सै जे अपणे खातर दुनियां री धन-दौलत त कट्ठी कराँ, पर परमेशरा सौगी कीमती रिश्ता नीं रखदा।”

लूका 14:14

फेरी तिज्जो आशीष मिलणी भई तैं येढ़े लोकां जो सद्दया सै जे तेरा उधार बदला नीं करी सकदे। धर्मियां रे जिऊंदा हुणे पर तिज्जो इसरा फल़ मिलणा।”

प्रेरितां 1:11

कने तिन्हांजो गलाया, “गलील प्रदेशा रे लोको, तुहें काँह हल्तियें तक खड़ीने स्वर्गा खौ देख्या रायें? सैई यीशु, तिस्सो जे परमेशर तुहां लाते स्वर्गा जो चक्कीने लेई गरा, जिस तरिके ने तुहें तिस्सो स्वर्गा जो जान्दे देख्या तियां इ तिस फेरी वापस औणा।”

1 कुरिन्थियों 1:7

इस खातर तियां जे तुहें बौहत बेसब्रिया ने अहांरे प्रभु यीशु मसीह रे औणे रा इन्तजार कराँ ये, तां तुहांले परमेशरा रा हरेक वरदान आ।

1 कुरिन्थियों 15:48

जितने लोक धरतिया रे सै तिस साई ये सै जे धरतिया ते बणाया गया था यनि आदम; कने सै जे स्वर्गा रे सै तिस साई ये सै जे स्वर्गा ते आईरा था यनि मसीह।

2 कुरिन्थियों 4:18

सै जे किछ देख्या जाई सक्कां अहां रियां आक्खीं तिस पर नीं टिकि रियां, बल्कि अणदेखी चिज़ां पर टिकिरी; काँह्भई देक्खी रियां चिज़ां थोड़े इ दिनां रियां, पर अणदेखी चिज़ां सदा बणीरी रैईंयां।

2 कुरिन्थियों 5:8

अहांजो पूरा भरोसा, इस खातर हऊँ बोलां भई अहें अपणे शरीरा जो छड्डिने प्रभु यीशुये सौगी तिसरे घरें रैहणे जो खरा समझां ये।

गलातियां 4:26

पर स्वर्गा रा यरूशलेम अजाद जनाना सारा साई आ कने तिसरे बच्चे दास नींये। ये यरूशलेम अहां रिया माता साई आ।

इफिसियां 2:19

इस खातर हुण तुहें अन्यजाति लोक अंजाण कने पराये नींए, पर पवित्र लोकां सौगी स्वदेशी कने परमेशरा रे परिवारा रे हुईगरे।

इफिसियां 2:6

काँह्भई परमेशरे अहौं मसीह साई मूईरयां चते जिऊंदा कित्या कने मसीह सौगी अहांरे रिश्ते रिया वजह ने स्वर्गा च तिस सौगी बठाल़या।

फिलिप्पियां 1:10

ताकि तुहें उत्तम ते उत्तम गल्लां जो प्रिय जाणो, कने तुहें मसीह रे औणे रे दिना तक पवित्र, कने निर्दोष बणीने रौआ।

फिलिप्पियां 1:27

सिर्फ इतणा करा भई तुहांरा चाल-चल़ण मसीह रिया खुशखबरिया रे लायक हो। भई चाये हऊँ आईने तुहांजो देखूँ, या नीं बी आऊँ, पर तुहांरे बारे च ये सुणुं भई तुहें इक्की मना च अटल कने इक जुट हुईने खुशखबरिया रे विश्वासा खातर खूब मेहणत करया राँये।

कुलुस्सियां 1:5

तुहें ये कराँ ये काँह्भई तुहें भरोसे सौगी तिस ईनामा जो पाणे री आशा कराँ ये, सै जे परमेशरे स्वर्गा च तुहांरे खातर त्यार कित्तिरा, इस बारे च तुहें पैहले तेई सुणी चुक्कीरे, ताहली जे लोक पैहले तुहांले आये कने तुहांजो सच्चा सन्देश दित्या सै जे मसीह यीशुये री खुशखबरी।

1 थिस्सलुनीकियां 1:10

कने स्वर्गा ते तिसरे पुत्रा रे औणे रा इन्तजार करने रे खातर तिसजो जे परमेशरे मूईरयां चते जिऊंदा कित्या था, यनि यीशु सै जे अहांजो औणे औल़े कोपा ते बचां।

1 थिस्सलुनीकियां 4:16

काँह्भई प्रभु यीशुये अप्पूँ इ स्वर्गा ते उतरना; तिस बगत ललकार, कने प्रधान दूतां री अवाज़ सुणाई देणी, कने परमेशरा रिया तुरहियां बजणियां; कने सै जे मसीह च मरीरे, तिन्हां पैहले जिऊंदेयां हूणा।

2 तिमुथियुस 4:8

हुण जीता रा मुकुट स्वर्गा च मेरे खातर इन्तजार करया राँ, काँह्भई मैं परमेशरा जो खुश कित्तिरा। प्रभु सै जे न्याय ने सारयां लोकां रा न्याय कराँ तिस न्याय रे दिन मिन्जो ये मुकट देणा, मिन्जो इ नीं वल्कि तिन्हां सारयां लोकां जो बी देणा सै जे तिसरे दोवारा औणे रा बेशबरिया ने इन्तजार करया राँये।

तीतुस 2:13

अहें इस तरीके ने वर्ताव करां ए ताहली जे अहें उम्मीदा सौगी तिस अदभुत दिना रा इन्तजार करी रांए, तिसरी जे अहांजो आशा इ: सै दिन ताहली जे यीशु मसीह, सै जे अहांरा महान परमेशर कने छुटकारा करने औल़ा, अपणी सारी महिमा सौगी पृथ्विया पर वापिस औणा।

इब्रानियों 12:22

पर तुहें सिय्योन रे पहाड़ा पर आईगे सै जे जिऊंदा परमेशरा रा स्वर्गीय यरूशलेम नगर आ कने तित्थी अनगिणत स्वर्गदूत खुशिया रा त्योहार मनायें।

इब्रानियों 9:28

इस खातर तियां इ मसीह इक इ बार कई माहणुआं रे पापां जो दूर करने खातर बलिदान हुया था। कने सै पापां जो दूर करने रे खातर नीं, पर तिन्हां लोकां रा छुटकारा करने रे खातर मसीहे दोवारा औणा, सै जे तिसरा बेसब्रिया ने इन्तजार करया राँये।

प्रकाशितवाक्य 1:7

देक्खा, मसीह बद्दल़ां सौगी आया रां, कने सारयां तिस्सो देखणा, येत्थी तक भई सै लोक बी तिन्हेंजे तिस्सो भाले ने बिन्हया था; तिन्हां बी तिसखा देखणा, कने संसारा रे सारयां लोकां तिसरिया वजह ते बिलकी-बिलकी ने रोणा। हाँ, ये हूणा। आमीन।