फिलिप्पियां 3:17 - बिलासपुरी नौआं नियम

¹⁷ प्यारे साथी विश्वासियो, तुहें सारे मिलीने मेरे साई जीवन जिऊआ, कने तिन्हां लोकां रा बी ध्यान रखा सै जे मेरे व्यवहारा साई व्यवहार कराँ ये कने तिन्हांरा अनुशरण करा।

फिलिप्पियां 3:17 Cross References

रोमियो 16:17

हुण मेरे साथी विश्वासियो, हऊँ तुहांते विनती कराँ, भई तुहें सै जे शिक्षा लेई, तिसरे उलट तुहां च सै जे पंघोल़ पां कने दुज्जेयां रे विश्वासा जो बगाड़ां ये, तिन्हांते खबरदार हुई जावा कने तिन्हांते दूर रौआ।

1 कुरिन्थियों 10:32

तुहें नां तां यहूदियां, नां यूनानियां, नां परमेशरा री कलीसिया रे खातर परेशानिया री वजह बणो।

1 कुरिन्थियों 11:1

तुहें मेरे साई चाल चला, तियां जे हऊँ मसीह रे साई चाल चलां।

1 कुरिन्थियों 4:16

इस खातर हऊँ तुहांजो विनती कराँ भई मेरे साई चाल चला।

फिलिप्पियां 4:9

सै गल्लां जे तुहें माहते सिखियां, कने ग्रहण कित्तियां कने सुणियां कने मांह च देखियां, तिन्हां गल्लां रा पालन करदे रौआ, तां शान्तिया रे परमेशरा तुहांरे सौगी रैहणा।

1 थिस्सलुनीकियां 1:6

तुहें बड़यां दुखां च पवित्र आत्मा ते मिलणे औल़ियां खुशिया ने खुशखबरिया जो ग्रहण कित्या कने अहांरी कने प्रभुरी चाल चलने लगे।

2 थिस्सलुनीकियां 3:14

जे कोई अहां रिया इसा चिट्ठिया रियां गल्लां जो नीं मन्नो तां तिस पर नज़र रखा, कने तिसरी संगती नीं करा ताकि सै शर्मिन्दा हुई सक्को।

2 थिस्सलुनीकियां 3:7

तुहें खुद इ बौहत अच्छे तरीके ने जाणाँ यें भई तुहांजो तियां इ जीणा चाहिन्दा तियां जे अहें जीआं थे, काँह्भई ताहली जे अहें तुहांरे बिच थे तां अहें आलसी नीं थे पर काम्म करां थे,

2 थिस्सलुनीकियां 3:9

अहें कड़ी मेहणत कित्ती इस खातर नीं भई अहांजो तुहांते मदद पाणे रा अधिकार निआं; बल्कि अहें तुहांरे सामणे इक आदर्श रखणा चाँह थे, ताकि तुहें तिसरा पालन करी सक्को।

1 तिमुथियुस 4:12

कोई तेरिया ज्वानिया जो बेकार नीं समझणे पाओ; पर वचन, कने चाल-चल़ण कने प्यार कने विश्वास, कने पवित्रता च विश्वासियां खातर आदर्श बणी जा।

इब्रानियों 13:7

सै जे तुहांरे अगुवे, कने तिन्हे जे तुहांजो परमेशरा रा वचन सुणाई रा, तिन्हांजो याद रखा; कने ध्याना ने सोच्चा भई सै किस तरिके रा जीवन जीये कने मरे कने तियां जे तिन्हे विश्वासा कित्या था तिस इ तरिके रा विश्वास तुहें बी दस्सा।

1 पतरस 5:3

देख-रेख करने रे खातर सै लोक जे तुहांजो सौंपे गईरे, तिन्हां पर अधिकार नीं जतावा, बल्कि समूहा रे खातर इक आदर्श बणा।