फिलिप्पियां 2:21 - बिलासपुरी नौआं नियम

²¹ काँह्भई यीशु मसीह क्या चाँह इस बारे च सोचणे रे वजाये हरेक माहणु सिर्फ येई सोच्चां भई सै खुद क्या चाँह।

फिलिप्पियां 2:21 Cross References

मत्ती 16:24

फेरी यीशुये अपणे चेलयां ने बोल्या, “सै जे कोई मेरा चेला बणना चाओ, सै खुद अपणा इन्कार करो कने अपणा क्रूस चक्कीने मेरे पिछे आई जाओ।

लूका 14:26

“जे कोई मेरा चेला बणीने मेरे पिच्छे औणा चाओ, तां तिस्सो अपणे माता-पिता, जनाना कने बच्चयां, भाई कने बैहणां, कने अपणे प्राणा ते बी जादा माहने प्यार करने पौणा। नैईता, तुहें मेरे चेले नीं बणी सकदे।

प्रेरितां 13:13

पौलुस कने तिसरे साथी पाफुसा नगरा ते समुद्री यात्रा शुरु कित्ती कने पंफूलिया प्रदेशा ते पिरगा नगरा च आये; कने यूहन्ना तिसजो जे मरकुस बी बोलां ये तिन्हांजो छड्डिने यरूशलेम जो हटिग्या।

प्रेरितां 15:38

पर पौलुसे तिस्सो सौगी नेणा अच्छा नीं समझया काँह्भई पंफूलिया प्रदेशा च सै तिन्हांते लग हुईगरा था, कने कम्मा पर तिन्हां सौगी नीं गया था।

1 कुरिन्थियों 10:24

हर किसी जो दुज्यां रिया भलाई रे खातर सोचणा चाहिन्दा बल्कि अपणे खातर नीं।

1 कुरिन्थियों 10:33

तियां जे हऊँ बी सब्बीं गल्लां च सब्बीं जो खुश रखां, कने अपणा नीं पर बौहतां रे फायदे खातर कोशिश कराँ ताकि सै छुटकारा पाई सक्को।

1 कुरिन्थियों 13:5

सै गाल़ी नीं देन्दा, प्यार स्वार्थी नींआ, गुस्सेबाज नींआ कने बुरा नीं मनदा।

2 कुरिन्थियों 1:5

काँह्भई तियां जे अहें मसीह रे खातर बौहत दुख सैं, तियां इ परमेशर अहौं मसीह रे जरिये बौहत तसल्ली देआं।

फिलिप्पियां 2:4

हर इक्की जो सिर्फ ये नीं सोचणा चाहिन्दा भई तिसरे खातर क्या भला, पर हरेक जो ये बी सोचणा चाहिन्दा भई दुज्यां रे खातर क्या भला।

2 तिमुथियुस 1:15

तू जाणाँ भई आसिया प्रदेशा च रैहणे औल़े कई विश्वासी मिन्जो छड्डी चुक्कीरे, फुगिलुस कने हिरमुगिनेस बी मिन्जो छड्डी चुक्कीरे।

2 तिमुथियुस 3:2

काँह्भई लोकां सिर्फ अप्पूँजो प्यार करना, पैसे ने प्यार करना, डींग मारना, घमण्डी हुणे, निंध्या करने औल़े हुणे, अपणे माता-पिता रा हुक्म नीं मनणे औल़े, नमकहराम, अपवित्र हुणे,

2 तिमुथियुस 4:10

काँह्भई देमास मिन्जो छड्डिने थिस्सलुनीके नगरा जो जाई चुक्कीरा, काँह्भई सै इस संसारा रिया चीजां जो प्रेम कराँ। क्रेसकेंस बी गलातिया प्रदेशा जो कने तीतुस दलमतिया प्रदेशा जो चलीगरे।

2 तिमुथियुस 4:16

ताहली जे मिन्जो पैहली बार अदालता च सफाई देणी पैई; तां किन्हिये बी मेरा साथ नीं दित्या, पर सारयां मिन्जो छडित्या था। हऊँ प्राथना कराँ भई परमेशर इस कम्मा रे खातर तिन्हांजो माफ करो।