फिलिप्पियां 2:2 - बिलासपुरी नौआं नियम

² तां इक मन रैईने कने इक इ प्रेम, कने मना च इक हुईने कने इक इ मकसद रखीने मेरा ये आनन्द पूरा करा।

फिलिप्पियां 2:2 Cross References

यूहन्ना 3:29

लाड़ा-लाड़ी ब्याह करी लें; पर लाड़े रा मित्र खड़ा हुआं कने तिसजो सुणां, कने सै लाड़े रिया अवाज़ा ते बड़ा खुश हुआं: मेरी खुशी येढ़ि ही हाई कने हुण सै पूरी हुई।

प्रेरितां 1:14

ये सब कई जनानां कने यीशुये री माता मरियम कने तिसरे भाईयां सौगी इक मन हुईने प्राथना च लगीरे रै।

प्रेरितां 2:1

तां जे पिन्तेकुस्त त्योहारा रा दिन आया तां सै सब यरूशलेम च इक्की जगह कट्ठे थे।

प्रेरितां 2:46

पैहलके दिनां च सारे विश्वासी लोक हर रोज़ इक मन हुईने मन्दरा च कट्ठे हुआं थे, कने घरा-घरा रोटी तोड़दे हुये खुशिया ने कने साफ मना ने रोटी खां थे,

प्रेरितां 5:12

प्रेरितां रे जरिये बड़े हैरान करने औल़े काम्म कने चमत्कारी नशाण लोकां च दस्या जां थे, कने सारे मसीह विश्वासी इक मन हुईने सुलैमाना रे बराण्डे च कट्ठे हुआं थे।

रोमियो 12:16

इक दूये ने मेल-जोल रखा, घमण्डी नीं बणा, पर गरीब लोकां ने बी संगती रक्खा; येढ़ा नीं समझा भई तुहें इ बौहत समझदार ये।

1 कुरिन्थियों 1:10

अरे साथी विश्वासियो, हऊँ अहांरे प्रभु यीशु मसीह रे अधिकारा ने तुहांजो विनती कराँ, भई तुहें सब इक दूये ने सैहमत रौआ, कने लग-लग टोलियां नीं बणावा, बल्कि सारे इक मन कने इक सोच रक्खीने इक जुट रौआ।

2 कुरिन्थियों 13:11

हुण आखिर च मेरे साथी विश्वासियो, हऊँ तुहांते बिदा लेआं। अपणा व्यवहार ठीक रखा; तियां इ करदे रौआ तियां जे मैं करने जो गलाया; इक्को जेआ सोच्चा; शान्तिया ने रौआ; कने परमेशर सै जे शान्ति कने प्यार देआं तुहांजो सौगी रैहणा।

2 कुरिन्थियों 2:3

सैई गल्ल त मैं तुहांजो लिखी थी, ताकि ताहली जे हऊँ तुहांले आऊं तां तिन्हाते जे मिन्जो खुशी मिलणी चाहिन्दी थी, तिन्हांते मिन्जो दुख नीं मिलो; काँह्भई तुहां सब्बीं च मेरा इसा गल्ला रा भरोसा भई मेरिया खुशिया ची तुहें सारे बी खुश हुणे।

2 कुरिन्थियों 7:7

कने न सिर्फ तिसरे औणे ते, पर सै तसल्ली जे तिस्सो तुहांते मिली थी ये सुणीने अहें खुश हुये। ताहली जे तिने तुहांरा गहरा प्यार, कने तुहांरे दुख कने मेरे खातर तुहांरी चिन्ता री खबर अहांजो सुणाई, तिसते मिन्जो होर बी जादा खुशी हुई।

फिलिप्पियां 1:4

कने मौज्जा ने अपणिया हरेक प्राथना च तुहां सारयां रे खातर हमेशा परमेशरा ने सहायता री विनती कराँ,

फिलिप्पियां 2:16

भई ताहली जे मसीह वापस औणा तां मेरा घमण्ड करने री वजह ये हूणा भई मेरी मेहणत कने मेरा प्रयास बेकार नीं हुया।

फिलिप्पियां 2:20

काँह्भई मेरले तिमुथियुस साई कोई होर माहणु निआं सै जे हकीकत च तुहांरे कल्याण री परवाह कराँ।

फिलिप्पियां 4:2

हऊँ यूओदिया ने बी कने सुन्तुखे ने बी विनती कराँ, भई सै प्रभु च इक जुट हुईने रौ।

कुलुस्सियां 2:5

हलाँकि हऊँ तुहांते दूर आ, पर तियां जे भई हऊँ तुहांरे सौगी इ हया, काँह्भई हऊँ तुहांरे बारे च सोचदा रैयां, कने हऊँ खुश आ भई तुहांजो तियां जे जीणा चाहिन्दा था तुहें तियां इ जीया कराँ ये कने मसीह च तुहांरा विश्वास मजबूत आ।

2 थिस्सलुनीकियां 2:13

अरे साथी विश्वासियो, कने प्रभुये रे प्यारे लोको, अहांजो तुहांरे खातर लगातार परमेशरा रा धन्यवाद करना चाहिन्दा, काँह्भई परमेशरे तुहांजो शुरु तेई पवित्र आत्मा रे जरिये पापा ते लग करीने कने सच्चाईया च तुहांरे विश्वासा रिया वजह ने छुटकारे खातर चुणीलरा।

2 तिमुथियुस 1:4

हऊँ याद कराँ भई तैं कियां आँसू बहाये थे, ताहली जे हऊँ तेरते लग हुया था, इस खातर तिज्जो देखणे री हऊँ बौहत इच्छा कराँ ताकि हऊँ खुशिया ने भरी जाऊँ।

फिलेमोन 1:20

मेरे प्यारे दोस्त, हऊँ विनती कराँ भई प्रभुये रे खातर इस तरिके ने मेरी मदद करयां। साथी विश्वासी हुणे रे नाते ये करने रे जरिये मिन्जो हिम्मत दे।

2 यूहन्ना 1:4

मिन्जो बौहत खुशी हुई थी ताहली जे मैं सुणया, भई तुहांरे किछ बच्चे परमेशरा रे सच्चे रस्ते पर चलीरे, तियां जे पिता अहांजो चलने रा हुक्म दित्तिरा।

3 यूहन्ना 1:4

मिन्जो इसते बधीने होर कोई खुशी नीं, भई हऊँ ये सुणुं, भई सै जे मेरे बच्चयां साई ये सै परमेशरा रिया सच्चाईया पर चलया राँये।