फिलिप्पियां 2:19 - बिलासपुरी नौआं नियम

¹⁹ मिन्जो प्रभु यीशुये च आशा इ भई हऊँ तिमुथियुस जो तुहांले जल्द भेजगा, ताकि तुहांरे बारे च खबर सुणीने हऊँ उत्साहित हुई सक्कूँ।

फिलिप्पियां 2:19 Cross References

मत्ती 12:21

फेरी अन्यजातियां रे लोकां मसीह रे ऊपर आशां रखणियां।”

प्रेरितां 16:1

फेरी सै दिरबे कने लुस्त्रा नगरा च बी गया, तित्थी तिमुथियुस नौआं रा इक चेला था। सै जे यहूदी विश्वासी जनाना रा पुत्र था, पर तिसरा पिता यूनानी था।

रोमियो 15:12

कने फेरी यशायाह भविष्यवक्ता बी बोलां, “यिशै रा इक वंश परगट हूणा, तिस अन्यजातियां रे लोकां पर राज करना, तिस पर अन्यजातियां रे लोकां आशा रखणी।”

रोमियो 16:21

मेरने काम्म करने औल़े तिमुथियुस कने मेरे यहूदी दोस्त लूकियुस, यासोन कने सोसिपत्रुस रिया तरफा ते तुहांजो नमस्कार।

1 कुरिन्थियों 4:17

इस खातर मैं तिमुथियुसा जो तुहांले भेज्जी राँ, सै जे मेरा प्यारा पुत्र कने प्रभुये च बफादार पुत्र आ। तिस तुहांजो मसीह च मेरा चरित्र याद दिलाणा, तियां जे हऊँ हर जगह हरेक कलीसिया च उपदेश देआं।

इफिसियां 1:13

परमेशरे तुहौं बी अपणे लोक बणाया ताहली जे तुहें सच्चाईया रा सन्देश यनि तुहांरे छुटकारे री खुशखबरी सुणी। तां तुहें तिस पर विश्वास कित्या कने मसीह च परमेशरे तुहां पर छाप लाई सै छाप जे वायदा कित्तिरा पवित्र आत्मा।

फिलिप्पियां 1:1

यीशु मसीह रे दास पौलुस कने तिमुथियुस रिया तरफा ते यीशु मसीह च फिलिप्पी नगरा रे रैहणे औल़े सारे पवित्र लोकां जो कने कलीसिया रे अगुवे कने सेवकां जो मलाईने हऊँ ये लिखिराँ,

फिलिप्पियां 2:18

इयां इ तुहें बी खुश रौआ कने मेरे सौगी मौज करा।

फिलिप्पियां 2:28

इस खातर हऊँ तिस्सो तुहांले भेजणे जो बौहत उत्सुक आ भई ताहली जे तुहें तिसजो देक्खो तां इक बार भीं खुश हुई सक्को कने मेरी चिन्ता घटी जो।

1 थिस्सलुनीकियां 3:2

कने अहें तिमुथियुस जो, सै जे मसीह रिया खुशखबरिया च अहांरा भाई आ कने परमेशरा रा सेवक आ, इस खातर तिस्सो तुहांले भेज्या भई सै तुहांजो मजबूत करने कने विश्वासा रे बारे च समझाई सक्को।

1 थिस्सलुनीकियां 3:5

इस खातर काँह्भई हऊँ होर जादा इन्तजार नीं करी सकदा था, इस खातर मैं तुहांरे विश्वासा रे बारे जाणने तिमुथियुस जो भेज्या। काँह्भई मिन्जो डर था भई किति येढ़ा नीं हो भई इम्तेहान लेणे औल़े शैताने तुहांरा इम्तेहान लेआ हो, कने अहां रिया मेहणता जो बेकार त नीं करित्या।

2 थिस्सलुनीकियां 1:3

अहांरे साथी विश्वासियो, तुहांरे खातर अहांजो लगातार परमेशरा रा धन्यवाद करना चाहिन्दा, कने ये ठीक बी आ, काँह्भई मसीह च तुहांरा विश्वास बौहत बधदा जाया राँ, कने तुहांरा प्यार इक्की दूये रे प्रति बधदा जाया राँ।

2 तिमुथियुस 1:12

कने इसा वजह ने हऊँ इन्हां गल्लां रा दुख सैया राँ, फेरी बी हऊँ शर्मान्दा निआं, काँह्भई तिस पर जे मैं विश्वास कित्तिरा, हऊँ तिस्सो जाणाँ कने मिन्जो ये निश्चा भई तिने मिन्जो जो किछ दित्तिरा, सै तिसरिया रक्षा करने च तिस दिना तक समर्थी आ।

याकूब 4:15

इसरे बजाय तुहांजो ये बोलणा चाहिन्दा, भई “जे प्रभु चाओ तां अहें जिऊंदा रैहन्गे, कने ये या सै काम्म बी करगे।”

1 पतरस 1:21

तिसरे जरिये तुहें परमेशरा पर विश्वास करदे रै तिने जे तिस्सो मूईरेयां चते जिऊंदा कित्या कने तिस्सो महिमा दित्ति, इस खातर तुहांरी आस कने तुहांरा विश्वास परमेशरा पर हुण मजबूत आ।