फिलिप्पियां 2:14 - बिलासपुरी नौआं नियम

¹⁴ सारे काम्म बिणा कोई शकैत या लड़ाई झगड़ा कित्ते बगैर करदे रौआ,

फिलिप्पियां 2:14 Cross References

मत्ती 20:11

पैसे त तिन्हें लेईले पर जमीनदारा ने शकैत करदे हुये सै बोलणे लगे,

मरकुस 14:5

काँह्भई येत तिन्न सौ दिनारा (सै जे इक्की साल्ला री मजदूरिया) ते जादा कीमता रा बेच्चीने, तिस पैसे जो गरीबां च बन्डी सक्कां थे।” इस खातर सै तिसाजो बुरे हाल्ले झिड़कणे लगे।

मरकुस 9:14

ताहली जे यीशु कने तिसरे तिन्न चेले दुज्यां चेलेयां ले वापस आये, तां देख्या भई तिन्हांरे चऊँ पासयां मती भीड़ लगीरी कने किछ शास्त्री तिन्हांने बैहस करया रायें।

लूका 5:30

कने फरीसी कने तिन्हांरे शास्त्री, तिसरे चेलयां ने ये बोलीने शकैत करने लगे, “तुहें चुंगी लेणे औल़यां कने पापियां ने सौगी खां-पीयें?”

प्रेरितां 15:2

पौलुस कने बरनबास तिन्हांने सैहमत नीं थे, तिन्हांरी बौहत बैहस कने झगड़ा हुआ तां ये मन्नया गया भई पौलुस कने बरनबास कने तिन्हां चते किछ विश्वासी लोक इसा गल्ला रा समाधान करने प्रेरितां कने प्राचीनां ले यरूशलेम जो जाओ।

प्रेरितां 15:39

मतलब येढ़ि बैहस हुई भई पौलुस कने बरनबास इक्की दूये ते लग हुईगे; कने बरनबास, मरकुसा जो लईने जहाजा पर साइप्रस टापुये जो चलिग्या।

प्रेरितां 15:7

तां पतरसे बौहत बैहस हुणे ते बाद खड़े हुईने तिन्हांजो गलाया, “भाईयो, तुहें जाणाँ ये भई बौहत दिन पैहले परमेशरे तुहां चते मिन्जो चुणीलरा भई मेरे जरिये अन्यजातियां रे लोक खुशखबरी सुणीने विश्वास करो।

प्रेरितां 6:1

तिन्हां दिना च तां जे चेले गिणतिया च बौहत बधणे लगे, तां यूनानी भाषा बोलणे औल़े यहूदी चेलयां इब्रानी भाषा बोलणे औल़यां यहूदी चेलयां पर कुड़कुड़ाने लगे, भई हर रोज किया सेवा च अहां रियां विधवां री देख-भाल नीं हुंदी।

रोमियो 12:18

जे हुई सक्को, तां सारयां ने शान्तिया ने रैहणे री कोशिश करा।

रोमियो 14:1

तिसरा विश्वास जे कमजोर आ, तिसरा बी स्वागत करा, पर तिस्सो क्या करना चाहिन्दा या क्या नीं करना चाहिन्दा इस बारे च बैहस नीं करा।

रोमियो 16:17

हुण मेरे साथी विश्वासियो, हऊँ तुहांते विनती कराँ, भई तुहें सै जे शिक्षा लेई, तिसरे उलट तुहां च सै जे पंघोल़ पां कने दुज्जेयां रे विश्वासा जो बगाड़ां ये, तिन्हांते खबरदार हुई जावा कने तिन्हांते दूर रौआ।

1 कुरिन्थियों 10:10

कने नां तुहें कुड़कुड़ाओ, तियां जे तिन्हां चते कितणे कुड़कुड़ाये कने नाश करने औल़े दूतां रे जरिये नाश कित्ते गये।

2 कुरिन्थियों 12:20

काँह्भई मिन्जो डर आ भई ताहली जे हऊँ तुहांले आऊं, तां किति तुहांजो तेढ़ा नीं पाऊँ, तेढ़ा जे पाणा चाँह था, कने तुहें बी मिन्जो तेढ़ा इ पावा तेढ़ा जे पाणा चाँये। मिन्जो डर आ भई तुहांरे बिच मिन्जो किति लड़ाईया, जल़ण, गुस्सा, विरोध, हिरख, चुगली, घमण्ड कने बखेड़े नीं मिलो।

गलातियां 5:15

पर जे तुहें इक्की दूये जो जानबराँ साई दन्दा ने बड्डीने खान्दे रैहन्गे तां सावधान रौआ भई, तुहें अप्पूँ बाटियें इक्की दूये जोई नीं खत्म करी दो।

गलातियां 5:26

अहें घमण्डी नीं हो, अहांरा इक्की दूये ने चिड़-चिड़ा स्वाभाव नीं हो, कने नांई अहें अप्पूँ चियें नफरत करो।

फिलिप्पियां 2:3

हिरख कने घमण्डा ने किछ बी मता करदे, बल्कि नम्र बणा कने दुज्जेयां जो अप्पूँ ते खरा समझा।

1 थिस्सलुनीकियां 5:13

कने तिन्हारे कम्मां रिया वजह ते तिन्हांरे प्रति बौहत आदर कने प्रेम दस्सा। कने अप्पूँ चियें मेल-मिलापा ने रौ।

1 थिस्सलुनीकियां 5:15

ये ध्यान रखा भई कोई किसी ने बुराईयां रे बदले बुराई नीं करो; पर सदा अप्पूँ चियें कने सब्बीं ने भलाई करने री कोशिश करा।

इब्रानियों 12:14

सब्बीं ने शान्तिया ने रैहणे, कने पवित्र हुणे रे खातर हर तरह री कोशिश करदे रौआ, काँह्भई पवित्रता ते बिणा कोई प्रभुये जो कदीं बी नीं देखी सकदा।

याकूब 1:20

इस खातर भई जो किछ परमेशरा रिया नज़राँ च ठीक आ सै सब तुहांरे गुस्से च नीं कित्या जाई सकदा।

याकूब 3:14

पर जे तुहां लोकां रे दिलां च कड़वाहट कने स्वार्थ भरोईरा हो, तां अपणे ज्ञाना रा ढोल मता पिटदे, येढ़ा करीने त तुहें सच्चाईया पर पर्दा पान्दे हुये झूट्ठ बोल्ली कराँ ये।

याकूब 5:9

साथी विश्वासियो, अप्पूँ चियें इक्की दूये री शकैतां मता करदे, नैत परमेशरा बी तुहांजो सजा देणी; देक्खा, न्याय करने औल़ा त अन्दर औणे रे खातर दरवाजे पर खढ़िरा।

1 पतरस 3:11

तिस्सो बुराईया रा साथ छड्डिने भलाई करनी चाहिन्दी; तिस्सो दुज्जेयां सौगी मेल-मलापा ने रैहणे खातर कोशिश करनी चाहिन्दा।

1 पतरस 4:9

बिणा शिकायत कित्ते इक्की दूये रा आदर-सत्कार करा।

यहूदा 1:16

ये लोक लगातार कुड़कुड़ां ये कने शिकायत कराँ ये; सै अपणियां बुरियां इच्छां रे मुतावक चलां ये कने सै अपणे बारे च घमण्ड कराँ ये कने अपणे फायदे रे खातर लोकां री चापलुसी कराँ ये।