फिलिप्पियां 1:26 - बिलासपुरी नौआं नियम

²⁶ ताकि ताहली जे हऊँ तुहां सौगी भीं ते रैहन्गा तां तुहें मेरिया वजह ने मसीह यीशुये रे बारे च होर बी जादा गर्व महसूस करगे।

फिलिप्पियां 1:26 Cross References

यूहन्ना 16:22

ठीक इयां इ हुण तुहांजो बी दुख हुणा: पर मांह तुहांजो फेरी मिलणा, कने तुहांरे दिल खुशियां ने भरी जाणे, कने तुहांजो तिसा खुशिया जो मनाणे ते कोई बी रोकी नीं सकदा।

यूहन्ना 16:24

हूणा तक तुहें मेरा चेला हुणे रे नाते किछ नीं मंगया : परमेशरा ते मंगगे तां पांगे ताकि तुहांरी मौज पूरी हुईजो।

2 कुरिन्थियों 1:14

तुहां अन्त च अहौं पूरी तरह समझी लेणा हलाँकि हल्तियें तुहें अहांजो बौहत इ कम समझी पाये। ताकि तुहें अहांरे खातर तियां इ गर्व करी सक्कां ये तियां जे अहां तुहांरे खातर तिस दिन गर्व करना ताहली जे अहांरे प्रभु यीशु फेरी भीं औंगे।

2 कुरिन्थियों 5:12

अहें तुहांरे सामणे भीं ते अपणी कोई बडयाई नीं करी रायें, बल्कि तुहांजो इक मौका देई कराँ ये भई तुहें अहां पर घमण्ड करी सक्को; ताकि तुहें तिन्हौं जबाब देई सक्को सै जे मना पर नीं पर दिखावटी गल्लां पर घमण्ड कराँ ये।

2 कुरिन्थियों 7:14

तुहांरे खातर मैं तिसने सै गल्लां जे बढ़ी-चढ़ी ने कित्तियां थी, तिसरे खातर मिन्जो शर्मिन्दा नीं हुणे पैया; बल्कि अहें तियां जे तुहांजो सारा किछ सच्च-सच्च गलाया था, तियां इ तुहांरे बारे च अहांरा गर्व तीतुस रे सामणे सच्चा साबित हुया।

2 कुरिन्थियों 7:4

मिन्जो लगां भई हऊँ तुहांजो साफ तरिके ने बोल्ली सक्कां, कने हऊँ तुहांरे बारे च बौहत खुश आ। अहां रियां सारियां परेशानियां रे बावजूद बी तुहें मिन्जो बड़ी तसल्ली दित्ति कने हऊँ हुण बी बौहत खुश आ।

2 कुरिन्थियों 7:6

उदास लोकां जो तसल्ली देणे औल़े परमेशरे तीतुस जो येत्थी भेज्जीने अहांजो तसल्ली दित्ति।

गलातियां 6:4

पर अपणे कम्मां री जाँच-पड़ताल़ हरेक माहणुये जो खुद करना चाहिन्दा, येढ़ा करने ते तिस्सो खुद अप्पूँ पर किसी दूये ने फर्क कित्ते बगैर, गर्व करने रा अवसर मिलणा।

फिलिप्पियां 3:1

इस खातर मेरे साथी विश्वासियो, प्रभु च मौज मनान्दे रौआ। तुहांजो भीं बार-बार तिन्हांई गल्लां जो लिखदे रैहणे ते मिन्जो कोई दुख नीं हुन्दा काँह्भई येई गल्लां तुहौं झूट्ठे शिक्षकां ते सुरक्षित रख गियां।

फिलिप्पियां 3:3

काँह्भई सच्चे खतने औल़े माहणु त अहें सै जे परमेशरा रिया आत्मा री अगवाईया ते अराधना कराँ ये कने मसीह यीशुये पर गर्व कराँ ये, कने अपणिया मेहणता पर भरोसा नीं रखदे।

फिलिप्पियां 4:10

तुहें पक्का मेरिया भलाईया रे खातर सोच्चां थे पर तुहांजो मेरी मदद करने खातर मौका नीं मिलया था, पर हुण आखिरकार तुहांजो मेरे बारे च भीं ते चिन्ता जाग्गी, इसते हऊँ प्रभु च बड़ा भरी खुश हुया।

फिलिप्पियां 4:4

प्रभु च हमेशा मौज करदे रौआ; हऊँ फेरी भीं बोलां, मौज करा।