फिलिप्पियां 1:18 - बिलासपुरी नौआं नियम

¹⁸ पर इसते कोई फर्क नीं पौन्दा, जरूरी त येआ भई इक्की ढंगा ने या दुज्जे ढंगा ने, चाये बुरा मकसद हो, चाये भला प्रचार त मसीह राई हुआं कने इसते मिन्जो खुशी मिलांई कने खुशी मिलदी इ रैहणी।

फिलिप्पियां 1:18 Cross References

मत्ती 23:13

“अरे कपटी शास्त्रियो कने फरीसियो, परमेशरा तुहांजो भयानक सजा देणी! तुहें लोकां जो परमेशरा रे अधीन हुणे ते रोकां ये, तुहें तिन्हां माह्णुआं साई ये सै जे स्वर्गा रे राज्जा रा दरवाजा बन्द करी दें इस खातर भई दुज्जे परमेशरा रे नगरा च प्रवेश नीं करी सक्को; तुहें खुद त तिसच दाखल नीं हूणा चाहन्दे कने होरीं जो बी तिसच जाणे ते रोकां ये।

मरकुस 12:40

सै विधवां जो धोखा देईने तिन्हांरे घराँ कने धन-दौलता जो ठगी लैं, फेरी सै लोकां जो ये दस्सां ये भई बड्डिया देरा तक प्राथना करीने सै बधिया करी रांये। येढ़यां लोकां जो भयानक सजा मिलणी।”

लूका 9:45

पर चेले इसा गल्ला जो नीं समझी पाये थे भई सै अपणिया मौती रे बारे च गलाईरां था, कने येई गल्लां तिन्हांते छिपीरी रैईयां भई सै तिन्हांजो जाणी नीं पाओ, कने सै सब जणे इसा गल्ला रे बारे च यीशुये ते पुछणे ते डराँ थे।

लूका 9:50

पर यीशुये गलाया, “तिस्सो मना मत करा; काँह्भई सै जे तुहांरे बरोधा च नींये, सै तुहांरिया तरफा जो ये।”

रोमियो 3:9

तां फेरी क्या अहें यहूदी अन्यजातियां ते खरे? नां बिल्कुल नीं, काँह्भई अहें दस्सी चुक्कीरे भई चाये कोई यहूदी ओ या अन्यजातियां रे लोक ओ, सारे पापां रे बशा चे।

रोमियो 6:15

तां अहें क्या करिये? क्या अहें पाप करिये काँह्भई अहें व्यवस्था रे अधीन नींये, वल्कि परमेशरा रे अनुग्रह रे अधीन जीआं ये? कदीं मनी!

1 कुरिन्थियों 10:19

फेरी हऊँ क्या बोलां? क्या येढ़ा भई मूर्तिया पर चढ़ीरा बलिदान किछ हया या मूर्ति किछ इ?

1 कुरिन्थियों 14:15

इस खातर, हऊँ क्या करगा? हऊँ आत्मा ते बी प्राथना करगा, कने बुद्धिया ने बी प्राथना करगा; माह आत्मा ते बी गाणा, कने बुद्धिया ने बी गाणा।

1 कुरिन्थियों 15:11

इस खातर चाये हऊँ आ, चाये सै ओ, अहें येई प्रचार कराँ ये, कने इस पर तुहें विश्वास बी कित्या।

फिलिप्पियां 1:19

काँह्भई हऊँ जाणाँ भई तुहांरियां प्राथनां रे जरिये कने तिसा पवित्र आत्मा रिया सहायता ते तिसजो जे यीशु मसीह भेज्या मेरा छुटकारा हूणा।