पिलिपी 4:18 - Korwa Bible

¹⁸ अपे इपापुरूदितूसते ईंग लगापे वारतेरा हना संघरा, ईंग पवावकियानखनिंग संतोकयना। नुँहू ईंग एचेरे तोनोंग इयाःआ हुडिंग बगरा कोवानेःआ अरू जनामालेःआ इनिदा। अपेराः संघरा भगवान लगा नपाय महक एमेयता हना बलिदान इया इदा अरू हनाते हाँय ननाययना।

पिलिपी 4:18 Cross References

मूक चेलाकू 10:4

कुरनेलियूस बोतोरते हाँय अगी मी ढिट ञेलतिरिगखने होंबरेःआ, “ने परबू, चिला हवे?” दो हाँयग बराहील कतातेरा, “आमराः अरजी अरू गरीब होड़कू लगा आम एमेतेरा हना संघराते भगवान ननाययना।

रूमी 12:1

हनालगा ईंगरिकुःआ अजी बोपोहकूतिंग, भगवान अबूय मयावारा हना कता उहियारकेडपेखन अपे एचेरे गोड़न पइयन घड़ीनिंग असेयतना। अपे अँननपेराः देह भगवान ननायगुःता हना सुद अरू जीयत बलिदान इया जमालेःआपे जिमागोड। नाःआ भगवान सेवाराः सताय लूर हवे।

2 कुरिंती 11:8

ईंगराः गुजर मसर सलाः लगा ईंग एटाः एटाः कलसियारिकुःआ होड़कू अते बरेलायिंग गोःकेरा, जेमहा अले अपेले सेवा अवे।

2 कुरिंती 9:12

अपे नाःआ इया बिहिरीपे उतरावता हना अते भगवानरिकुःआ सुद होड़कूराः जरूरइत एकला मेरपे पुरावगेता, मनदो मुरुक एटाः होड़कू हों हना अते भगवानकू धनियाबादता।

इपीसी 5:2

ईसू मसी अबू दुलारकेडखन अनँयग जीव अबू लगा भगवान मड़ंगरे मुरुक नपाय महकराः बलिदान इयाय जिमातेरा। हननलगा अपे अँननपे दुलार होड़ेंगगोड ञवन।

पिलिपी 4:12

ईंग एचेरे गुनमिन दोहोन सहे बगरा दोहोन, बनर बेलारे संतोकरे दोहोन लगायिंग सुदीयता। ईंग जमालेःआ हाल-चालरे संतोकरे दोहोन लगायिंग सुदीयता, बीत दोहोन लगा सहे रंगेगतो दोहोन लगा अरू गिरहत दोहोन लगा सहे गरीब दोहोन लगा हों ईंग सुदीयता।

2 तिसलूनिका 1:3

दो ईंगरिकुःआ अजी बोपोहकूतिंग, ईसू मसी एचेरे अपेराः बिसवास नपाय बड़ियाड़ इदीनतना अरू अपे बगरापे दुलार होड़ेंग इदीनतना। हनालगा जमा बेला अपे बदीरे अलेके भगवान धनियाबादगेय लगा इदा अरू ननन इया एएचे हों नपाय इदा।

इबरानी 13:16

एटाः होड़कू नपायते संघरावाकू लगा अरू हटिंगवाकू लगा अलोपे लिड़िंगे। ननन इयाःआ बलिदानते हमा भगवान ननायगुःता।

1 पतरस 2:5

दो जीयत दिरिकून इया सुद बिरुवा अपे भगवानराः सताय ओड़ाःरे एटाः होड़कू सुदा जोड़ावकेडपेखन सुद पुजउरीकू तुलापेतना, जेमहा भगवान ननायगुःता हना सुद बलिदानकून, अपे ईसू मसीतेपे देग अवेयता।