पिलिपी 3:9 - Korwa Bible

⁹ नुँहू ईंग ईंगराः तोनोंगाः नपाय बुता एचे अते सहे नियम मनाः अते भगवानराः ओंगोलरे बेगर गारबार होड़ मेरिंग बड़ाँवगना, मनदो ईंग ईसू मसी एचेरेयिंग बिसवासकेरा, हना अते ईंग भगवानराः ओंगोलरे बेगर गारबार होड़िंग बड़ाँवकिया। हाव, बिनिसवास एकलाते भगवानराः ओंगोलरे बेगर गारबार होड़िंग बड़ाँवकिया।

पिलिपी 3:9 Cross References

मती ओजाःतेरा भगवानराः नपाय सरवन 9:13

ईंग बेगर गारबार होड़कू राः लगा कोवान, मनदो कसूर होड़कू राः लगायिंग वेगकिया। अपे भगवानराः कागदरे ओजाःतो इदा हना कता नपायतेपे चिडुः, ईंग बलिदान मेरिंग चहाःतना, मनदो होड़कू सोगागोड होड़ेंगकू लगायिंग चहाःतना।”

रूमी 1:17

भगवानराः कागदरे ओजाःतो इदा, “भगवान बेगर गारबारीग होड़े बनाड़ाँवकिरिया, हाँयग होड़ बिसवासतेय जियावगोड ञवनता।” हनन इया नपाय सरवनरे बुँहड़ीन अते टुटीग वरीय बिनिसवासगोड ञवनता, हनाँयग होड़ भगवान बेगर गारबारीग होड़े बड़ाँवगेयता।

रूमी 10:10

मी होड़ अनँयग जीवरे बिसवासकेडखन भगवानराः ओंगोलरे फड़ियावतो होड़े बड़ाँव जुवाःता अरू हाँय कबुलाः घड़ीने सडाव जुवाःता।

रूमी 16:7

अंदरुनिकूस अरू उनियास ईंग अगीतेपे सलामगोडकिन। हँकिन ईंगरिकिनाः जइत सगा होड़किन हवे अरू ईंग सुदा जेहेलरेकिन दोहोना। ईसूरिकुःआ मूक चेलाकूतेनते हँकिन मान मरजइतगे इया होड़किन दोहोना अरू हँकिन ईंग अते मड़ंग ईसू मसी एचेरेकिन बिसवासकेरा।

रूमी 5:21

जेमहा कसूरते जमा होड़कू एचेरे गुजुः सेड़यावयना हनन इया अबूरीग परबू ईसू मसीते बेगर गारबार होड़कूय बड़ाँवकेडबुःआ अरू ओरो टुटीगनेना हना जीवबू पवाः।

रूमी 8:1

भगवान अबू सडावकेडबूखन ईसू मसी सुदाय मिनीगोतेडबुःआ, दो भगवान अबू ओरोय डंडियावतेडबुःआ। [अबू होड़कूराः ओंगोल इया कोवान, मनदो सुद बिरुवाराः ओंगोल इयाबू सलाःता।]

रूमी 8:3

दो अबू मोसेसराः नियमकून जमालेःआ मनाः लगाबू कुरनिसगे। हनते हों अबूराः कसूर लूर-नेवन मेर टुटीगगुःता। मनदो भगवान अबूय सडाव अवेता। हनालगा जमा होड़कूराः कसूर बराव एंडागे लगा, हाँय अनँयगरीग मिनी होड़ बेटात ईसू मसी, कसूरतो मनुवाराः सुरइत मुरइतरे, नाःआ चउंदीसरेय वारगोतेडीग। हनते हाँय जमाकूराः कसूर लगा डंडियावतेडखन ईसूय एचे बलिदानगोतेडीग।

1 कुरिंती 1:30

भगवान अपे ईसू मसी सुदाय मिनीकेडपेःआ अरू हाँय अगीते अबू कनहूनदारकू बड़ाँवकिया। अरू हाँयते अबू भगवानराः ओंगोलरे बेगर गारबार होड़कूबू बड़ाँवकिया अरू सुद होड़कू बड़ाँवकेडबूखने सडावकेडबुःआ।

2 कुरिंती 5:17

तोनोंगीग मसी सुदाय मिनीयान दो हाँयराः जीव नँवायना। हाँयराः जुना जीव टुटीगयना अरू जमालेःआतेय नँवायना।

2 कुरिंती 5:21

मसी कहियो मेरेय कसूरगरा। मनदो भगवान अनँयगराः ओंगोलरे अबू बेगर गारबार होड़कू बड़ाँवबू लगा, हाँयग मसी कसूर होड़े बड़ाँवतिरिया।

गलातिया 2:16

तोनोंगीग होड़ एहूदाकूराः नियमकून मनाः अते भगवान हाँय कसूर अते फड़ियावतो होड़ मेरेय बड़ाँवगेयता। मनदो हाँय ईसू मसी एचेरेय बिसवासगेता दो, हनानाः अते भगवान हाँय कसूरते फड़ियावतो होड़े बड़ाँवगेयता, माःआनले सुनुदीयतना। हनालगा अले एहूदाकू हों नियमकूनले मनाःता हना अते कोवान, मनदो ईसू मसी एचेरेले बिसवासगेता हना अते भगवान अले कसूर फड़ियावतो होड़कूय बड़ाँवकेडलेःआ।

पिलिपी 3:6

अरू मोसेसराः नियम नपायते मनाः बदीरे ईंग बेगर गारबार होड़िंग दोहोना। भगवान मान मरजइत लगा सनपड़ावतोयिंग दोहोना अरू हनालगा कलसियारिकुःआ बिसवासी होड़कूयिंग संतावतेरा।

2 तिमुतियूस 1:9

हनाँयग भगवान अबूराः तोनोंग नपाय बुता ञेलकेडखन कोवान, मनदो हाँय चउंदीस बुँहड़ीन अते मड़ंगरेय ओंगोल दोहोतेरा हना इया ईसू मसीते मयावाडबूखने सडावकेडबुःआ अरू सुद जीव जियाः लगाय राःकेडबुःआ।

तितूस 3:5

अबूराः तोनोंगाः नपाय बुताते भगवान मेरेय सडावगडबू, मनदो अनँयग आँयग मयावाडबूखन आँयगराः सुद बिरुवा अबू जीवरे पेरेगकेडखन अबूराः कसूरे बुहालकेरा अरू नँवा जीवे एमेकेरा।

इबरानी 6:18

दो भगवान अबू सुदाय जबानकेरा, अरू मीटोंग किरिया होंय जोमकेरा। भगवान कहियो ओरोय लबरा अवेनेना। हनालगा नाःआ बनर कहियो ओरो टगावनेना। अरू अबू हाँय एचेरे दांगगुः लगाबू बतकावकिया दो, मुरुक डीड़कियानखन अबू मड़ंगरे इदा हना असराबू पवाव अवेन।

एकूब 3:2

अबू जमाकू मुरुक गारबारबू एचेयतना। मनदो अनँयग आहे संभाड़ अवेयता हाँयग होड़ बेगर गारबारीग होड़ दोहोनता। अरू उरिगकूराः तोतोँड़ाकू तोलकूता हनन इया हाँय अनँयग आँयगराः जमा देहे संभाड़ अवेयता।

2 पतरस 1:1

ने ईंगरिकुःआ अजी बोपोहकूतिंग, ईसू मसीरीग सेवादार अरू मूक चेला सिमोन पतरस, ईंग नाःआ चिठीयिंग ओजाःगेतना। अबूरीग भगवान अरू सडावदार ईसू मसी, अबू बेगर गारबार होड़कूय बड़ाँवकेड अते, अले पवावकिया हनानाः मुरुक किमइताः बिसवासकू पवावकिया अपे लगा नाःआ चिठीयिंग ओओजाःतना।

1 एहुना 3:4

कसूरगेताकू हँकुःआ होड़कू भगवानराः नियमकू टड़ावता। अरू सनातायरे भगवानराः नियम टड़ाव दो कसूर हवे।