पिलिपी 2:9 - Korwa Bible

⁹ हनालगा भगवान हाँय मनारंग हातपात ओवाडिगखन हाँयराः ञाव जमाकूराः ञाव अते जगलेय बड़ाँवकेरा,

पिलिपी 2:9 Cross References

मती ओजाःतेरा भगवानराः नपाय सरवन 11:27

ईंगरीग अपांग भगवान ईंग एचेरे जमाकूने जिमाकेरा। सनातायते अपात अड़ाःकेडखन तोनोंगीग होड़ बेटात मेरेय सुदीयता, अरू बेटात अड़ाःकेडखन तोनोंगीग होड़ अपात मेरेय सुदीयता। भगवान सुसुदी लगा बेटात सुनावकूता, हँकुःआ होड़कू एकला भगवानकू सुदी अवेता।

मती ओजाःतेरा भगवानराः नपाय सरवन 28:18

हनते ईसू हँकू एचेरे सेनेडखने कतातेरा, “सेरमो देस अरू ओतराः जमा हातपात भगवान ईंगे जिमावारा।

लूका 10:22

भगवान एचेरे ईसू अरजी चबाकेडखन हँकुःआ चेलाकू एचेरेय कताया, “ईंग अपांग ईंग एचेरे जमालेःआए जिमागोतेरा। अपात एकला सुदीयतना बेटात इये हवे अरू अपात इये हवे हना दो बेनेटात एकला सुदीयतना। अरू बेटात उदुःवाकू लगाय चहाःता हँननकुःआ होड़कू होंकू सुदीयता।”

एहुना 13:3

अपांग जमाकूनराः हातपात ईंग एचेरेय जिमाकेरा अरू ईंग भगवान अतेयिंग वेगकिया अरू भगवान एचेरेयिंग कुदा सेनता माःआन ईसू सुदीकेडखन,

एहुना 17:11

ईंग नाःआ चउंदीसरे ओरोयिंग दोहोनेना मनदो नँकू चउंदीसरेकू दोहोनता अरू ईंग आम एचेरेयिंग सेनता। ने सुद अपांग भगवान, अलंग मिनी इदानलंगा, हनन इया हँकू हों मिनीकू दोहोन लगा ईंगमे एमेवातेरा अनमराः ञावराः जंगरते हँकूम बनसावगोड ञवन।

एहुना 17:12

ईंग हँकू सुदा चउंदीसरेयिंग दोहोन मेला आमराः ञावराः जंगरते हँकूयिंग बनसाव हड़ाःकुःआ। लायगुः लगा भगवान दोहोतिरिया हनाँयग चेला एकला भगवानराः कागदरे ओजाःतो इयाय लायगुःता।

एहुना 17:5

दो ने अपांग, चउंदीसमे तुला अते मड़ंगरे ईंग आम सुदायिंग दोहोना, हनन मेलाःआ मान मरजइत नुँहू एमेवायिंगमे।

मूक चेलाकू 5:31

भगवान अनँयग खउना तिःई गतर हाँय एचे दुड़ुःकिरिगखन राजा अरू सडावदारे तुलाकिरिया, अरूय मान मरजइतकिरिया। नाःआ अते इसराएल होड़कू अँकूराः कसूर अते जीवकू कुदाता अरू हँकूराः कसूर भगवान बराव एंडागोडता।

इपीसी 1:10

अरू भगवान तोल दोहोकेरा हनानाः बेलाराः बुइद इया, सेरमोरे अरू ओतरे इदानकुःआ, हँकुःआ जमाकू मसीराः हातपातरेकू होया जुवाः।

कुलूसी 1:18

हाँय कलसियाराः बोः हवे अरू कलसिया हाँयराः देह हवे। हान हनाँयते बुँहड़ीनेना अरू गोएगतो अतेकू जियाव रेमनेना हँकुःआ होड़कू अते मनाड़ंग इनीदानिया। नाःआते हाँय जमालेःआते मनारंगे होयाःता।

2 तिसलूनिका 1:12

जेमहा अबूरीग भगवान अरू परबू ईसू मसीराः मयाते अपे एचेरे ईसूराः मान मरजइत होयाः, अरू ईसू मसी अपे होंय मान मरजइत।

इबरानी 1:4

ईसू सेरमो देसरिकुःआ जमा बराहीलकू अते मरंग ञावे पवावकियानते, हाँय हँकू अते अगम मरंगे बड़ाँवकिया।

इबरानी 1:9

आम सताय कताम मंजूरवाता अरू बेलूर कताम हिनइस-बिनइसवाता। हनालगा भगवान, अनमरीग भगवान, बनाहालते सुनावकेडमेखन आमरिकुःआ सउंगताकूताम अते राजाय बड़ाँवकेडमेःआ।”

इबरानी 12:2

अबूराः बिसवासे बुँहड़ीता अरूय उडु-बुडूगेता, हाँयग ईसू अगी सिरढीटबू ञेलगोड ञवन। हाँय कुरूसराः गुजुः बदीरे एचे बेग-हतान लगा मेरेय ओंगोल एरंगगान, मनदो हाँय दरवाःआ हना बहालराः कताकून लगा हना कटसियाय सहावतेरा। अरू हना तयोमते भगवानराः गदीराः खउना तिःई गतर हाँय दुड़ुःकिया।

इबरानी 2:9

मनदो अबू ईसूबू ञेलता। दो गुनमिन बेला लगा हाँय सेरमो देसरिकुःआ बराहीलकू अते भगवान हुडिंगे बड़ाँवतिरिया, जेमहा हाँय भगवानराः मयाते जमाकू लगा गुजुःए अटकार अवे। अरू नुँहू हाँय गुजुः सहावतेडखन मान मरजइते पवावकिया अरू मरंगे बड़ाँवयना।

1 पतरस 3:22

दो ईसू मसी सेरमो देस अगी तोराया अरू नुँहू हाँय भगवानराः खउना तिःई गतररेय दुड़ुःकिया। सेरमो देसरिकुःआ बराहीलकू अरू जमा हातपातदारकू अरू अबू मेरबू ञेल अवेकूता हँकुःआ जंगरदार भूतकू, हँकू जमाकू हाँयराः आड़रेकू सलाःतना।

2 पतरस 1:17

ईसू मसी, अपांग भगवान अगीते मान-मरजइते पवावनेना हनमेला, विड़चेड़तो मरसल सुदा भगवानराः अरो सेरमो होरतेले अयूमतेरा, नाँय ईंग ननायगुःतना ईंगरीग दुलार बेटा हवे, माःआन।

3 एहुना 1:7

नँकुःआ होड़कू ईसूराः सेवा लगा अँकू ओड़ाः अते एटाः एटाः देसकू सेनता अरू बेगर बिसवासी होड़कू अते तोनोंग इयाःआ संघरा ओरोकू गोःतेरा।

उदुःतो कताकून 1:5

अरू ईसू मसी हों अपे मयावाडपेखन सलसत एमेवापे लगायिंग अरजीतना। हाँय बिसवासगेयीग दोहोकियानखन होड़कू एचेरे सताय भगवाने उदुःवातेडकुःआ। हाँय गोएगनेनखन जियाव रेमतो होड़कू अते मड़ंगीगे दोहोना अरू चउंदीसरिकुःआ जमा राजाकूरीग मनारंग राजा हवे। ईसू अबूय दुलारकेडबुःआ अरू कुरूसरे अनँयग बलंगीय तूतेड अते हाँय अबू कसूरराः बोझातेय अजइतकेडबुःआ।

उदुःतो कताकून 11:15

हनते सात नमाररीग सेरमो देसरीग बराहील मरंग सोहनाईए ओंगतेड दो, सेरमो देसरे मुरुक सटी अरो अयमुःआ। हँकू कतातेरा, “चउंदीसराः राइजकून अबूरीग परबू भगवानराः अरू आँयगरीग मसीराः होयाकिया। अरू हाँय सगर जूग वरीय राइजगोड ञवनता।”

उदुःतो कताकून 19:16

हाँयराः सोनहेरे अरू हाँयराः पिंडातेनरे मीटोंग नाःआ इया ञाव ओजाःतो इदा, राजाकूरीग राजा अरू परबूकूरीग परबू।

उदुःतो कताकून 3:21

ईंग हों जितावनेनखन ईंगरीग अपांगराः गदीरे हाँय सुदायिंग दुड़ुःयना। दो हनन इया जितावबाः जुवाः हाँयग होड़ हों ईंगराः गदीरे ईंग सुदायिंग दुड़ुःगेयता।

उदुःतो कताकून 5:12

अरू हँकू मुरुक सटीतेकू सेरेंगा, “ने ञेड गोएगतो भेड़ा होन आम जंगर अरू आन-धान, कनहून अरू सवांग, मान मरजइत अरू जाग, अरू धनियाबाद पवाः जुकूर इदानमेःआ।”