पिलिपी 2:29 - Korwa Bible

²⁹ हाँय अपे एचेरेय सेन दो, नाँय ईसू मसीरीग होड़ हवे, माःआन ओंगोलवाडखन मुरुक बहालते हाँयपे नेत-नेवार, अरू नाःआ इयाकुःआ होड़कू, अपे मान मरजइतकू लगा इदा।

पिलिपी 2:29 Cross References

लूका 9:5

तोनोंग सहररिकुःआ होड़कू अपे मेरकू नेत-नेवारपे दो हँकूराः सहर अते बहरी सेन मेला हँकूराः बदीरे मीटोंग चिनहा इया अपेराः काटराः धुंदरा कोटा एंडा अटूपे।”

एहुना 13:20

अपे ईंगपे अयूम! ईंग वारेयता हाँयग होड़ तोनोंगीग मनेवायता, दो हाँय ईंगे मनेवाता अरू ईंगे मनेवाता हाँय, ईंगे वारकेरा हाँये मनेवाता।”

मूक चेलाकू 2:46

सगर दिन हँकू भगवानराः ओड़ाःरे संगइती लगा मिनीकियानखनकू जुमाःआ। हँकू ओड़ाःरे रुटीकू डुंडीगा अरू मिनी जीव अरू बहालतेकू जोम इदीया।

मूक चेलाकू 28:10

हँकुःआ होड़कू अले मुरुककू मान मरजइततेडलेःआ अरू अले पेय महिना तयोमरे सेन लगाले सपड़ावनेन दो अले लगा हुडिंग बगरा दोहोना हना जिनिसकून जहाजरेकू देगगोतेड।

मूक चेलाकू 8:8

हनालगा हना सहररिकुःआ होड़कू मुरुककू बहालयान।

रूमी 10:15

तोनोंगीग हँकू मेरकू वारकेकुः दो हँकू करा इया एटाःकू एचेरेकू कता उदुः अवेकेःआ? हनालगा भगवानराः कागदरे हँकुःआ होड़कू बदीरे नाःआ इया ओजाःतो इदा, “नपाय सरवनकू उदुःता हँकुःआ होड़कूराः काट तुमिन सुघर इदा!”

रूमी 16:2

हाँय ईंग लगा अरू मुरुक बगरा होड़कू लगा होंय संघरावातेडलेःआ। हनालगा हाँय अपे एचेरेय सेन मेला नपायतेपे नेत-नेवारगेय अरू अपे भगवानरिकुःआ सुद होड़कूपे मान मरजइतता हनन इया हाँय होँपे संघरावा।

1 कुरिंती 16:10

अपे सुसुदीतना, तिमुतियूस ईंग इया परबूय सेवातना। हाँय अपे एचेरेय सेन दो बेगर बोरतेय दोहोन लगापे संघरावाय।

1 कुरिंती 16:18

हँकुःआ होड़कू अपेराः जीवकू हड़ियाड़केरा हनन इया ईंगराः जीव होंकू हड़ियाड़गोतेरा। नाःआ इयाकुःआ होड़कूपे मान मरजइत।

2 कुरिंती 10:18

मी होड़ अनँयग बदीरेय भल-भलायगुः दो भगवान हाँय ओरोय मनेवातिरिया, मनदो परबू भल-भलायगुःता हनाँयग होड़ भगवान मनेवायता।

2 कुरिंती 7:2

अले बदीरे अपेराः दुलारपे उदुःगोड। अले तोनोंगीगराः कहिसाः मेरले आडगरा, तोनोंगीग सुदा बेलूर मेरले एचेगरा अरू तोनोंगीग मेरले अडिगगरा।

पिलिपी 2:28

नननलगा ईंग हाँय वारेय लगा मुरुकिंग कुरनिसगेतना, जेमहा हाँय अपे सुदा हों जुमावकियानखनपे अहाल बहाल जुवाः अरू ईंगराः जीव सलसत जुवाः।

कुलूसी 4:10

परसार बदीरे ईंग सुदा जेहेलरे इदानिया, हाँयग अरिसतरकूस अपेय सलामतना। अरू बरनाबासरीग नसी-नता बोहोत मरकूस अपेय सलामतना। अपे मनाड़ंगगिंग उदुःवाडपेःआ मरकूस लगा करा इया अपेके एएचे इदा। हाँय वेग दो अपे हाँय नपायतेपे नेत-नेवारगेय।

1 तिसलूनिका 5:12

ने अजी बोपोहकूतिंग, अले मीटोंग बड़राले असेगेतना। अपे तलारेकू सेसेवातना अरू अपेकू अगुवाइवापेतना अरू परबू ईसू लगा नपाय जीव जियाः लागाकू सेतावपेता, हँकुःआ होड़कू मान मरजइतकूपे।

1 तिमुतियूस 5:17

नपायते होड़कूकू अगुवाइवाता हँकुःआ कलसियारिकुःआ अगुवा होड़कू अते तोनोंग तोनोंग होड़कू भगवानराः सरवनकू परसारगे लगा अरू चेडकू लगाकू मिहनइतगेता। दो ननन इयाकुःआ होड़कू बगरा मान मरजइतकू लगा इदा।

इबरानी 13:17

अपेरिकुःआ मूक होड़कू अपेकू तिहा हड़ाःता। हनालगा हँकूराः हुकुमपे मनाः अरू हँकूराः आड़रेपे दोहोन। हँकूके अपे बदीरे भगवान एचेरे आभा पुपुराव पराःता। हँकू बनाहालते नाःआ बुताकूपे एचे ओवाकू। हँकूके नाःआ बुता हंबाल इया होया जुवाः दो, अपे लगा तोनोंगाः नफा ओरो होयानेना।

3 एहुना 1:10

हाँय एटाः होड़कू एचेरे बेलूर ओंगोलते अले बदीरे बड़राय बहकावगोड ञवनता। हनाते हों हाँय मेरेय राजूगान अरू हाँय बिसवासी होड़कू मेरेय नेत-नेवारकूतना। एटाः होड़कूकू नेत-नेवारता हँकुःआ होड़कूय रोंकावतना अरू हँकुःआ होड़कू कलसियारिकुःआ होड़कू अते एटाःगोडकूतनाय। हनालगा ईंग हंडा सेने दो हाँय एचेकेरा हना जमाकूनिंग उहियार अगूयता।