पिलिपी 2:19 - Korwa Bible

¹⁹ परबू ईसूराः ओंगोल इदान दो, ईंग तिमुतियूस अपे एचेरे हलीयिंग वारेयता, जेमहा हाँय अपे अतेय कुदा वेगकियानखन अपे बदीरे नपाय सरवने कता उदुःवायिंग अरू हनाते ईंगराः जीव अहाल-बहाल जुवाः।

पिलिपी 2:19 Cross References

मती ओजाःतेरा भगवानराः नपाय सरवन 12:21

जेमहा जमा जइत होड़कू हाँय एचेरेकू असरागोड ञवन।

मूक चेलाकू 16:1

पउलूस अरू सिलास दिरबे सहररेकिन सोदोरनेन अरू हनाते लुसतरा सहररेकिन सेनेडा। हंडा तिमुतियूस ञावीग मी होड़ ईसूरीग चेला दोहोना। हाँयरीग एंगात ईसू एचेरेय बिसवासगेःआ मी होड़ एहूदा अइमी दोहोना अरू हाँयरीग अपात बेगर एहूदा होड़े दोहोना।

रूमी 15:12

अरू एटाःरे एसयाह ओजाःकेरा, “एसेरीग नइड़-बाँस अते मी होड़ जनमावगुःता, हाँय बेगर एहूदाकूरीग राजाय बड़ाँःता, अरू हँकू हाँय एचेरेकू असराता।”

रूमी 16:21

ईंगरीग सेवा देंगवा होड़ तिमुतियूस अपेय सलामवातना। हनन इया ईंगरिकुःआ जइत सगा होड़कू लुकियूस अरू एसोन अरू सोसिपतरूस अपेकू सलामवातना।

1 कुरिंती 4:17

नाःआ लगा ईंग अपे एचेरे ईंगरीग दुलार बेटा इयायीग तिमुतियूसिंग वारतना। हाँय परबू लगा बिसवासगेयीग इदानिया। जमा ततेरराः कलसियारिकुःआ होड़कू सरवनिंग चेडकूता हना चेड इया ईसू मसी लगा करा इयायिंग जियाःतना हना हाँय अपे एचेरेय कता उदुःगेता।

इपीसी 1:13

अपे सडावता हना नपाय सरवनराः सताय कता अपे हों अयूमकेडखनपे बिसवासकेरा अरू हनमेला भगवान जबानतेरा हाँयग सुद बिरुवा अपे जीवरे मीटोंग मोहोर इया लगावतेडखन ईसू मसीते आँयगरिकुःआ निकता होड़कूय बड़ाँवकेडपेःआ।

पिलिपी 1:1

ने अजी बोपोहकूतिंग, पिलिपी सहररे इदानकुःआ अरू ईसू मसी सुदाकू मिनीयना हँकुःआ जमा भगवानरिकुःआ सुद होड़कू अरू कलसियारिकुःआ मूक होड़कू अरू सेवकियाकू अपे लगा ईसू मसीरिकिनाः सेवादारकिन अलिंग पउलूस अरू तिमुतियूस, नाःआ चिठीलिंग ओजाःगेतना।

पिलिपी 2:18

ननन इया अपे हों ईंग सुदापे बनाहाल जुवाः।

पिलिपी 2:28

नननलगा ईंग हाँय वारेय लगा मुरुकिंग कुरनिसगेतना, जेमहा हाँय अपे सुदा हों जुमावकियानखनपे अहाल बहाल जुवाः अरू ईंगराः जीव सलसत जुवाः।

1 तिसलूनिका 3:2

हनाते अले अबूरीग बिसवासी वगाबू अरू ईसू मसीराः नपाय सरवनराः परसाररे भगवानरीग सेवकिया होड़ तिमुतियूस अपेराः बिसवास एचे बड़ियाड़गे लगा अरू बिनिसवासरे सलाः लगाय कता बहालवापे लगा अपे एचेरेले वारकिरिया,

1 तिसलूनिका 3:5

ईंग बोरा, अपेराः बिसवास एचे अड़ाःपे लगा कलउ लहकाव सोतेडपेःआय करे अरू अले अपे तलारेले एचेतेरा हना बुता सदाःआ होयायान करे, माःआन। नाःआ ईंग मेरिंग सहाव अवेगड। हननलगा अपेराः बिसवास बदीरे ईंग सुदीगे लगा तिमुतियूस अपे एचेरेयिंग वारतिरिया।

2 तिसलूनिका 1:3

दो ईंगरिकुःआ अजी बोपोहकूतिंग, ईसू मसी एचेरे अपेराः बिसवास नपाय बड़ियाड़ इदीनतना अरू अपे बगरापे दुलार होड़ेंग इदीनतना। हनालगा जमा बेला अपे बदीरे अलेके भगवान धनियाबादगेय लगा इदा अरू ननन इया एएचे हों नपाय इदा।

2 तिमुतियूस 1:12

हनालगा ईंग नाःआ जेहेलरे हों हाँय लगा कटसिया सहाव लगा मेरिंग गियुःतना। अरू ईंग इये एचेरेयिंग बिसवासकेरा हनायिंग सुसुदीयतना, अरू हनानाः दिन वरी ईंग एचेरेय जिमाकेरा हनानाः संभाड़गे जुकूर इदानिया माःआनिंग पनकियाबाःगोतेडा।

एकूब 4:15

ननदो अपेके नाःआ इया ककाता लगा इदा, परबू चाहाःतान दो, अले जीयतले दोहोनता अरू नाःआ सहे हना बुता होंले बुताता, माःआन।

1 पतरस 1:21

भगवान ईसू मसी गोएगतो होड़कू अते जियाव रेमकेडखने मान मरजइतकिडिया, जेमहा अपेराः बिसवास अरू असरा, भगवान एचेरे टक-टकावतो दोहोन।