पिलिपी 2:16 - Korwa Bible

¹⁶ अपे, जीव एमेता हना सरवन इयापे जियाः दो, ईसू कुदा वेगता हना दिन ईंग अपे बदीरे बहालते नपायतेयिंग कता अवेयता अरू ईंगराः मिहनइत सदाःआ ओरो होयानेना।

पिलिपी 2:16 Cross References

मती ओजाःतेरा भगवानराः नपाय सरवन 10:27

ईंग अपे एचेरे अंदरारेयिंग उदुःवापेतना, हना बड़रा अपे मरसलरेपे कता उदुःवाकू। अरू अपे अँननपेराः लुतूररे जहड़ घड़ीनपे अयूमकेरा हना बड़रा सड़ुम चोटतेपे परसारगे।

लूका 12:8

हनते ईसू कताया, “ईंग बड़रापे अयूम। तोनोंगीग होड़ एटाःकू मड़ंगरे ईंगे मान मरजइतता दो मनुवारीग बेटात हों भगवानरिकुःआ सेरमो देसरिकुःआ बराहीलकू मड़ंगरे हाँये मान मरजइतता।

एहुना 6:63

भगवानराः सुद बिरुवा जीवे एमेता, मनदो मनुवाकू अते कहिसाः मेर होयाःता। ईंग कतातेरा हना सरवन भगवानराः सुद बिरुवा अगीतेयिंग कतातेरा अरू हनानाः कता अपे लगा जीव एमेयता।”

एहुना 6:68

दो सिमोन पतरस कता कुदातेरा, “ने परबू, अले इये एचेरेले सेन? ओरो टुटीगनेना हना जीवराः सरवन दो अनम एचेरे इदा।

मूक चेलाकू 13:26

ने ईंगरिकुःआ वपक बोपोहकूतिंग, इबराहीमरिकुःआ नइड़-बाँस होड़कू अरू भगवानपे मान मरजइतता हँकुःआ जमा बेगर एहूदाकू, सडावबू लगा अबू एचेरे नाःआ सरवन भगवान वारकेरा।

1 कुरिंती 1:8

भगवान टुटीग दिन वरी अपेराः जीवे बड़ियाड़गोड ञवनता, जेमहा अपे ईसू मसी कुदा वेगता हना दिन वरी बेगर गारबारतेपे दोहोन।

1 कुरिंती 9:26

हनालगा ईंग अंटो-घंटो होड़कू इया सहे होय सुदाकू घुसाता, हँकुःआ होड़कू इया भगवानराः बुता मेरिंग बुतातना।

2 कुरिंती 1:14

मनदो ईंगके असरा इदा अपे हना जमालेःआपे बुझावगोड ञवनता। अरू हनाते परबू ईसू कुदा वेगता हना दिन अपे बदीरेलिंग बहाल जुवाःता हनन इया, अपे हों अलिंग बदीरेपे बहाल जुवाःता।

गलातिया 2:2

भगवान ईंगे कतावातेरा, आम एरुसलेममे सलाव जुवाः, माःआन। हनालगा ईंग हंडा तोरायिंग। हंडाले सोदोरनेनखन, बिसवासी होड़कूरिकुःआ मरंग मरंग मूक होड़कू सुदा, एटाःरेले जुमावनेना। बेगर एहूदाकू एचेरे नपाय सरवन कता उदुःगे लगा ईंगराः मड़ंगःआ अरू नुँहुःआ सेसा-दुरात, सदाःआ अहा होयाः लगा, हना सरवन बदीरे हँकुःआ मूक होड़कू एचेरे एकलायिंग कतातेरा।

गलातिया 4:11

दो अपे लगा ईंग सेसा-दुराकिया, हना सदाःआ होया जुवाःता माःआन ओंगोल खोबराः घड़ीन, अपे बदीरे ईंग जीव कुहकाःतना।

पिलिपी 1:10

जेमहा अपे ननपायते नपाय कता जमालेःआपे सुदी अवेय, अरू ईसू मसी कुदा वेग वरी सुद अरू बेगर गारबारतेःआ नपाय लूर-नेवन अपे जीवरे होया जुवाः।

पिलिपी 1:6

अरू अपे बदीरे मीटोंग कतायिंग सुनुदीबाःगोतेरा, ईसू मसी कुदा वेगता हना दिन वरी, भगवान अपे एचेरेय बुँहड़ीकेरा हनानाः नपाय बुताय एचे पुरावगोडता, माःआन।

1 तिसलूनिका 2:19

परबू ईसू कुदा वेगता हनमेला इये बदीरे भगवान एचेरेले असरा, इये बदीरेले बहालगुः अरू इये बदीरेले भल-भलायगुः?

1 तिसलूनिका 3:5

ईंग बोरा, अपेराः बिसवास एचे अड़ाःपे लगा कलउ लहकाव सोतेडपेःआय करे अरू अले अपे तलारेले एचेतेरा हना बुता सदाःआ होयायान करे, माःआन। नाःआ ईंग मेरिंग सहाव अवेगड। हननलगा अपेराः बिसवास बदीरे ईंग सुदीगे लगा तिमुतियूस अपे एचेरेयिंग वारतिरिया।

इबरानी 4:12

भगवानराः सरवन जीयत अरू कड़िगाड़ इदा। हना सरवन बनर परोम धार दोहोनता हना तलवइरते हों मुरुक लसेर इदा। हन हनसा अरू जीव अरू गेट-गेट अरू तुबूल एटाः एटाःकेडखन बेधा पारगोडता अरू जीवराः चहाः अरू ओंगोल हों जासगेता।

1 पतरस 1:23

अपेराः नँवा जनम तोनोंगाः लाय जुवाःता हना जिनिसते मेर होयागना, मनदो जीव एमेयता अरू कहियो ओरो टगावनेना हना भगवानराः सरवनते होयाकिया।

1 एहुना 1:1

ने अजी बोपोहकूतिंग, जीव एमेता हना सरवन जूग परियाते दोहोना अरू ननाः बदीरे अपे लगाले ओजाःगेतना। अले हनानाः सरवन अँननलेराः मेडतेले ञेलतेरा अरूले अयूमतेरा, अले अँननलेराः तिःईतेले टोँवावतेरा।

उदुःतो कताकून 22:17

सुद बिरुवा अरू कनिया कतायता, “वेगमे।” अरू अयुमेता हाँय कताय, “वेगमे।” अरू ततंगतो होड़कू वेग लगा इदा अरू चाहाःताय हाँयग होड़ बेगर दामते जीवराः दाःए ञूय।