पिलिपी 2:15 - Korwa Bible

¹⁵ नाःआ अते अपे बेलूर ओंगोलरिकुःआ होड़कू तलारे भगवानरिकुःआ लइंकू इया बेगर गारबार अरू सुद जीवपे जियाव अवेनता। दो हँकुःआ होड़कू तलारे अपे टेडेगतो इपीलकू इयापे दोहोनता।

पिलिपी 2:15 Cross References

मती ओजाःतेरा भगवानराः नपाय सरवन 10:16

सवासितीपे दोहोना। रमू बुःआकूराः तलारे भेड़ाकू इयायिंग वारपेतना। हनालगा अपे बींगकू इया कनहूनदारकूपे दोहोन अरू पेरवाँकू इया बेगर गारबारतेपे दोहोन।

मती ओजाःतेरा भगवानराः नपाय सरवन 17:17

दो ईसू चेलाकू एचेरेय कताया, “ने बेलूर अरू गुनमिन बिसवासगे होड़कू, अपे सुदा तुमिस वरीयिंग दोहोनता? तुमिस वरी अपेयिंग सहाव?” हनते ईसू कतातेड, “माँय नंडा ईंग एचेरेपे अगूगेय।”

मती ओजाःतेरा भगवानराः नपाय सरवन 5:45

नाःआ इयापे एचेय दो अपे सेरमो देसरे इदानिया हाँयग अपांग भगवानरिकुःआ लइंकूपे बड़ाँःता। भगवान नपाय अरू बेलूर होड़कू लगा बेरते मरसले एमेवाकूता अरू गारबार होड़कू अरू बेगर गारबार होड़कू लगा दाःए एचे उयुःता।

मती ओजाःतेरा भगवानराः नपाय सरवन 5:48

हनालगा सेरमो देसरीग अपांग उडु-बुडूत इदानिया हनन इया अपे हों उडु-बुडूतपे बड़ाँः लगा इदा।”

लूका 1:6

हँकिनाः होड़किन भगवानराः ओंगोलरे बेगर गारबार होड़किन दोहोना अरू हाँयराः जमा हुकुमकून अरू नियमकून बेगर गारबारतेकिन मनाःआ।

लूका 6:35

मनदो अपे मुदइकूपे दुलार अरू नपायकूपे। ईंग गोः कुदायतिंग, माःआन ओंगोलवाडखन अलोपे एमेय। नाःआ इया अपे एचेयतान दो, सतायरे अपे भाबी भगवानरिकुःआ लइंकू हवे, माःआन एटाः होड़कू एचेरेपे उदुःगुःता अरू अपे लगा भगवान मरंग इमाने एमेता। भगवान मेरकू धनियाबादगेयता हँकुःआ होड़कू अरू अँननकूराः नफा लगाकू ओंगलेता हँकुःआ होड़कू होंय सोगावकूता।

एहुना 5:35

एहुना विड़चेड़तो अरू सलगाःतो ढिबरी इयाय दोहोना अरू अपे तोनोंग बेला वरी हाँयराः कता मरसल इया भगवानराः सतायरे सलाः लगापे संघरावाया।”

मूक चेलाकू 2:40

एटाः एटाः कताते हों हाँय हँकूय सेतावतेरा अरू हँकू एचेरेय असेतेरा, “नाःआ बेनेलूर जूगरिकुःआ होड़कू अते अँननपेराः जीवपे बनसाव।”

मूक चेलाकू 20:30

अपे अते तोनोंग तोनोंग होड़कू हों लबरा बड़रा कतावाडखन बिसवासी होड़कू अँकू सुदा बहकावगोडकूताकू।

रूमी 16:19

मनदो अपे बदीरे जमा होड़कू सुसुदीतना, हँकू भगवानराः कताकूनकू मनाःता, माःआन। हनालगा ईंग अपे बदीरे मुरुक बहालरे इदानिंगा। मनदो अपे बदीरे नाःआ इयायिंग चहाःतना, अपे नपाय कता बदीरे कनहूनदारकू अरू बेलूर कता बदीरे बेगर गारबार होड़कूपे बड़ाँव जुवाः।

1 कुरिंती 1:8

भगवान टुटीग दिन वरी अपेराः जीवे बड़ियाड़गोड ञवनता, जेमहा अपे ईसू मसी कुदा वेगता हना दिन वरी बेगर गारबारतेपे दोहोन।

2 कुरिंती 6:17

हनालगा भगवान कतातेरा, “अपे हँकुःआ होड़कूराः तलाते उडुंग जुवाःपे, अरू हँकू अते एटाः जुवाःपे। अरू सुद कोवानेःआ हना तोनोंगाः जिनिस अलोपे टोँवावगे। दो ईंग अपेयिंग समुटावपेता।”

इपीसी 5:27

जेमहा कलसिया बेगर जोरोडते अरू बेगर कोकोड़ावते, सुघर बड़ाँवकेडखन सुद अरू बेगर गारबारते अनँयग लगाय सपड़ाव अवेय।

पिलिपी 1:10

जेमहा अपे ननपायते नपाय कता जमालेःआपे सुदी अवेय, अरू ईसू मसी कुदा वेग वरी सुद अरू बेगर गारबारतेःआ नपाय लूर-नेवन अपे जीवरे होया जुवाः।

पिलिपी 3:6

अरू मोसेसराः नियम नपायते मनाः बदीरे ईंग बेगर गारबार होड़िंग दोहोना। भगवान मान मरजइत लगा सनपड़ावतोयिंग दोहोना अरू हनालगा कलसियारिकुःआ बिसवासी होड़कूयिंग संतावतेरा।

1 तिसलूनिका 5:23

जमा होड़कू लगा सलसते एमेयता हाँयग भगवान जमा बरानाःते अपेराः जीव सुदे दोहोगे अरू परबू ईसू मसी कुदा वेगता हना दिन वरी अपेराः देह, जीव अरू हनसा बेगर कसूरते दोहोगे लगा होयिंग अरजीतना।

1 तिमुतियूस 3:10

मड़ंग हँकुःआ होड़कू नपायतेपे जासकू। अरू हँकू एचेरे तोनोंगाः गारबार मेर दोहोन दो कलसियाराः सेवकिया बुता लगा हँकुःआ होड़कूपे सुनावगोड।

1 तिमुतियूस 3:2

दो कलसियारीग मूक होड़ बेगर गारबार होड़ अरू मिनीटोंग अइमी अअसूल इदा। हाँय ओंगोल समझाः होड़ अरू मान मरजइतगेयीग, नेत-नेवारगेयीग अरू नपाय चेडदारे दोहोन।

1 तिमुतियूस 5:14

हनालगा ईंग चहाःता, धंगड़ी रंडियाहीनकू सगइ जुवाःकू अरू लइंकूकू जनमाव अरू अँननकू ओड़ाःकू सलाव। ननन इयाकू एचेय दो मुदइ होड़कू अबू ओरोकू बदी अवेतेडकुःआ।

1 तिमुतियूस 5:20

कसूरगेताय हाँयग मूक होड़ जमा होड़कू तलारे आम चड़ाँकियानखन डंटावगेयमे अरूम मंदरावगेय, जेमहा एटाः होड़कू कसूरगे लगाकू बोरो जुवाः।

1 तिमुतियूस 5:7

जमा बिसवासी होड़कू नाःआ इयाःआ कता बदीरेम हुकुमवाकू, जेमहा तोनोंगीग होड़ हँकू अहाकू ओपता अवेकू।

तितूस 1:6

तोनोंगीग होड़ बेगर गारबारीग इदानिया अरू मिनीटोंग अइमी अअसूलता हनाँयग होड़ अगुवा बुता बुतागे लगाम सुनावगेय। अरू हाँयरिकुःआ लइंकू बिसवासी दोहोन इदा अरू तोनोंगीग अहाय ओपताकू, नँकू तुड़ेंग-तपेग इदानकुःआ अरू एंगात अपातराः बड़रा मेरकू अयुमेता, माःआन।

तितूस 2:10

अरू तोनोंगाः जिनिस इनिग गोगे लगा कोवानेःआ, मनदो हँकू हँकुःआ मालिककू एचेरे भरसागेयीग होड़कू दोहोन इदा, जेमहा हँकूराः नपाय लूर-नेवन ञेलकेडखन अबूरीग सडावदार भगवानराः सरवन होड़कू एचेरे अनउर मान मरजइत होयाः।

तितूस 2:15

ने तितूस, जमा हातपातते नाःआ कताकूनमे चेडकू अरूम कता बहालकू अरूम सुधरावकू। मनदो तोनोंगीग आम हुडिंग ओंगोलगे लगा अहम ओवाकू।

इबरानी 7:26

इनीसू हमा अबू जुकूर मरंग मूक पुजउरी। हाँय सुद अरू बेगर गारबार अरू बेगर कसूरीग इदानिया। नुँहू हाँय सेरमो देसरे मुरुक मान मरजइत सुदा इदानिया।

1 पतरस 2:12

अपे बेगर बिसवासी होड़कू तलारेपे दोनोहोन मेला, हँकू अपे ओपता घड़ीनकू बड़रातान हों, अपेराः लूर-नेवन नपाय दोहोन लगा इदा। दो भगवान होड़कूय फड़ियावता हना दिन, हँकुःआ होड़कू अपेराः नपाय बुता ञेलकेडखन भगवानकू जागता।

1 पतरस 2:9

मनदो अपे सुनावतो होड़कू, राजारिकुःआ पुजउरीकू, मीटोंग सुद जइत अरू भगवानरिकुःआ निकता होड़कू हवे, जेमहा अपे अंदरा अते राःकेडपेखन अनँयगराः मुरुक नपाय मरसलरेय अगुकेडपेःआ हाँयग भगवानराः, मुरुक नपाय बुताकून एटाः होड़कू एचेरेपे कता उदुः अवे।

2 पतरस 3:14

ईंगरिकुःआ अजी बोपोहकूतिंग, अपे नँवा सेरमो अरू नँवा ओत लगापे टकागोड ञवनतना दो, भगवानराः ओंगोलरे अपे सुद अरू बेगर गारबारतेःआ सलसतिया होड़कू दोहोन लगा अपे जीवपे होमगोड।

उदुःतो कताकून 2:5

हनालगा अपे उहियारगुःपे करतेपे कसड़किया, अरू जीव कुदाकेडखन मनाड़ंग इयाःआ बुताकूनपे बुता। अपे जीव मेरपे कुदाय दो ईंग अपे एचेरे सेनेकियानखन अपेराः ढिबरी अपे अतेयिंग चलाः एंडागोडता।

उदुःतो कताकून 3:9

अपे ईंगपे अयूम! अदोम होड़कू भगवानरिकुःआ होड़कू ना लवे। मनदो अँनकू लबराकियानखनकू कतनता, अले भगवानरिकुःआ होड़कू हवे, माःआन। हँकू कलउराः गउदारिकुःआ होड़कू हवे। ञेलपे, ईंग हँकू अपे मड़ंगरेयिंग अगुकूता अरू अपेराः काट कुटीरेकू उकुड़ोमगुःता। हनते हँकू सुदीगोडता, ईंग अपेयिंग दुलारता।