ʻO KA ʻEPISETOLE A PAULO KA LUNAʻŌLELO I KO PILIPI 4:8 - Ka Baibala Hemolele

⁸ ¶ Eia hoʻi, e nā hoahānau, ʻo nā mea ʻoiaʻiʻo, nā mea maikaʻi, nā mea pono, nā mea hala ʻole, nā mea lokomaikaʻi, nā mea lono maikaʻi ia; inā he mea kūpono, inā hoʻi he mea e hoʻomaikaʻi ʻia ai, e noʻonoʻo iho ʻoukou ia mau mea.

ʻO KA ʻEPISETOLE A PAULO KA LUNAʻŌLELO I KO PILIPI 4:8 Cross References

KA BUKE MUA A MOSE, I KAPA ʻIA KINOHI 18:19

“No ka mea, ke ʻike nei au iā ia, e kauoha aku nō ia i kāna poʻe keiki a me kona mau ʻōhua ma hope ona, i mālama mai ai lākou i ka ʻaoʻao o Iēhova, a e hana lākou ma ka pono a me ka pololei; i hoʻoili aku ai ʻo Iēhova ma luna o ʻAberahama i ka mea āna i ʻōlelo ai nona.”

KA BUKE ʻALUA A SAMUʻELA 1:23

“Ua aloha nō, a ua ʻoluʻolu hoʻi ʻo Saula a ʻo Ionatana i ko lāua ola ʻana, A i ko lāua make ʻana, ʻaʻole lāua i hoʻokaʻawale ʻia; Ua ʻoi aku ko lāua māmā i ko nā ʻaeto, A me ko lāua ikaika i ko nā liona.

KA BUKE ʻALUA A SAMUʻELA 23:3

“ʻĪ maila ke Akua no kā ʻIseraʻela, ʻŌlelo maila ka Pōhaku no kā ʻIseraʻela iaʻu, ‘ʻO ka mea e aliʻi ana ma luna o kānaka, e hoʻopono ʻo ia, E aliʻi ana me ka makaʻu i ke Akua.

KA BUKE O NĀ HALELŪ 82:2

Pehea lā ka lōʻihi o ko ʻoukou ʻāpono ʻana i ka hewa, A hoʻolana hoʻi i ka maka o ka poʻe lawehala? Sila.

NĀ ʻŌLELO AKAMAI A SOLOMONA 11:1

¶ ʻO ke kaupaona hoʻopunipuni, he hoʻopailua ia iā Iēhova; ʻO ke kaupaona kūpono, ʻo ia kona makemake.

NĀ ʻŌLELO AKAMAI A SOLOMONA 12:4

ʻO ka wahine noho pono he pāpale aliʻi ʻo ia i kāna kāne; Akā, me he mea popopo lā i kona mau iwi ka wahine e hoʻohilahila aku.

NĀ ʻŌLELO AKAMAI A SOLOMONA 16:11

ʻO ke kaupaona a me nā mea anapaona pololei, na Iēhova nō ia; ʻO kāna hana no nā mea anapaona a pau i loko o ka ʻeke.

NĀ ʻŌLELO AKAMAI A SOLOMONA 20:7

ʻO ka mea hele ma kona pololei, he mea pono ʻo ia; E hoʻomaikaʻi ʻia hoʻi kāna poʻe keiki ma hope ona.

NĀ ʻŌLELO AKAMAI A SOLOMONA 31:10

¶ ʻO wai ka mea i loaʻa iā ia ka wahine noho pono? He waiwai ʻo ia i ʻoi aku i ko nā momi.

NĀ ʻŌLELO AKAMAI A SOLOMONA 31:29

“Nui nā kaikamāhine i hana pono, A ua ʻoi aku ʻoe ma mua o lākou a pau.”

NĀ ʻŌLELO AKAMAI A SOLOMONA 31:31

E hāʻawi aku nāna i ka hua o kona mau lima; ʻO kāna mau hana, ʻo ia ke hiʻilani iā ia ma nā ʻīpuka.

KE MELE A SOLOMONA 5:16

“ʻO kona waha, he mea ʻono nō ia; ʻOiaʻiʻo, he mea makemake nui loa ʻia ʻo ia. ʻO ia kaʻu mea i aloha ai, ʻo ia koʻu makamaka, E nā kaikamāhine o Ierusalema.”

KA WĀNANA A ʻISAIA 26:7

¶ ʻO ka ʻaoʻao o ka poʻe i pono, ua pololei ia, ʻO ʻoe ka Mea Pololei e hoʻopololei i ke ala o ka poʻe pono.

KA ʻEUANELIO I KĀKAU ʻIA AI E MATAIO 22:16

Hoʻouna maila lākou i ona lā i nā haumāna a lākou me kekahi poʻe Herodiano, ʻī maila, “E ke Kumu, ke ʻike nei mākou, he ʻoiaʻiʻo kāu, a ke aʻo mai nei ʻoe i ka ʻaoʻao o ke Akua me ka ʻoiaʻiʻo, ʻaʻole ʻoe i pāʻewaʻewa ma kā kekahi, ʻaʻole hoʻi i manaʻo i ko waho o ke kanaka.

KA ʻEUANELIO I KĀKAU ʻIA AI E MAREKO 6:20

no ka mea, ua makaʻu ʻo Herode iā Ioane, ua ʻike ia, he kanaka pono ʻo ia, a me ka hemolele, a mālama nō ʻo Herode iā ia, a hoʻolohe nō i kāna, a nui nā mea āna i hana ai me ka hoʻolohe ʻoluʻolu iā ia.

KA ʻEUANELIO I KĀKAU ʻIA AI E LUKA 16:15

ʻĪ maila ʻo ia iā lākou, “ʻO ʻoukou ka poʻe e hoʻopono iā ʻoukou iho i mua o nā kānaka; akā, ua ʻike mai ke Akua i ko ʻoukou mau naʻau; no ka mea, ʻo kahi mea nani i kānaka, he ʻino ia i mua o ke Akua.

KA ʻEUANELIO I KĀKAU ʻIA AI E LUKA 2:25

Aia hoʻi, ma Ierusalema kekahi kanaka, ʻo Simeona kona inoa; a he kanaka pono ia, he haipule, e kali ana i ka mea nāna e kōkua i kā ʻIseraʻela; aia ma luna ona ka ʻUhane Hemolele.

KA ʻEUANELIO I KĀKAU ʻIA AI E LUKA 23:50

¶ Aia hoʻi, he kanaka, ʻo Iosepa kona inoa, he kākāʻōlelo, he kanaka maikaʻi, he hoʻopono;

KA ʻEUANELIO I KĀKAU ʻIA AI E IOANE 7:18

“ʻO ka mea e ʻōlelo aku i kāna iho, ʻo ia ke ʻimi e hoʻonani iā ia iho; akā, ʻo ka mea i ʻimi e hoʻonani i ka Mea nāna ia i hoʻouna mai, he ʻoiaʻiʻo kāna, ʻaʻole he wahaheʻe i loko ona.

NĀ ʻOIHANA A KA POʻE LUNAʻŌLELO 10:22

ʻĪ maila lākou, “ʻO Korenelio, he luna haneri, he kanaka pono, e makaʻu ana nō hoʻi i ke Akua, ua ʻike maopopo ʻia e ka lāhui kanaka a pau o nā Iudaio, a ua kauoha ʻia ia e kekahi ʻānela hemolele, mai ke Akua mai, e kiʻi aku iā ʻoe e hele i kona hale, i lohe ʻo ia i nā ʻōlelo ma ou lā.”

NĀ ʻOIHANA A KA POʻE LUNAʻŌLELO 22:12

“A ʻo ʻAnania, he kanaka haipule ma ke Kānāwai, i hōʻike pono ʻia e nā Iudaio a pau i noho i laila,

NĀ ʻOIHANA A KA POʻE LUNAʻŌLELO 6:3

“No ia mea, e ʻimi ʻoukou, e nā hoahānau, i mau kānaka i ʻehiku i waena o ʻoukou, a i ʻike pono ʻia, a piha hoʻi i ka ʻUhane Hemolele, a me ke akamai, a e hoʻonoho kākou iā lākou ma luna o kēia ʻoihana.

ʻO KA ʻEPISETOLE A PAULO KA LUNAʻŌLELO I KO ROMA 13:13

E hele pono kākou me ka hele ʻana i ka lā; ʻaʻole me ka ʻuhaʻuha ʻana a me ka ʻona ʻana, ʻaʻole me ka moekolohe ʻana a me ka makaleho ʻana, ʻaʻole me ka hakakā ʻana a me ka ukiuki ʻana.

ʻO KA ʻEPISETOLE A PAULO KA LUNAʻŌLELO I KO ROMA 13:3

No ka mea, ʻaʻohe mea makaʻu nā aliʻi no nā hana maikaʻi; akā, no nā hana ʻino. ʻAʻole anei ʻoe e makaʻu i ke aliʻi? E hana ʻoe i ka mea pono, a e hoʻāpono ʻia mai nō ʻoe e ia.

ʻO KA ʻEPISETOLE A PAULO KA LUNAʻŌLELO I KO ROMA 14:18

No ka mea, ʻo ka mea i mālama iā Kristo ma ia mau mea, ua ʻoluʻolu ke Akua iā ia, a ua pono hoʻi ia i kānaka.

ʻO KA ʻEPISETOLE A PAULO KA LUNAʻŌLELO I KO ROMA 2:29

Akā, ʻo ka mea e Iudaio ana ma loko, ʻo ia kā Iudaio; a ʻo ke ʻoki poepoe ʻana, no ka naʻau ia, ma ka ʻUhane, ʻaʻole ma ka hua palapala; ʻaʻole no nā kānaka kona hoʻomaikaʻi ʻia, no ke Akua mai nō.

ʻO KA ʻEPISETOLE MUA A PAULO KA LUNAʻŌLELO I KO KORINETO 4:5

No ia mea, mai hoʻohewa ʻē i kekahi mea, a hiki mai ka Haku, nāna nō e hoʻomaopopo mai nā mea i hūnā ʻia o ka pouli, a e hōʻike mai hoʻi nā manaʻo o nā naʻau; a laila e loaʻa mai i kēlā kanaka a i kēia kanaka ka hoʻomaikaʻi ʻia, mai ke Akua mai.

ʻO KA ʻEPISETOLE LUA A PAULO KA LUNAʻŌLELO I KO KORINETO 13:7

A ke pule aku nei au i ke Akua i ʻole ʻoukou e hana hewa iki; ʻaʻole no ka ʻike ʻia ʻo ko mākou pono; akā, e hana aku ʻoukou i ka mea maikaʻi, ke manaʻo ʻia mai mākou he pono ʻole.

ʻO KA ʻEPISETOLE LUA A PAULO KA LUNAʻŌLELO I KO KORINETO 6:8

ma ka mahalo ʻia mai a me ka mahalo ʻole ʻia mai, ma ka ʻōlelo ʻino ʻia mai, a me ka ʻōlelo maikaʻi ʻia mai; e like me nā mea hoʻopunipuni; akā, he ʻoiaʻiʻo naʻe;

ʻO KA ʻEPISETOLE LUA A PAULO KA LUNAʻŌLELO I KO KORINETO 8:18

A ua hoʻouna pū akula mākou me ia i ka hoahānau, nona ka hoʻomaikaʻi ʻia mai ma nā ʻekalesia a pau, no ka ʻeuanelio.

ʻO KA ʻEPISETOLE LUA A PAULO KA LUNAʻŌLELO I KO KORINETO 8:21

E hoʻomanaʻo ʻē ana i nā mea maikaʻi, ʻaʻole i mua o ke Akua wale nō, i mua hoʻi o kānaka.

ʻO KA ʻEPISETOLE A PAULO KA LUNAʻŌLELO I KO GALATIA 5:22

Akā, ʻo ka hua na ka ʻUhane, ʻo ia ke aloha, ka ʻoliʻoli, ke kuʻikahi, ke ahonui, ka lokomaikaʻi, ka maikaʻi, ka manaʻoʻiʻo,

ʻO KA ʻEPISETOLE A PAULO KA LUNAʻŌLELO I KO ʻEPESO 4:25

¶ No laila, e haʻalele ʻoukou i ka wahaheʻe, «e ʻōlelo ʻoiaʻiʻo aku hoʻi kēlā mea kēia mea a pau i kona hoalauna»; no ka mea, he mau lālā kākou ʻo kekahi me kekahi.

ʻO KA ʻEPISETOLE A PAULO KA LUNAʻŌLELO I KO ʻEPESO 5:9

(no ka mea, ʻo ka hua na ka ʻUhane, ʻo ia ka maikaʻi a pau, a me ka pono a me ka ʻoiaʻiʻo);

ʻO KA ʻEPISETOLE A PAULO KA LUNAʻŌLELO I KO ʻEPESO 6:14

E kūpono hoʻi ʻoukou, «i kākoʻo ʻia ko ʻoukou pūhaka i ka ʻoiaʻiʻo», a «pūliki ʻia ʻoukou i ka pale umauma o ka pono»;

KA BUKE ʻALIMA A MOSE, I KAPA ʻIA KĀNĀWAI LUA 16:20

“ʻO ka pono ʻiʻo kāu e hahai ai, i ola ai ʻoe, a i hoʻolilo ʻia ai nou ka ʻāina a Iēhova kou Akua i hāʻawi mai ai iā ʻoe.

ʻO KA ʻEPISETOLE A PAULO KA LUNAʻŌLELO I KO PILIPI 3:1

¶ No nā mea i koe, e nā hoahānau oʻu, e ʻoliʻoli ʻoukou i ka Haku. ʻAʻole oʻu luhi ke palapala aku iā ʻoukou i nā mea like, a he mea pono hoʻi ia no ʻoukou.

ʻO KA ʻEPISETOLE A PAULO KA LUNAʻŌLELO I KO KOLOSA 4:5

E hele naʻauao ʻoukou ma mua o ka poʻe ma waho, e mālama pono ana i ka manawa.

ʻO KA ʻEPISETOLE MUA A PAULO KA LUNAʻŌLELO I KO TESALONIKE 4:12

i pono kā ʻoukou hele ʻana i mua o ka poʻe o waho, a i nele ʻole hoʻi ʻoukou i kekahi mea.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 2:2

no nā aliʻi hoʻi, a me nā luna a pau; i malu ko kākou ola ʻana me ka noho mālie, a me ka manaʻo nui i ke Akua, a ma ka pono nō hoʻi.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 3:11

Pēlā hoʻi kā lākou mau wāhine, e pono e noho kūoʻo, me ke ʻaki ʻole, me ka noho mālie, e hoʻopono ana ma nā mea a pau.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 3:4

e hoʻomalu maikaʻi ana i kona hale iho, me ka hoʻolohe pono ʻia mai e kāna mau keiki me ka hanohano.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 4:12

Mai hoʻowahāwahā kekahi i kou ʻōpiopio ʻana; akā, e lilo ʻoe i kumu hoʻohālike no ka poʻe paulele, ma ka ʻōlelo ʻana, a ma ke kamaʻilio ʻana, a ma ke aloha, a ma ka manaʻo, a ma ka paulele, a ma ka maʻemaʻe.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 5:10

a i mahalo ʻia no kāna hana maikaʻi ʻana; inā i hānai ia i nā keiki, i hoʻokipa hoʻi i nā malihini, a i holoi hoʻi i nā wāwae o ka poʻe hoʻāno, a i kōkua hoʻi i ka poʻe pōʻino, a inā i hahai mau ia i nā hana maikaʻi a pau.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 5:2

a i nā wāhine kahiko, me he mau mākuahine lā; a i nā kaikamāhine hoʻi me he mau kaikuāhine lā, me ka maʻemaʻe loa.

ʻO KA ʻEPISETOLE A PAULO IĀ TITO 1:8

akā, he hoʻokipa, he makemake i ka pono, he kūoʻo, he hoʻopono, he hemolele, me ka hoʻomanawanui;

ʻO KA ʻEPISETOLE A PAULO IĀ TITO 2:14

ʻo ka Mea i hāʻawi mai iā ia iho no kākou, e hoʻopakele iā kākou i ka hewa a pau, a e huikala mai nona i lāhui ponoʻī e hoʻoikaika ana i nā hana maikaʻi.

ʻO KA ʻEPISETOLE A PAULO IĀ TITO 2:2

I makaʻala nā kānaka kahiko, i hanohano, i kūoʻo, i kūpono i ka manaʻoʻiʻo, a me ke aloha, a me ke ahonui.

ʻO KA ʻEPISETOLE A PAULO IĀ TITO 2:7

Ma nā mea a pau e hōʻike aku ʻoe iā ʻoe iho he kumu hoʻohālike no nā hana maikaʻi; a ma ke aʻo ʻana aku hoʻi, he wahaheʻe ʻole, he hanohano, a he ʻoiaʻiʻo;

ʻO KA ʻEPISETOLE A PAULO IĀ TITO 3:14

E aho hoʻi e aʻo ko kākou poʻe e hana mau i nā hana maikaʻi, i nā mea e pono ai, i lilo ʻole lākou i mea hua ʻole.

ʻO KA ʻEPISETOLE A PAULO KA LUNAʻŌLELO I KO HEBERA 11:2

No ia hoʻi, i hoʻāpono ʻia mai ai ka poʻe kahiko.

ʻO KA ʻEPISETOLE A PAULO KA LUNAʻŌLELO I KO HEBERA 13:18

¶ E pule ʻoukou no mākou; no ka mea, ke manaʻo nei mākou, he naʻau hoʻopono ko mākou, me ka makemake e hana pololei aku mākou ma nā mea a pau.

ʻO KA ʻEPISETOLE HOʻOLAHA A IAKOBO 1:27

ʻO ka haipule ʻiʻo a me ka haumia ʻole i mua i ke alo o ke Akua ʻo ka Makua, eia nō ia; e ʻike i ka poʻe makua ʻole, a me ka poʻe wāhine kāne make i ko lākou wā e pilikia ai, a e mālama hoʻi iā ia iho i haumia ʻole ia i ko ke ao nei.

ʻO KA ʻEPISETOLE HOʻOLAHA A IAKOBO 3:17

Akā, ʻo ke akamai no luna mai, he maʻemaʻe nō ia ma mua, a laila he noho mālie, he akahai, he ʻoluʻolu, he piha hoʻi i ka lokomaikaʻi a me ka hua maikaʻi, ʻaʻole loa e manaʻo ʻino aku, ʻaʻole hoʻi he hoʻokamani.

ʻO KA ʻEPISETOLE HOʻOLAHA MUA A PETERO 1:22

¶ I ka mālama ʻana i ka ʻoiaʻiʻo, ua hoʻomaʻemaʻe ʻoukou i ko ʻoukou naʻau, na ka ʻUhane mai, i ke aloha hoʻokamani ʻole i nā hoahānau; no laila, ʻeā, e aloha ikaika loa aku ʻoukou i kekahi i kekahi me ka naʻau maʻemaʻe.

ʻO KA ʻEPISETOLE HOʻOLAHA MUA A PETERO 2:12

A e noho pono hoʻi ʻoukou, i waena o ko nā ʻāina ʻē; i hoʻonani aku ai lākou i ke Akua, ke hiki mai ka lā o ka ʻike ʻana mai, no ko lākou ʻike ʻana i kā ʻoukou hana maikaʻi, ma ka mea a lākou e ʻōhumu nei iā ʻoukou, me he poʻe hana hewa lā.

ʻO KA ʻEPISETOLE HOʻOLAHA MUA A PETERO 4:8

Eia ka mea ʻoi ma mua o nā mea a pau, ʻo ka pumahana o ke aloha i waena o ʻoukou; no ka mea, ʻo ke aloha ka mea e uhi ai i nā hewa he nui loa.

ʻO KA ʻEPISETOLE HOʻOLAHA ʻALUA A PETERO 3:1

¶ E nā mea aloha, ke palapala aku nei au i kēia palapala lua; ma kēia mau mea aʻu e hoʻāla nei i ko ʻoukou naʻau huali ma ka hoʻomanaʻo ʻana;

ʻO KA ʻEPISETOLE HOʻOLAHA MUA A IOANE 3:18

E nā pōkiʻi oʻu, mai aloha kākou ma ka waha, ʻaʻole hoʻi ma ke alelo wale nō; akā, ma ka hana ʻana a me ka ʻoiaʻiʻo.

ʻO KA ʻEPISETOLE HOʻOLAHA MUA A IOANE 3:3

ʻO ka mea i loaʻa iā ia kēia manaʻolana ma ona lā, ʻo ia ke hoʻomaʻemaʻe iā ia iho e like me ko ia ala maʻemaʻe ʻana.

ʻO KA ʻEPISETOLE HOʻOLAHA MUA A IOANE 4:1

¶ E nā punahele, mai manaʻoʻiʻo aku ʻoukou i nā ʻuhane a pau; akā, e hoʻāʻo aku i nā ʻuhane, no ke Akua mai paha, ʻaʻole paha; no ka mea, ua nui nō nā kāula wahaheʻe i hele aku i waena o ke ao nei.

KA BUKE NO RUTA 3:11

“No laila ʻeā, mai makaʻu ʻoe, e kuʻu kaikamahine. ʻO nā mea a pau āu e ʻōlelo maila, naʻu ia e hana aku iā ʻoe; no ka mea, ua ʻike koʻu poʻe kānaka a pau, he kaikamahine pono ʻoe.