ʻO KA ʻEPISETOLE A PAULO KA LUNAʻŌLELO I KO PILIPI 4:6 - Ka Baibala Hemolele

⁶ Mai manaʻo nui ʻoukou i kekahi mea; akā, i nā mea a pau e hōʻike aku i ko ʻoukou makemake i ke Akua ma ka pule, a me ka noi aku, a me ka hoʻomaikaʻi aku.

ʻO KA ʻEPISETOLE A PAULO KA LUNAʻŌLELO I KO PILIPI 4:6 Cross References

KA BUKE MUA NO NĀ ALIʻI 8:28

“Akā hoʻi, e maliu mai ʻoe i ka pule a kāu kauā, a i kona nonoi ʻana, e Iēhova koʻu Akua, e hoʻolohe mai i ka ʻulono ʻana a me ka pule a kāu kauā nei e haipule ai i mua o kou alo i kēia lā;

KA BUKE ʻALUA O KA ʻOIHANA ALIʻI 32:20

¶ No kēia mea, pule akula ʻo Hezekia ke aliʻi, a me ʻIsaia ke keiki a ʻAmosa, ke kāula, a kāhea aku lāua i ka lani.

KA BUKE O NĀ HALELŪ 51:15

E ka Haku, e wehe mai ʻoe i koʻu lehelehe; A e hōʻike aku koʻu waha i kou hoʻoleʻa.

KA BUKE O NĀ HALELŪ 55:17

I ke ahiahi, i ke kakahiaka, i ke awakea, e pule aku ai au, A e kāhea nui aku au; a e hoʻolohe mai ʻo ia i koʻu leo.

KA BUKE O NĀ HALELŪ 55:22

¶ E waiho aku i kāu mea kaumaha ma luna o Iēhova, A e kōkua mai ʻo ia iā ʻoe; ʻAʻole loa ia e waiho mai i ka mea pono e hoʻonaue ʻia.

KA BUKE O NĀ HALELŪ 62:8

E hilinaʻi aku iā ia i nā manawa a pau, e nā kānaka; E ninini aku i ko ʻoukou naʻau i mua ona; ʻO ke Akua kahi e malu ai no kākou. Sila.

NĀ ʻŌLELO AKAMAI A SOLOMONA 15:8

ʻO ka mōhai o ka poʻe hewa, he hoʻopailua ia iā Iēhova; ʻO ka pule a ka poʻe pololei, ʻo ia kona makemake.

NĀ ʻŌLELO AKAMAI A SOLOMONA 16:3

E hoʻoili aku i kāu mau hana ma luna o Iēhova, A e hoʻokūpaʻa ʻia kou mau manaʻo.

KE MELE A SOLOMONA 2:14

¶ “E koʻu nūnū, ma nā wahi malu o ka pōhaku, a me nā wahi hūnā ʻia o ka pali, E ʻae mai e ʻike au i kou helehelena. A e lohe hoʻi i kou leo; No ka mea, ua ʻoluʻolu kou leo, a ʻo kou helehelena, ua maikaʻi nō ia.”

KA WĀNANA A IEREMIA 32:16

¶ “A pau aʻela i ka hāʻawi ʻia o ka palapala hōʻike iā Baruka ke keiki a Neria, pule akula au iā Iēhova, i ka ʻī ʻana aku,

KA WĀNANA A IEREMIA 33:3

‘E hea mai ʻoe iaʻu, a e ō aku nō wau iā ʻoe, a e hōʻike aku iā ʻoe i nā mea nui a paʻakikī, aʻu i ʻike ʻole ai.’

KA BUKE NO DANIʻELA 3:16

ʻŌlelo maila ʻo Saderaka, ʻo Mesaka, a me ʻAbedenego, ʻī maila i ke aliʻi, “E Nebukaneza, ʻaʻole o mākou mea e pane aku ai i kāu ma kēia mea.

KA BUKE NO DANIʻELA 6:10

¶ A ʻike ihola ʻo Daniʻela, ua kau ka inoa ma ua palapala lā, komo ihola ʻo ia i loko o kona hale; a ua hāmama kekahi mau puka makani o kona keʻena ma luna, ma ka ʻaoʻao e kū pono ana i Ierusalema, kukuli ihola ʻo ia ma kona kuli, ʻekolu manawa i ka lā hoʻokahi, pule akula, a hoʻomaikaʻi akula i mua o kona Akua, e like me ia ma mua.

KA ʻEUANELIO I KĀKAU ʻIA AI E MATAIO 10:19

“Aia hāʻawi ʻia aku ʻoukou, mai manaʻo nui i kā ʻoukou e ʻōlelo aku ai; no ka mea, e hāʻawi ʻia aku iā ʻoukou i kēlā manawa kā ʻoukou mea e ʻōlelo aku ai.

KA ʻEUANELIO I KĀKAU ʻIA AI E MATAIO 13:22

“ʻO ka mea i lūlū ʻia ma kahi kākalaioa, ʻo ia ka mea i lohe i ka ʻōlelo; a na ka manaʻo ʻana i nā mea o kēia ao, a me ka hoʻopunipuni ʻana o ka waiwai e kinai iho ka ʻōlelo, a lilo ia i mea hua ʻole.

KA ʻEUANELIO I KĀKAU ʻIA AI E MATAIO 6:34

“No laila, mai manaʻo nui aku ʻoukou i ka mea o ka lā ʻapōpō; no ka mea, na ka lā ʻapōpō e manaʻo iho i nā mea nona iho. ʻO ka ʻino o kekahi lā ua nui ia nona iho.”

KA ʻEUANELIO I KĀKAU ʻIA AI E MATAIO 6:8

“Mai hoʻohālike me lākou; no ka mea, ua ʻike nō ko ʻoukou Makua i nā mea e pono ai ʻoukou, ma mua o kā ʻoukou noi ʻana aku iā ia.

KA ʻEUANELIO I KĀKAU ʻIA AI E LUKA 10:41

ʻŌlelo maila ʻo Iesū, ʻī maila iā ia, “E Mareta, e Mareta, ua nui kou manaʻo a me kou pīhoihoi, i nā mea he nui;

KA ʻEUANELIO I KĀKAU ʻIA AI E LUKA 12:22

¶ A laila ʻōlelo maila i kāna mau haumāna, “No ia mea, ke ʻōlelo aku nei au iā ʻoukou, mai manaʻo nui ma ko ʻoukou ola ʻana, i ka mea e ʻai ai ʻoukou; ʻaʻole hoʻi ma ke kino, i ka mea e ʻaʻahu ai ʻoukou.

KA ʻEUANELIO I KĀKAU ʻIA AI E LUKA 12:29

“Mai hoʻopapau ʻoukou ma ka mea e ʻai ai ʻoukou, a ma ka mea e inu ai ʻoukou. Mai noho hoʻi a kānalua.

KA ʻEUANELIO I KĀKAU ʻIA AI E LUKA 18:1

¶ A laila aʻo maila ʻo ia iā lākou ma ka ʻōlelo nane, he pono ke pule mau, ʻaʻole e hoʻonāwaliwali.

KA ʻEUANELIO I KĀKAU ʻIA AI E LUKA 18:7

“A ʻo ke Akua hoʻi, ʻaʻole anei ia e hoʻopono mai i kona poʻe i wae ʻia, ka poʻe kāhea iā ia i ke ao a me ka pō, me ke ahonui hoʻi iā lākou?

ʻO KA ʻEPISETOLE MUA A PAULO KA LUNAʻŌLELO I KO KORINETO 7:21

Inā i hea ʻia mai ʻoe, e hoʻokauā ana, mai manaʻo ʻoe ia mea; akā, inā e hiki ke kuʻu wale ʻia mai ʻoe, e hele nō.

ʻO KA ʻEPISETOLE MUA A PAULO KA LUNAʻŌLELO I KO KORINETO 7:32

ʻO koʻu makemake kēia, i ʻole ʻoukou e pilikia ma ka manaʻo. ʻO ka mea i mare ʻole ʻia, ua manaʻo nō ia i ko ka Haku, i ka mea e leʻaleʻa mai ai ka Haku.

ʻO KA ʻEPISETOLE LUA A PAULO KA LUNAʻŌLELO I KO KORINETO 1:11

ʻO ʻoukou hoʻi e kōkua pū mai ana iā mākou ma ka pule, i hāʻawi ʻia aku ke aloha no mākou e nā kānaka he nui, no ka lokomaikaʻi i loaʻa mai iā mākou ma nā kānaka he nui.

ʻO KA ʻEPISETOLE A PAULO KA LUNAʻŌLELO I KO ʻEPESO 5:20

no nā mea a pau, e hoʻomaikaʻi mau ana i ke Akua ka Makua, ma ka inoa o ko kākou Haku ʻo Iesū Kristo;

ʻO KA ʻEPISETOLE A PAULO KA LUNAʻŌLELO I KO ʻEPESO 6:18

E pule mau ana i nā pule a pau, a me ka nonoi aku ma ka ʻUhane; a no ia mea hoʻi, e kiaʻi ʻoukou me ka hoʻoikaika mau a me ka pule aku no nā haipule a pau;

ʻO KA ʻEPISETOLE A PAULO KA LUNAʻŌLELO I KO KOLOSA 3:15

A e noho hoʻomalu mai ka malu o ke Akua i loko o ko ʻoukou naʻau, no ia mea hoʻi e hea ʻia mai ai ʻoukou i kino hoʻokahi; a e hoʻomaikaʻi aku hoʻi ʻoukou.

ʻO KA ʻEPISETOLE A PAULO KA LUNAʻŌLELO I KO KOLOSA 3:17

A ʻo kā ʻoukou mea e lawelawe ai ma ka ʻōlelo, a ma ka hana, e pau ia i ka hana ʻia i loko o ka inoa o ka Haku, ʻo Iesū, a e hoʻomaikaʻi aku i ke Akua, i ka Makua, ma ona lā.

ʻO KA ʻEPISETOLE A PAULO KA LUNAʻŌLELO I KO KOLOSA 4:2

¶ E hoʻomau i ka pule, e makaʻala hoʻi ma ia mea, me ka hoʻomaikaʻi aku.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 2:1

¶ Ke kauleo mua aku nei au i nui ka pule ʻana, a me ka hoʻomana ʻana, a me ka nonoi ʻana, a me ka hoʻomaikaʻi ʻana, no nā kānaka a pau loa;

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 5:5

ʻO ka wahine kāne make ʻoiaʻiʻo, a mehameha hoʻi, ua hilinaʻi nō ia i ke Akua, a ua noho mau nō ia me ka pule ʻana a me ka hoʻomana ʻana i ka pō a me ke ao.

ʻO KA ʻEPISETOLE HOʻOLAHA MUA A PETERO 4:7

¶ Ua kokoke mai nō ka hopena o nā mea a pau; no laila, e kūoʻo ʻoukou, a e kiaʻi ma ka pule.

ʻO KA ʻEPISETOLE HOʻOLAHA MUA A PETERO 5:7

E waiho aku i ko ʻoukou kaumaha a pau ma luna ona; no ka mea, ke manaʻo nei ʻo ia iā ʻoukou.

KA BUKE MUA A SAMUʻELA 1:15

ʻŌlelo akula ʻo Hana, ʻī akula, “ʻAʻole, e kuʻu haku; he wahine ʻehaʻeha wau ma ka naʻau; ʻaʻole au i inu i ka waina, ʻaʻole i ka mea ʻona; akā, ua ninini aku au i kuʻu ʻuhane i mua o Iēhova.

KA BUKE MUA A SAMUʻELA 30:6

Pilikia loa ihola ʻo Dāvida; a ua ʻōlelo nā kānaka e pehi iā ia i ka pōhaku; no ka mea, ua kaumaha ka naʻau o nā kānaka a pau, ʻo kēlā kanaka kēia kanaka nō kāna mau keiki kāne, a me kāna mau kaikamāhine; akā, hoʻoikaika ihola ʻo Dāvida iā ia iho ma Iēhova kona Akua.

KA BUKE MUA A SAMUʻELA 7:12

¶ Lawe akula ʻo Samuʻela i pōhaku, a kūkulu ihola ma waena o Mizepa a ʻo Sena, a kapa akula i kona inoa, ʻo ʻEbenezera, ʻī ihola, “Ua kōkua mai ʻo Iēhova iā kākou a hiki i ʻaneʻi.”