ʻO KA ʻEPISETOLE A PAULO KA LUNAʻŌLELO I KO PILIPI 3:9 - Ka Baibala Hemolele

⁹ i loaʻa hoʻi au i loko ona, ʻaʻole e paʻa ana i kaʻu pono ma ke Kānāwai; akā, i ka pono ma ka manaʻoʻiʻo iā Kristo, ʻo ia ka pono mai ke Akua mai ma ka manaʻoʻiʻo;

ʻO KA ʻEPISETOLE A PAULO KA LUNAʻŌLELO I KO PILIPI 3:9 Cross References

KA BUKE MUA A MOSE, I KAPA ʻIA KINOHI 7:23

A pau loa ihola nā mea ola ma luna o ka honua i ka make, ʻo nā kānaka, me nā holoholona, a me nā mea kolo, a me nā manu o ka lewa; a ua hoʻopau ʻia lākou mai ka honua aku; ʻo Noa wale nō kai koe, a me ka poʻe me ia i loko o ka hale lana.

KA BUKE MUA NO NĀ ALIʻI 8:46

¶ “Inā e hana hewa lākou iā ʻoe, (no ka mea, ʻaʻole kanaka hana hewa ʻole), a huhū mai ʻoe iā lākou, a hāʻawi aku ʻoe iā lākou i mua o ka ʻenemi, a lawe pio aku lākou iā lākou i ka ʻāina o ko lākou ʻenemi, he lōʻihi aku paha, he kokoke mai paha;

KA BUKE ʻALUA O KA ʻOIHANA ALIʻI 32:25

ʻAʻole hoʻi i hana aku ʻo Hezekia e like me kāna lokomaikaʻi ʻia mai; no ka mea, ua hoʻokiʻekiʻe ʻia kona naʻau; no ia mea, ua hiki mai ka huhū ma luna ona, a ma luna o kā Iuda a me ko Ierusalema.

KA BUKE ʻALUA O KA ʻOIHANA ALIʻI 32:31

Akā, ma ka mea a nā ʻelele a nā aliʻi o Babulona i hoʻouna ʻia mai ai i ona lā, e ʻimi i ka mea kupanaha i hana ʻia ma ka ʻāina, ua haʻalele ke Akua iā ia, e hoʻāʻo iā ia, i ʻike ʻo ia i kona naʻau a pau loa.

KA BUKE O NĀ HALELŪ 14:3

Ua pau lākou i ke kāpae, Ua pau pū lākou i ka paumāʻele; ʻAʻohe mea nāna i hana pono, ʻaʻole ʻakahi.

KA BUKE O NĀ HALELŪ 143:2

Mai hoʻokolokolo mai ʻoe i kāu kauā, No ka mea, ʻaʻole e ʻāpono ʻia kekahi mea ola i mua ou.

KA BUKE O NĀ HALELŪ 19:12

ʻO wai ka mea i helu pono i kona lalau ʻana? E hoʻomaʻemaʻe ʻoe iaʻu i nā hewa i nalo.

KE KAHUNA 7:20

No ka mea, ʻaʻohe kanaka pono ma ka honua, nāna e hana maikaʻi, me ka hana hewa ʻole.

KA WĀNANA A ʻISAIA 46:13

“Ke lawe aku nei au i koʻu pono a kokoke, ʻAʻole ia e mamao aku, ʻaʻole hoʻi e hoʻokaʻulua iho koʻu hoʻōla; E hāʻawi aku nō au i ke ola ma Ziona, me kā ʻIseraʻela, koʻu mea e nani ai.

KA WĀNANA A ʻISAIA 53:11

E ʻike aku nō ʻo ia i ka hope o ka luhi ʻana o kona ʻuhane, A e ʻoluʻolu ʻo ia; Ma ka ʻike ʻana iā ia, e hoʻāpono nō kaʻu Kauā Hemolele i nā mea he nui, No ka mea, nāna nō e amo i ko lākou hewa.

KA WĀNANA A ʻISAIA 53:6

Ua hele hewa kākou a pau e like me nā hipa; Ua huli kēlā mea kēia mea o kākou i kona ʻaoʻao iho; A ua kau nō ʻo Iēhova ma luna ona i ka hewa o kākou a pau.

KA WĀNANA A ʻISAIA 6:5

A laila, ʻōlelo ihola au, “Auē au! Ua make au; No ka mea, he kanaka lehelehe haumia au, A ke noho nei au i waena o ka lāhui kanaka lehelehe haumia; No ka mea, ua ʻike koʻu mau maka i ke Aliʻi, iā Iēhova o nā kaua.”

KA WĀNANA A IEREMIA 23:6

“I kona mau lā e hoʻōla ʻia ʻo kā Iuda, A e noho maluhia ʻo kā ʻIseraʻela, A eia hoʻi kona inoa e kapa ʻia mai ai, ‘ʻO IĒHOVA Ko Kākou Pono.’

KA WĀNANA A IEREMIA 33:16

‘Ia mau lā, e hoʻōla ʻia ʻo kā Iuda, a e noho maluhia hoʻi ʻo ka Ierusalema, a ʻo kona e kapa ʻia ai, ʻo IĒHOVA Ko Kākou Pono.’

KA BUKE NO DANIʻELA 9:24

¶ “Ua hoʻopaʻa ʻia ma luna o kou poʻe kānaka he kanahiku hebedoma, a ma luna o kou kūlanakauhale hoʻāno, e hoʻopau ʻia ka hewa, a e hoʻopau ʻia hoʻi nā hala, a e hoʻokala ʻia mai ka ʻino, a e hoʻokomo mai i ka pono mau, a e hoʻokō i ka hihiʻo, a me ka mea i wānana ʻia, a e poni i ka Mea Hemolele Loa.

KA ʻEUANELIO I KĀKAU ʻIA AI E MATAIO 9:13

“E hele hoʻi ʻoukou e aʻo i ke ʻano o kēia, ‘«ʻO ke aloha koʻu makemake, ʻaʻole ka mōhai»;’ ua hele mai nei au e aʻo aku i ka poʻe hewa e mihi, ʻaʻole i ka poʻe pono.”

ʻO KA ʻEPISETOLE A PAULO KA LUNAʻŌLELO I KO ROMA 1:17

No ka mea, ua hōʻike ʻia mai i laila ko ke Akua hoʻāpono ʻana mai ma ka manaʻoʻiʻo, a i manaʻoʻiʻo; e like me ka mea i palapala ʻia, “«ʻO ka mea pono, ma ka manaʻoʻiʻo, e ola ia».”

ʻO KA ʻEPISETOLE A PAULO KA LUNAʻŌLELO I KO ROMA 10:10

No ka mea, ma ka naʻau ka manaʻoʻiʻo e hoʻāpono ʻia ai; a ma ka waha ka hōʻoiaʻiʻo āna e ola ai.

ʻO KA ʻEPISETOLE A PAULO KA LUNAʻŌLELO I KO ROMA 16:7

E uē aku iā ʻAnederoniko a me Iunia, i oʻu mau hoahānau a me oʻu mau hoa pio, ua ʻike pono ʻia lāua e nā lunaʻōlelo, ma mua hoʻi lāua oʻu i loko o Kristo.

ʻO KA ʻEPISETOLE A PAULO KA LUNAʻŌLELO I KO ROMA 5:21

A, me ka hewa i lanakila ai ma ka make, pēlā hoʻi e lanakila ai ka lokomaikaʻi ma ka hoʻāpono ʻana, i mea e ola mau ai, ma o Iesū Kristo lā ko kākou Haku.

ʻO KA ʻEPISETOLE A PAULO KA LUNAʻŌLELO I KO ROMA 8:1

¶ ʻĀnō hoʻi, ʻaʻole he hoʻohewa ʻia no ka poʻe i loko o Kristo Iesū, ka poʻe hele ʻole ma muli o ke kino, ma muli nō o ka ʻUhane.

ʻO KA ʻEPISETOLE A PAULO KA LUNAʻŌLELO I KO ROMA 8:3

No ka mea, no ka hiki ʻole i ke Kānāwai, no kona nāwaliwali ma ke kino, ʻo ke Akua, i kona hoʻouna ʻana mai i kāna Keiki ponoʻī ma ke ʻano o ke kino hewa, a ma ka mōhai no ka hala, ua hoʻāhewa maila nō ia i ka hewa i loko o ke kino;

ʻO KA ʻEPISETOLE MUA A PAULO KA LUNAʻŌLELO I KO KORINETO 1:30

Nāna mai nō ko ʻoukou i loko o Kristo Iesū, ʻo ka Mea i lilo no kākou i akamai, i mea hoʻopono, i mea hoʻomaʻemaʻe, a i mea hoʻōla pānaʻi mai ke Akua mai.

ʻO KA ʻEPISETOLE LUA A PAULO KA LUNAʻŌLELO I KO KORINETO 5:17

No ia mea, inā i loko o Kristo kekahi kanaka, he mea hou ʻo ia; ua hala akula nā mea kahiko; aia hoʻi, ua ʻano hou aʻela nā mea a pau.

ʻO KA ʻEPISETOLE LUA A PAULO KA LUNAʻŌLELO I KO KORINETO 5:21

No ka mea, ua hoʻolilo maila ʻo ia iā ia, ka mea hala ʻole, i mōhai hala no kākou, i lilo ai kākou i poʻe pono i ke Akua ma ona lā.

ʻO KA ʻEPISETOLE A PAULO KA LUNAʻŌLELO I KO GALATIA 2:16

ke ʻike nei kākou, ʻaʻole e hoʻāpono ʻia ke kanaka ma nā hana o ke Kānāwai; akā, ma ka manaʻoʻiʻo iā Iesū Kristo; ʻo kākou hoʻi kekahi i manaʻoʻiʻo iā Iesū Kristo, i hoʻāpono ʻia mai kākou ma ka manaʻoʻiʻo iā Kristo, ʻaʻole ma nā hana o ke Kānāwai; no ka mea, ʻaʻole e hoʻāpono ʻia mai kekahi kanaka ma nā hana o ke Kānāwai.

KA BUKE ʻALIMA A MOSE, I KAPA ʻIA KĀNĀWAI LUA 27:26

¶ ‘E pōʻino ke kanaka ke hoʻopaʻa ʻole i nā hua ʻōlelo a pau o kēia kānāwai, e mālama aku ia mau mea.’ A ʻo nā kānaka a pau e ʻōlelo mai, ‘Pēlā ʻiʻo nō!’

ʻO KA ʻEPISETOLE A PAULO KA LUNAʻŌLELO I KO PILIPI 3:6

No ka manaʻo ikaika, hoʻomaʻau akula au i ka ʻekalesia; a ma ka pono o ke Kānāwai, ʻaʻole oʻu hala.

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 1:9

ʻo ka Mea nāna kākou i hoʻōla, a i wae mai hoʻi me ka wae hoʻāno; ʻaʻole hoʻi ma muli o kā kākou hana ʻana; akā, ma muli nō o kona manaʻo iho a me ka pono i hāʻawi ʻia mai iā kākou i loko o Kristo Iesū ma mua loa aku o kēia ao;

ʻO KA ʻEPISETOLE A PAULO IĀ TITO 3:5

ʻaʻole no nā hana pono a kākou i hana ai; akā, ma kona aloha wale, ua hoʻōla ʻo ia iā kākou, ma ka holoi hoʻohānau hou ʻana, a ma ka hana hou ʻia e ka ʻUhane Hemolele,

ʻO KA ʻEPISETOLE A PAULO KA LUNAʻŌLELO I KO HEBERA 6:18

ma nā mea luli ʻole ʻelua, kahi i hiki ʻole ai i ke Akua he hoʻopunipuni, e hoʻohoihoi loa ʻia mai ai kākou ka poʻe i holo i ka puʻuhonua, e hoʻopaʻa i ka manaʻolana i waiho ʻia mai ma ko kākou alo.

ʻO KA ʻEPISETOLE HOʻOLAHA A IAKOBO 3:2

No ka mea, ma nā mea he nui ua hewa kākou a pau; i hewa ʻole kekahi ma kāna ʻōlelo, ʻo ia ke kanaka hemolele, e hiki hoʻi iā ia ke hoʻopaʻa i kona kino iho a pau i ke kaula waha.

ʻO KA ʻEPISETOLE HOʻOLAHA ʻALUA A PETERO 1:1

¶ ʻO Simona Petero, he kauā a he lunaʻōlelo na Iesū Kristo, na ka poʻe i loaʻa pū ka manaʻo ʻoiaʻiʻo i maikaʻi like, ma ka pono o ko kākou Akua, a me Iesū Kristo ko kākou Hoʻōla:

ʻO KA ʻEPISETOLE HOʻOLAHA MUA A IOANE 3:4

ʻO ka mea e hana aku ana i ka hewa, ʻo ia ka mea e haʻihaʻi ana i ke kānāwai; a ʻo ka hewa, ʻo ia nō ke kūʻē ʻana i ke kānāwai.