ʻO KA ʻEPISETOLE A PAULO KA LUNAʻŌLELO I KO PILIPI 3:8 - Ka Baibala Hemolele

⁸ ʻOiaʻiʻo hoʻi, ke manaʻo nei au i nā mea a pau, he mea pohō ia i loaʻa mai ai ka maikaʻi o ka ʻike iā Kristo Iesū i kuʻu Haku; nona au i hoʻolei ai i nā mea a pau, a ke manaʻo nei au, he ʻōpala wale nō ia i loaʻa ai iaʻu ʻo Kristo,

ʻO KA ʻEPISETOLE A PAULO KA LUNAʻŌLELO I KO PILIPI 3:8 Cross References

KA BUKE MUA NO NĀ ALIʻI 14:10

“A e hoʻopōpilikia au i ka ʻohana a Ieroboama, a e ʻoki aʻe au i nā kāne mai o Ieroboama aʻe, a i ka mea paʻa a me ka mea paʻa ʻole i loko o kā ʻIseraʻela, a e lawe aʻe au i ke koena o ka ʻohana a Ieroboama, e like me ka lawe ʻana aʻe o ke kanaka i ke kīpulu a pau loa aʻela ia.

KA BUKE ʻALUA NO NĀ ALIʻI 9:37

‘A e like auaneʻi ke kupapaʻu o Iezebela me ka lepo ma luna o ke kula o ka ʻāina i Iezereʻela; no laila, ʻaʻole lākou e ʻōlelo aʻe, “ʻO Iezebela kēia.”’”

KA BUKE NO IOBA 20:7

“E nalo loa ʻo ia e like me kona lepo; E ʻōlelo auaneʻi ka poʻe i ʻike iā ia, ʻAuhea ʻo ia?’

KA BUKE O NĀ HALELŪ 126:6

He ʻoiaʻiʻo, ʻo ka mea hele, a uē, I kona lawe ʻana i ka hua e lūlū ai, He ʻoiaʻiʻo nō, e hoʻi mai ʻo ia me ka hauʻoli, E amo pū ana i kona mau pua.

KA BUKE O NĀ HALELŪ 73:25

¶ ʻO wai lā koʻu ma ka lani? ʻAʻohe hoʻi mea ma ka honua nei aʻu e makemake nei ma mua ou.

KA WĀNANA A ʻISAIA 53:11

E ʻike aku nō ʻo ia i ka hope o ka luhi ʻana o kona ʻuhane, A e ʻoluʻolu ʻo ia; Ma ka ʻike ʻana iā ia, e hoʻāpono nō kaʻu Kauā Hemolele i nā mea he nui, No ka mea, nāna nō e amo i ko lākou hewa.

MALAKI 2:3

“Aia hoʻi, e pāpā aku nō wau i kā ʻoukou hua, e lūlū aku hoʻi au i ka lepo ma luna o ko ʻoukou mau maka, i ka lepo o kā ʻoukou mau ʻahaʻaina; a e lawe aku ia iā ʻoukou i laila.

KA BUKE ʻAHĀ A MOSE, I KAPA ʻIA NĀ HELU 14:30

ʻaʻole loa ʻoukou e komo aku i loko o ka ʻāina aʻu i hoʻohiki ai e hoʻonoho iā ʻoukou i laila; ʻo lāua wale nō, ʻo Kaleba ke keiki a Iepune, a ʻo Iosua ke keiki a Nuna.

KA ʻEUANELIO I KĀKAU ʻIA AI E LUKA 1:43

“No hea mai kēia iaʻu, i hele mai nei ka makuahine o koʻu Haku i oʻu nei?

KA ʻEUANELIO I KĀKAU ʻIA AI E LUKA 11:20

“Akā, inā ma ka manamana lima o ke Akua i mahiki aku ai au i nā daimonio, ʻo ia hoʻi, ua hiki mai nō ke aupuni o ke Akua i o ʻoukou nei.

KA ʻEUANELIO I KĀKAU ʻIA AI E IOANE 14:20

“Ia lā lā e ʻike ʻoukou, ʻo wau nō i loko o koʻu Makua, a ʻoukou i loko oʻu, ʻo wau hoʻi i loko o ʻoukou.

KA ʻEUANELIO I KĀKAU ʻIA AI E IOANE 14:7

“Inā ua ʻike ʻoukou iaʻu, inā ua ʻike nō hoʻi ʻoukou i koʻu Makua; a mai kēia wā aku e ʻike ʻoukou iā ia, a e nānā ʻoukou iā ia.”

KA ʻEUANELIO I KĀKAU ʻIA AI E IOANE 16:3

“A e hana lākou i kēia mau mea; no ka mea, ʻaʻole lākou i ʻike i ka Makua, ʻaʻole hoʻi iaʻu.

KA ʻEUANELIO I KĀKAU ʻIA AI E IOANE 17:3

“Eia ke ola mau loa, i ʻike lākou iā ʻoe i ke Akua ʻoiaʻiʻo hoʻokahi, a iā Iesū ka Mesia, ka Mea āu i hoʻouna mai ai.

KA ʻEUANELIO I KĀKAU ʻIA AI E IOANE 17:8

“No ka mea, ʻo ka ʻōlelo āu i hāʻawi mai iaʻu, ua hāʻawi aku au ia iā lākou; a ua ʻapo mai lākou ia, a ua ʻike pono hoʻi, i hele mai au mai ou mai lā, a ua manaʻoʻiʻo hoʻi lākou, ua hoʻouna mai ʻoe iaʻu.

KA ʻEUANELIO I KĀKAU ʻIA AI E IOANE 20:13

ʻĪ maila lāua iā ia, “E ka wahine, no ke aha lā ʻoe e uē ai?” ʻĪ akula ʻo ia iā lāua, “No ka mea, ua lawe aku lākou i kuʻu Haku, ʻaʻole au i ʻike i kahi i waiho ai lākou iā ia.”

KA ʻEUANELIO I KĀKAU ʻIA AI E IOANE 20:28

ʻŌlelo akula ʻo Toma iā ia, ʻī akula, “E koʻu Haku, a me koʻu Akua!”

NĀ ʻOIHANA A KA POʻE LUNAʻŌLELO 20:24

“ʻAʻole hoʻi au e manaʻo i kēia mau mea, ʻaʻole nō hoʻi e manaʻo wau he mea makemake noʻu kuʻu ola nei, i hoʻopau wau i koʻu hele ʻana me ka ʻoliʻoli, a me ka ʻoihana i loaʻa mai iaʻu na ka Haku mai, na Iesū; i hōʻike aku nō hoʻi au i ka ʻeuanelio o ka lokomaikaʻi o ke Akua.

ʻO KA ʻEPISETOLE A PAULO KA LUNAʻŌLELO I KO ROMA 8:18

¶ Ke manaʻo nei nō hoʻi au, ʻaʻole e pono ke hoʻohālike ʻia ka ʻehaʻeha o kēia noho ʻana me ka nani e hōʻike ʻia mai ana iā kākou ma hope.

ʻO KA ʻEPISETOLE A PAULO KA LUNAʻŌLELO I KO ROMA 8:39

ʻaʻole hoʻi i ke kiʻekiʻe a me ka hohonu, ʻaʻole hoʻi i kekahi mea ʻē aʻe i hana ʻia, ke hoʻokaʻawale mai iā kākou, mai ke aloha mai o ke Akua, inā nō i loko o Kristo Iesū ʻo ko kākou Haku.

ʻO KA ʻEPISETOLE MUA A PAULO KA LUNAʻŌLELO I KO KORINETO 2:2

No ka mea, ua paʻa koʻu ʻaʻole e hōʻike i kekahi mea ʻē aʻe i waena o ʻoukou, iā Iesū Kristo wale nō, a me kona make ʻana ma ke keʻa.

ʻO KA ʻEPISETOLE MUA A PAULO KA LUNAʻŌLELO I KO KORINETO 9:10

Ke ʻōlelo mai nei anei ʻo ia ia mea no kākou wale nō? Ua palapala ʻia no kākou nō, i lana ai ka manaʻo o ka mea mahi ʻai i kona mahi ʻai ʻana; a ʻo ka mea hōʻiliʻili me ka manaʻolana e loaʻa iā ia ka mea i lana ai kona manaʻo.

ʻO KA ʻEPISETOLE LUA A PAULO KA LUNAʻŌLELO I KO KORINETO 4:4

Ma o lākou lā, ua hoʻomakapō mai ko kēia ao akua i nā naʻau o ka poʻe hoʻomaloka, o akāka mai auaneʻi iā lākou ka mālamalama o ka ʻeuanelio nani a Kristo; ʻo ia ko ke Akua mea like.

ʻO KA ʻEPISETOLE LUA A PAULO KA LUNAʻŌLELO I KO KORINETO 4:6

No ka mea, ʻo ke Akua nāna i kēnā, “Ka mālamalama e pohā mai no loko mai o ka pouli,” ʻo ia kai hoʻomālamalama mai i loko o ko mākou naʻau, i mālamalama i ʻikea ka nani o ke Akua ma ka maka o Iesū Kristo.

ʻO KA ʻEPISETOLE A PAULO KA LUNAʻŌLELO I KO GALATIA 1:16

e hōʻike mai i kāna Keiki iaʻu, i haʻi aku ai au iā ia i nā kānaka ʻē; wikiwiki ihola au, ʻaʻole au i kūkā me ka mea ʻiʻo a me ka mea koko;

ʻO KA ʻEPISETOLE A PAULO KA LUNAʻŌLELO I KO ʻEPESO 4:13

a hiki aku kākou a pau i ka lōkahi ʻana o ka manaʻoʻiʻo, a me ka ʻike aku i ke Keiki a ke Akua, a lilo i kanaka makua, i poʻe naʻauao loa ma nā mea o Kristo.

ʻO KA ʻEPISETOLE A PAULO KA LUNAʻŌLELO I KO PILIPI 1:1

¶ ʻO Paulo a me Timoteo nā kauā a Iesū Kristo, na ka poʻe haipule a pau i loko o Kristo Iesū e noho ana i Pilipi, me nā luna kiaʻi a me nā diakono:

ʻO KA ʻEPISETOLE A PAULO KA LUNAʻŌLELO I KO PILIPI 3:10

i ʻike hoʻi au iā ia, me ka mana o kona ala hou ʻana mai, a me ka hoʻokahi ʻana o kona hōʻino ʻia, i hoʻohālike ʻia aku me kona make ʻana;

ʻO KA ʻEPISETOLE A PAULO KA LUNAʻŌLELO I KO PILIPI 3:12

No ka mea, ʻaʻole i loaʻa iaʻu i nēia manawa, ʻaʻole hoʻi au i hemolele; akā, ke hahai aku nei au, i lālau aku ai au i ka mea i lālau ʻia mai ai au e Kristo Iesū.

ʻO KA ʻEPISETOLE A PAULO KA LUNAʻŌLELO I KO PILIPI 3:7

Akā, ʻo nā mea aʻu i pōmaikaʻi ai, lilo aʻela ia i kuʻu manaʻo i mea pohō no Kristo.

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 4:6

No ka mea, ua mākaukau au no ka ninini ʻia aku, a ua kokoke mai nei ka manawa oʻu e hele aku ai.

ʻO KA ʻEPISETOLE A PAULO KA LUNAʻŌLELO I KO HEBERA 3:14

No ka mea, e loaʻa mai ana nō ʻo Kristo iā kākou, ke hoʻopaʻa kākou i ko kākou manaʻo pono mua i mau a hiki i ka hopena;

ʻO KA ʻEPISETOLE HOʻOLAHA MUA A PETERO 2:7

He maikaʻi ʻiʻo ia iā ʻoukou i ka poʻe manaʻoʻiʻo; akā, i ka poʻe hoʻolohe ʻole, “«ʻO ka pōhaku i haʻalele ʻia e ka poʻe hana hale, ʻO ia kai hoʻolilo ʻia i pōhaku kumu no ke kihi,

ʻO KA ʻEPISETOLE HOʻOLAHA ʻALUA A PETERO 1:2

E nui ko ʻoukou aloha ʻia mai, a me ka maluhia hoʻi, no ka ʻike pono ʻana i ke Akua, a me Iesū, ko kākou Haku;

ʻO KA ʻEPISETOLE HOʻOLAHA ʻALUA A PETERO 1:3

e like me ka hāʻawi ʻana mai o kona mana Akua i nā mea a pau no kākou, e ola ai, a e haipule ai, ma ka ʻike ʻana aku i ka Mea nāna kākou i wae mai ma ka nani a me ka pono.

ʻO KA ʻEPISETOLE HOʻOLAHA ʻALUA A PETERO 1:8

Inā i loko o ʻoukou kēia mau mea, a i māhuahua hoʻi, ʻaʻole ʻoukou e lilo i poʻe hoʻopalaleha, a i poʻe hua ʻole, ma ka ʻike aku i ko kākou Haku iā Iesū Kristo.

ʻO KA ʻEPISETOLE HOʻOLAHA ʻALUA A PETERO 3:18

E hoʻoikaika ʻoukou, i māhuahua ke aloha ʻia mai, a me ko ʻoukou ʻike ʻana aku i ko kākou Haku a Hoʻōla hoʻi iā Iesū Kristo. Iā ia nō ka hoʻonani ʻia aku, ʻānō nō, a mau loa aku. ʻĀmene.

ʻO KA ʻEPISETOLE HOʻOLAHA MUA A IOANE 1:3

ʻo ua mea lā a mākou i ʻike ʻiʻo ai a i lohe ʻiʻo ai nō hoʻi, ʻo ia kā mākou e haʻi aku nei iā ʻoukou, i lilo ʻoukou i poʻe hoaaloha me mākou; a ʻo ko mākou aloha pū ʻana, aia nō ia me ka Makua, a me kāna Keiki ʻo Iesū Kristo.

ʻO KA ʻEPISETOLE HOʻOLAHA MUA A IOANE 2:19

Hele aku lākou mai o kākou aku; akā, ʻaʻole loa lākou no kākou; no ka mea, inā lākou no kākou, inā ua noho lākou me kākou; akā, hele lākou i maopopo ai, ʻaʻole lākou a pau no kākou.

ʻO KA ʻEPISETOLE HOʻOLAHA MUA A IOANE 5:20

Ke ʻike nei kākou ua hiki mai nei ke Keiki a ke Akua, a ua hāʻawi mai ia i ka noʻonoʻo iā kākou, i ʻike aku ai kākou i ka mea ʻoiaʻiʻo; a i loko o ka mea ʻoiaʻiʻo kākou, a i loko hoʻi o kāna Keiki ʻo Iesū Kristo. ʻO ia nō ke Akua ʻoiaʻiʻo, a me ke ola mau loa.