ʻO KA ʻEPISETOLE A PAULO KA LUNAʻŌLELO I KO PILIPI 2:9 - Ka Baibala Hemolele

⁹ No ia mea, ua hoʻokiʻekiʻe loa aʻela ke Akua iā ia, a hāʻawi akula nona i ka inoa ma luna o nā inoa a pau;

ʻO KA ʻEPISETOLE A PAULO KA LUNAʻŌLELO I KO PILIPI 2:9 Cross References

KA BUKE MUA A MOSE, I KAPA ʻIA KINOHI 3:15

“E waiho nō au i ka inaina Ma waena o ʻolua a me ka wahine, A ma waena hoʻi o kou hua a me kona hua; Nāna e paopao iho kou poʻo, A nāu hoʻi e pākuʻikuʻi aku kona kuʻekuʻe wāwae.”

KA BUKE O NĀ HALELŪ 110:1

¶ ʻŌlelo maila ʻo Iēhova i kuʻu Haku, “E noho mai ʻoe ma koʻu lima ʻākau, A hoʻolilo iho ai au i kou poʻe ʻenemi I keʻehana wāwae nou.”

KA BUKE O NĀ HALELŪ 110:5

Ma kou lima ʻākau ka Haku, E paopao ai i nā aliʻi i kona lā e huhū ai.

KA BUKE O NĀ HALELŪ 89:27

“E hoʻolilo nō wau iā ia i koʻu makahiapo, I mea kiʻekiʻe ma luna o nā aliʻi o ka honua.

KA BUKE O NĀ HALELŪ 91:14

¶ “No kona hoʻopili ʻana mai iaʻu, e hoʻopakele aku wau iā ia; E hoʻokiʻekiʻe aku nō hoʻi au iā ia; no ka mea, ua ʻike mai ʻo ia i koʻu inoa.

KA WĀNANA A ʻISAIA 52:13

¶ Aia hoʻi, e pōmaikaʻi ana kaʻu Kauā, E hāpai ʻia nō hoʻi ia, a e hoʻokiʻekiʻe ʻia, A e kiʻekiʻe loa auaneʻi ʻo ia.

KA WĀNANA A ʻISAIA 53:12

No laila, e mahele aku au nāna, me ka poʻe koʻikoʻi, A nāna nō e mahele i ka waiwai pio me ka poʻe ikaika; Ua ninini aku ʻo ia i kona ʻuhane i ka make; A ua helu pū ʻia ʻo ia me ka poʻe lawehala; A halihali nō ʻo ia i ka hewa o nā mea he nui, A e nonoi akula ʻo ia no ka poʻe i lawehala.

KA WĀNANA A ʻISAIA 9:7

ʻAʻole e pau ka māhuahua ʻana o kona aupuni, a me ka malu; Ma ka noho aliʻi o Dāvida ia, A ma kona aupuni nō hoʻi, E hoʻāla hou ia mea, a e hoʻokūpaʻa iā ia, Me ka hoʻoponopono, a me ka maikaʻi, Mai kēia wā aku, a i ke ao pau ʻole. Na ka ikaika o Iēhova o nā kaua e hana i kēia.

KA BUKE NO DANIʻELA 7:14

“A ua hāʻawi ʻia mai nona ke aliʻi ʻana, A me ka nani, a me ke aupuni, I hoʻokauā nāna nā lāhui kanaka, A me ko nā ʻāina, a me nā ʻōlelo ʻē. ʻO kona aliʻi ʻana ua mau loa ia, ʻAʻole ia e pau, A ʻo kona aupuni, ʻAʻole ia e auhulihia.

KA ʻEUANELIO I KĀKAU ʻIA AI E MATAIO 11:27

“Ua hāʻawi ʻia mai iaʻu nā mea a pau e koʻu Makua; ʻaʻohe kanaka i ʻike i ke Keiki, ʻo ka Makua wale nō; ʻaʻole hoʻi he kanaka i ʻike i ka Makua, ʻo ke Keiki wale nō, a me ka mea iā ia e hōʻike aku ai ke Keiki.

KA ʻEUANELIO I KĀKAU ʻIA AI E MATAIO 28:18

Hele maila ʻo Iesū, ʻōlelo maila iā lākou, ʻī maila, “Ua hāʻawi ʻia mai iaʻu ka mana a pau ma ka lani a ma ka honua nei.

KA ʻEUANELIO I KĀKAU ʻIA AI E LUKA 10:22

“Ua hāʻawi ʻia mai nei iaʻu nā mea a pau e koʻu Makua; ʻaʻole hoʻi mea i ʻike i ke Keiki, ʻo ka Makua wale nō; a i ka Makua hoʻi, ʻo ke Keiki wale nō, a me ke kanaka a ke Keiki e makemake e hōʻike ai.”

KA ʻEUANELIO I KĀKAU ʻIA AI E IOANE 13:3

ʻike nō ʻo Iesū, ua hāʻawi mai ka Makua i nā mea a pau i kona lima, a ua hele mai ia mai ke Akua mai, a e hoʻi hou aku nō ia i ke Akua;

KA ʻEUANELIO I KĀKAU ʻIA AI E IOANE 17:11

“ʻAʻole au e noho hou ana ma kēia ao; akā, e noho ana nō lākou ma kēia ao, a ke hele aku nei au i ou lā. E ka Makua Hemolele, e mālama ʻoe ma kou inoa iho i ka poʻe āu i hāʻawi mai ai iaʻu, i lilo ai lākou i hoʻokahi e like me kāua.

KA ʻEUANELIO I KĀKAU ʻIA AI E IOANE 17:12

“I koʻu noho pū ʻana me lākou ma kēia ao, ua mālama au iā lākou ma kou inoa; ua kiaʻi aku au i ka poʻe āu i hāʻawi mai ai iaʻu, ʻaʻole kekahi o lākou i make, ʻo ke keiki no ka make wale nō, i kō ai ka Palapala Hemolele.

KA ʻEUANELIO I KĀKAU ʻIA AI E IOANE 17:5

“ʻĀnō hoʻi ʻoe, e ka Makua, e hoʻonani mai ʻoe iaʻu me ʻoe iho ma ka nani oʻu i nani ai me ʻoe ma mua o ka hoʻokumu ʻana o ke ao nei.

NĀ ʻOIHANA A KA POʻE LUNAʻŌLELO 5:31

“ʻO ia kā ke Akua i hoʻokiʻekiʻe aʻe ma kona lima ʻākau, i Aliʻi, i Ola hoʻi, e hāʻawi mai i kā ʻIseraʻela, i ka mihi, a me ke kala ʻana i ka hala.

ʻO KA ʻEPISETOLE A PAULO KA LUNAʻŌLELO I KO ʻEPESO 1:10

i ke aupuni o kēia manawa hope, e hōʻuluʻulu i nā mea a pau ma kahi hoʻokahi i loko o Kristo, i nā mea o ka lani a me nā mea o ka honua, i loko ona.

ʻO KA ʻEPISETOLE A PAULO KA LUNAʻŌLELO I KO KOLOSA 1:18

ʻO ia hoʻi ke poʻo o ke kino, ʻo ka ʻekalesia; ʻo ia ka maka mua, ʻo ka hānau mua hoʻi mai ka make mai; i lilo ia i poʻokela i waena o nā mea a pau.

ʻO KA ʻEPISETOLE LUA A PAULO KA LUNAʻŌLELO I KO TESALONIKE 1:12

i hoʻonani ʻia aku ka inoa o ko kākou Haku ʻo Iesū Kristo, i loko o ʻoukou, a ʻo ʻoukou hoʻi i loko ona, ma muli o ke aloha ʻana mai o ko kākou Akua, a me ka Haku Iesū Kristo.

ʻO KA ʻEPISETOLE A PAULO KA LUNAʻŌLELO I KO HEBERA 1:4

a ua hoʻokiʻekiʻe ʻia aʻe ma luna loa o nā ʻānela, e like me ka ʻoi ʻana o ka maikaʻi o kona inoa i loaʻa iā ia, ma mua o ko lākou.

ʻO KA ʻEPISETOLE A PAULO KA LUNAʻŌLELO I KO HEBERA 1:9

“Ua makemake hoʻi ʻoe i ka pono, a ua inaina i ka hewa; No laila i poni ai ke Akua, kou Akua, iā ʻoe Me ka ʻaila o ka ʻoliʻoli ma luna o kou mau hoa».”

ʻO KA ʻEPISETOLE A PAULO KA LUNAʻŌLELO I KO HEBERA 12:2

e nānā aku ana hoʻi iā Iesū, i ka Mea nāna i hoʻokumu, nāna hoʻi e hoʻohemolele ko kākou manaʻoʻiʻo; nāna hoʻi i hoʻomanawanui i ke keʻa me ka manaʻo ʻole i ka hilahila, no ka ʻoliʻoli i hoʻomaopopo ʻia ma mua ona, a noho iho hoʻi ma ka lima ʻākau o ka noho aliʻi o ke Akua.

ʻO KA ʻEPISETOLE A PAULO KA LUNAʻŌLELO I KO HEBERA 2:9

Akā, ua ʻike kākou iā Iesū i ka Mea i hoʻolilo ʻia ma lalo iki iho o ka poʻe ʻānela, no ka make ʻana, i hoʻolei ʻia mai ai i ka nani a me ka mahalo; i lilo hoʻi ia i ka make no nā kānaka a pau, ma ka lokomaikaʻi o ke Akua.

ʻO KA ʻEPISETOLE HOʻOLAHA MUA A PETERO 3:22

ʻo ka mea i hele aku i ka lani, a ʻo ia hoʻi ia e noho lā ma ka lima ʻākau o ke Akua; a ua hoʻonoho ʻia ma lalo iho ona, nā ʻānela, a me nā mea kiʻekiʻe a me nā mea mana.

ʻO KA ʻEPISETOLE HOʻOLAHA ʻALUA A PETERO 1:17

No ka mea, mai ke Akua ka Makua mai, i loaʻa mai ai iā ia ka hoʻomaikaʻi, a me ka hoʻonani, i ka wā i hiki mai ai ka leo i ona lā, mai ka Nani Kupanaha Loa mai; “Eia kuʻu Keiki hiwahiwa, ua ʻoliʻoli loa au iā ia.”

ʻO KA ʻEPISETOLE KOLU A IOANE 1:7

No ka mea, ua hele aku lākou no kona inoa, ʻaʻole lākou i lawe i kekahi mea no ko nā ʻāina ʻē mai.

KA HŌʻIKE ʻANA A IOANE KA HAIPULE 1:5

a iā Iesū Kristo ka Mea hōʻike ma ka pololei a me ka ʻoiaʻiʻo, ʻo ka Makahiapo o ka poʻe mai ka make mai, a ʻo ke Aliʻi o nā aliʻi o ka honua nei. I ka Mea aloha mai iā kākou, a holoi mai hoʻi iā kākou, i pau ko kākou hewa i kona koko iho,

KA HŌʻIKE ʻANA A IOANE KA HAIPULE 11:15

¶ Puhi aʻela ka ʻānela ʻahiku; a nui loa ihola nā leo ma ka lani, e ʻī mai ana, “Ua lilo ke aupuni o ke ao nei no ko kākou Haku, a no kona Kristo; a ʻo ia ke Aliʻi e mau loa ana i ke ao pau ʻole.”

KA HŌʻIKE ʻANA A IOANE KA HAIPULE 19:16

A ma kona ʻaʻahu a ma kona ʻūhā ua palapala ʻia ka inoa, “KE ALIʻI O NĀ ALIʻI, A ME KA HAKU O NĀ HAKU.”

KA HŌʻIKE ʻANA A IOANE KA HAIPULE 3:21

‘ʻO ka mea lanakila, e hāʻawi nō au iā ia, e noho pū me aʻu ma koʻu noho aliʻi, me aʻu i lanakila ai, a ua noho pū me koʻu Makua ma kona noho aliʻi.

KA HŌʻIKE ʻANA A IOANE KA HAIPULE 5:12

e ʻōlelo ana me ka leo nui, “E pono nō ke Keiki Hipa i pepehi ʻia, Ke loaʻa iā ia ka mana, a me ka waiwai, a me ke akamai, a me ka ikaika, a me ka nani, a me ka mahalo, a me ka hoʻomaikaʻi ʻia.”