ʻO KA ʻEPISETOLE A PAULO KA LUNAʻŌLELO I KO PILIPI 2:8 - Ka Baibala Hemolele

⁸ A loaʻa ihola ke ʻano o ke kanaka, hoʻohaʻahaʻa ihola ʻo ia iā ia iho, me ka ʻae maoli aku i ka make, i ka make hoʻi ma ke keʻa.

ʻO KA ʻEPISETOLE A PAULO KA LUNAʻŌLELO I KO PILIPI 2:8 Cross References

KA BUKE O NĀ HALELŪ 22:16

Ua hoʻopuni mai nā ʻīlio iaʻu; Ua pōʻai ʻia mai au e ke anaina kanaka hewa; Ua ʻō mai lākou i koʻu mau lima a me koʻu mau wāwae.

NĀ ʻŌLELO AKAMAI A SOLOMONA 15:33

ʻO ka makaʻu iā Iēhova, ʻo ia ka ʻike ʻana i ka naʻauao; ʻO ka naʻau haʻahaʻa ma mua ia o ka mahalo ʻia mai.

KA ʻEUANELIO I KĀKAU ʻIA AI E MATAIO 17:2

Hoʻopāhaʻohaʻo ʻia ihola ia i mua o lākou; ʻalohi maila kona helehelena e like me ka lā, a keʻokeʻo maila kona ʻaʻahu e like me ka mālamalama.

KA ʻEUANELIO I KĀKAU ʻIA AI E MATAIO 26:39

Hele iki akula ia, moe ihola kona alo i lalo, pule akula ia, ʻī akula, “E koʻu Makua ē, inā paha he mea hiki ia, e lawe aku ʻoe i kēia kīʻaha mai oʻu aku nei; akā hoʻi, aia i kou makemake, ʻaʻole i koʻu.”

KA ʻEUANELIO I KĀKAU ʻIA AI E MATAIO 26:42

Hele hou akula ia, ka lua ia o ka hele ʻana; pule akula ia, ʻī akula, “E koʻu Makua, inā paha ʻaʻole ia he mea hiki ke lawe ʻia aku kēia kīʻaha mai oʻu aku nei, i inu ʻole au, inā nō e hana ʻia kou makemake.”

KA ʻEUANELIO I KĀKAU ʻIA AI E LUKA 9:29

Eia kekahi, i kāna pule ʻana, pāhaʻohaʻo maila kona maka, a keʻokeʻo ʻōlinolino maila kona kapa.

KA ʻEUANELIO I KĀKAU ʻIA AI E IOANE 10:18

“ʻAʻole kekahi e kāʻili ia mea mai oʻu aku lā; akā, naʻu iho nō e hāʻawi aku ia; he mana koʻu e hāʻawi aku ia, he mana hoʻi koʻu e hāʻawi aku ia, he mana hoʻi koʻu e lawe hou mai ia. Ua loaʻa iaʻu kēia kauoha na koʻu Makua mai.”

KA ʻEUANELIO I KĀKAU ʻIA AI E IOANE 14:31

“Akā, i ʻike ko ke ao nei i kuʻu aloha i ka Makua, a e like me ka Makua i kauoha mai ai iaʻu, pēlā kaʻu e hana aku ai. E ala aʻe, e haele kākou mai kēia wahi aku.”

KA ʻEUANELIO I KĀKAU ʻIA AI E IOANE 15:10

“Inā e mālama ʻoukou i kaʻu mau kauoha, e noho ʻoukou i loko o kuʻu aloha; e like me aʻu i mālama ai i nā kauoha a koʻu Makua, a e noho i loko o kona aloha.

KA ʻEUANELIO I KĀKAU ʻIA AI E IOANE 4:34

ʻŌlelo maila ʻo Iesū iā lākou, “ʻO kaʻu ʻai kēia, e hana au i ka makemake o ka Mea nāna au i hoʻouna mai, a e hoʻopau hoʻi i kāna hana.

NĀ ʻOIHANA A KA POʻE LUNAʻŌLELO 8:33

“I kona hoʻohaʻahaʻa ʻana, ua kāʻili ʻia akula kona hoʻāpono ʻia; Na wai lā hoʻi e haʻi mai i kona hanauna? No ka mea, ua lawe ʻia aku nō kona ola, mai ka honua aku».”

ʻO KA ʻEPISETOLE A PAULO KA LUNAʻŌLELO I KO ROMA 5:19

No ka mea, me ka lilo ʻana o nā mea he nui loa i poʻe hewa no ka hoʻolohe ʻole o ke kanaka hoʻokahi, pēlā hoʻi e lilo ai ana nā mea he nui loa i poʻe pono no ka hoʻolohe ʻana o ka Mea hoʻokahi.

ʻO KA ʻEPISETOLE LUA A PAULO KA LUNAʻŌLELO I KO KORINETO 8:9

No ka mea, ua ʻike nō ʻoukou i ka lokomaikaʻi o ko kākou Haku ʻo Iesū Kristo, ua waiwai ʻo ia, a no ʻoukou i lilo mai ai ia i mea ʻilihune, i waiwai ai hoʻi ʻoukou ma kona ʻilihune.

ʻO KA ʻEPISETOLE A PAULO KA LUNAʻŌLELO I KO GALATIA 3:13

Ua hoʻōla aʻela ʻo Kristo iā kākou mai ka hoʻāhewa ʻia e ke Kānāwai, i kona lilo ʻana i ka hoʻāhewa ʻia no kākou; no ka mea, ua palapala ʻia, “«Ua hoʻāhewa ʻia nā mea a pau i kau ʻia ma luna o ka lāʻau»;”

KA BUKE ʻALIMA A MOSE, I KAPA ʻIA KĀNĀWAI LUA 21:23

ʻaʻole e waiho i kona kino a ao ka pō ma luna o ka lāʻau; akā, e kanu nō iā ia ia lā, (no ka mea, ua hōʻino ʻia e ke Akua ka mea i kaulia,) i haumia ʻole ai kou ʻāina a Iēhova kou Akua i hāʻawi lilo mai ai i wahi e noho ai nou.

ʻO KA ʻEPISETOLE A PAULO IĀ TITO 2:14

ʻo ka Mea i hāʻawi mai iā ia iho no kākou, e hoʻopakele iā kākou i ka hewa a pau, a e huikala mai nona i lāhui ponoʻī e hoʻoikaika ana i nā hana maikaʻi.

ʻO KA ʻEPISETOLE A PAULO KA LUNAʻŌLELO I KO HEBERA 12:2

e nānā aku ana hoʻi iā Iesū, i ka Mea nāna i hoʻokumu, nāna hoʻi e hoʻohemolele ko kākou manaʻoʻiʻo; nāna hoʻi i hoʻomanawanui i ke keʻa me ka manaʻo ʻole i ka hilahila, no ka ʻoliʻoli i hoʻomaopopo ʻia ma mua ona, a noho iho hoʻi ma ka lima ʻākau o ka noho aliʻi o ke Akua.

ʻO KA ʻEPISETOLE A PAULO KA LUNAʻŌLELO I KO HEBERA 12:4

ʻAʻole ʻoukou i pale aku me ka hoʻokahe ʻia mai o ke koko, i ko ʻoukou paio ʻana aku i ka hewa.

ʻO KA ʻEPISETOLE HOʻOLAHA MUA A PETERO 2:24

Nāna iho nō i hali i ko kākou hewa ma kona kino iho ma luna o ka lāʻau, i make ai kākou i ka hewa, e ola ai i ka pono; ua hoʻōla ʻia hoʻi ʻoukou e kona mau palapū.

ʻO KA ʻEPISETOLE HOʻOLAHA MUA A PETERO 3:18

No ka mea, ua make nō hoʻi ʻo Kristo no ka hewa, ʻo ka mea pono no ka poʻe hewa, i alakaʻi ʻo ia iā kākou i ke Akua; ua pepehi ʻia ʻo ia ma ke kino, ua hoʻōla ʻia hoʻi ma ka ʻuhane;