ʻO KA ʻEPISETOLE A PAULO KA LUNAʻŌLELO I KO PILIPI 2:4 - Ka Baibala Hemolele

⁴ ʻAʻole hoʻi e nānā ana kēlā mea kēia mea i kāna iho; akā, e nānā hoʻi kēlā mea kēia mea i kā haʻi.

ʻO KA ʻEPISETOLE A PAULO KA LUNAʻŌLELO I KO PILIPI 2:4 Cross References

KA BUKE NO ʻESETERA 2:22

A ua ʻike ʻia ia mea e Moredekai, a nāna nō i haʻi aku iā ʻEsetera, i ke aliʻi wahine; a haʻi aku ʻo ʻEsetera i ke aliʻi, ma ka inoa ʻo Moredekai.

KA BUKE ʻAHĀ A MOSE, I KAPA ʻIA NĀ HELU 32:6

¶ Nīnau akula ʻo Mose i nā mamo a Gada, a i nā mamo a Reubena, “E hele nō anei ko ʻoukou poʻe hoahānau i ke kaua, a e noho nō ʻoukou ma neʻi?

KA ʻEUANELIO I KĀKAU ʻIA AI E MATAIO 18:6

“Akā, ʻo ka mea hoʻohihia aku i kekahi o kēia poʻe mea ʻuʻuku o ka poʻe manaʻoʻiʻo mai iaʻu, e aho nona ke nakinaki ʻia ka pōhaku wili palaoa ma kona ʻāʻī, a e hoʻopāholo ʻia ʻo ia i kahi hohonu o ke kai.

ʻO KA ʻEPISETOLE A PAULO KA LUNAʻŌLELO I KO ROMA 12:15

E hauʻoli pū me ka poʻe e hauʻoli ana, a e uē pū me ka poʻe e uē ana.

ʻO KA ʻEPISETOLE A PAULO KA LUNAʻŌLELO I KO ROMA 15:1

¶ He pono nō hoʻi no kākou ka poʻe ikaika e hoʻomanawanui i ka nāwaliwali o ka poʻe ikaika ʻole, ʻaʻole hoʻi e hōʻoluʻolu iho iā kākou iho.

ʻO KA ʻEPISETOLE MUA A PAULO KA LUNAʻŌLELO I KO KORINETO 10:24

Mai ʻimi aku kekahi kanaka i kona iho; e ʻimi nō nā kānaka a pau i ko haʻi pono.

ʻO KA ʻEPISETOLE LUA A PAULO KA LUNAʻŌLELO I KO KORINETO 11:29

ʻO wai lā ka mea palupalu, ʻaʻole hoʻi au kekahi i palupalu? ʻO wai lā ka mea i hoʻohihia ʻia, ʻaʻole hoʻi au i ʻaʻā?

ʻO KA ʻEPISETOLE LUA A PAULO KA LUNAʻŌLELO I KO KORINETO 6:3

ʻAʻole nō mākou e hoʻohihia aku i kekahi, o ʻōlelo ʻino ʻia mai ka ʻoihana kahuna.

ʻO KA ʻEPISETOLE A PAULO KA LUNAʻŌLELO I KO PILIPI 2:21

No ka mea, ke ʻimi nei nā mea a pau i kā lākou iho, ʻaʻole i kā Iesū Kristo.

ʻO KA ʻEPISETOLE HOʻOLAHA A IAKOBO 2:8

Inā ʻoukou e mālama i ke kānāwai hemolele me ia ma ka Palapala, “«E aloha aku ʻoe i kou hoalauna e like me ʻoe iho»,” inā ua pono kā ʻoukou hana ʻana;