ʻO KA ʻEPISETOLE A PAULO KA LUNAʻŌLELO I KO PILIPI 2:15 - Ka Baibala Hemolele

¹⁵ i hala ʻole ʻoukou a me ke kolohe ʻole, he poʻe keiki na ke Akua, i hoʻohewa ʻole ʻia i waena o ka hanauna kekeʻe a me ke kolohe, e ʻalohi hoʻi ʻoukou i waena o lākou e like me nā mālamalama i ke ao nei;

ʻO KA ʻEPISETOLE A PAULO KA LUNAʻŌLELO I KO PILIPI 2:15 Cross References

KA BUKE O NĀ HALELŪ 122:5

No ka mea, ua hoʻonoho ʻia ma laila nā noho aliʻi no ka hoʻopono, Nā noho aliʻi no ka ʻohana a Dāvida.

KA BUKE ʻALUA A MOSE, I KAPA ʻIA PUKA ʻANA 34:35

A ʻike akula nā mamo a ʻIseraʻela i ka maka o Mose, ua pūwā ka ʻili o ko Mose maka; a uhi hou aʻela ʻo Mose i ka pale ma luna o kona maka, a komo hou akula ia e ʻōlelo pū me ia.

NĀ ʻŌLELO AKAMAI A SOLOMONA 4:18

Akā, ʻo ke ala o ka poʻe pono, ua like ia me ka mālamalama e ʻaʻā ana, E māhuahua mau ana i ke awakea loa.

NĀ ʻŌLELO AKAMAI A SOLOMONA 8:8

“Ma ka pono nā ʻōlelo a pau a koʻu waha; ʻAʻole wahaheʻe, ʻaʻohe mea kekeʻe ma laila.

KA WĀNANA A ʻISAIA 60:1

¶ “E kū i luna, i mālamalama, No ka mea, ua hiki mai kou mālamalama, A ua puka mai nō ka nani o Iēhova ma luna ou.

KA BUKE NO DANIʻELA 6:4

No ia mea, ʻimi nā luna me nā aliʻi i ka hewa i loko o Daniʻela ma nā mea o ke aupuni; ʻaʻole naʻe i loaʻa ka hala a me ka hewa; no ka mea, ua kūpono kāna, ʻaʻole i loaʻa i loko ona kekahi mea kekeʻe a me ka hewa.

KA ʻEUANELIO I KĀKAU ʻIA AI E MATAIO 10:16

¶ “Eia hoʻi, ke hoʻouna aku nei au iā ʻoukou e like me nā hipa ma waena o nā ʻīlio hihiu hae; no ia mea, e maʻalea ʻoukou e like me nā nahesa, e noho mālie hoʻi e like me nā manu nūnū.

KA ʻEUANELIO I KĀKAU ʻIA AI E MATAIO 17:17

ʻŌlelo maila ʻo Iesū, ʻī maila, “E ka hanauna manaʻoʻiʻo ʻole a me ka hewa! Pehea hoʻi ka lōʻihi o koʻu noho pū ʻana me ʻoukou? Pehea hoʻi ka lōʻihi o koʻu hoʻomanawanui ʻana aku iā ʻoukou? E lawe mai iā ia i oʻu nei.”

KA ʻEUANELIO I KĀKAU ʻIA AI E MATAIO 5:45

i lilo ai ʻoukou i poʻe keiki na ko ʻoukou Makua i ka lani, nāna nō i hoʻopuka mai i kona lā ma luna o ka poʻe ʻino a me ka poʻe maikaʻi, nāna hoʻi i hoʻoua mai ma luna o ka poʻe pono a me ka poʻe pono ʻole.

KA ʻEUANELIO I KĀKAU ʻIA AI E MATAIO 5:48

“E hemolele ʻoukou, e like me ka hemolele o ko ʻoukou Makua i loko o ka lani.

KA ʻEUANELIO I KĀKAU ʻIA AI E LUKA 1:6

Ua pono pū lāua i mua o ke Akua, e hele hala ʻole ana ma nā kānāwai a me nā ʻoihana a pau a ka Haku.

KA ʻEUANELIO I KĀKAU ʻIA AI E LUKA 6:35

“Akā, e aloha aku i ko ʻoukou poʻe ʻenemi, e hana maikaʻi aku, a e hāʻawi aku, me ka manaʻo ʻole i ka uku hou ʻia; a laila e nui ka uku no ʻoukou, e lilo hoʻi ʻoukou i mau keiki na ka Mea Kiʻekiʻe Loa; no ka mea, he lokomaikaʻi mai ʻo ia i ka poʻe aloha ʻole, a me ka poʻe hewa.

KA ʻEUANELIO I KĀKAU ʻIA AI E IOANE 5:35

“He kukui ʻaʻā mālamalama ʻo ia; a ʻoliʻoli ihola ʻoukou i kona mālamalama i kekahi manawa.

NĀ ʻOIHANA A KA POʻE LUNAʻŌLELO 2:40

A ma nā ʻōlelo ʻē aʻe he nui loa, hōʻike akula ʻo ia, a nonoi aku hoʻi, ʻī akula, “E hoʻōla ʻoukou iā ʻoukou iho mai waena mai o kēia hanauna kolohe!”

NĀ ʻOIHANA A KA POʻE LUNAʻŌLELO 20:30

“E kū mai nō hoʻi kekahi poʻe kānaka no ʻoukou iho, e ʻōlelo nō i nā mea hoʻopunipuni e hoʻohuli i haumāna ma muli o lākou.

ʻO KA ʻEPISETOLE A PAULO KA LUNAʻŌLELO I KO ROMA 16:19

Ua ʻike ʻia ko ʻoukou hoʻolohe ʻana e nā mea a pau; no ia mea, ke hauʻoli nei au no ʻoukou; a ke makemake nei au e akamai ʻoukou i ka maikaʻi, a e hemahema hoʻi i ka ʻino.

ʻO KA ʻEPISETOLE MUA A PAULO KA LUNAʻŌLELO I KO KORINETO 1:8

nāna nō ʻoukou e hoʻokūpaʻa, a hiki aku i ka hopena, i hewa ʻole ʻoukou i ka lā o ko kākou Haku ʻo Iesū Kristo.

ʻO KA ʻEPISETOLE LUA A PAULO KA LUNAʻŌLELO I KO KORINETO 6:17

No laila, ke ʻī maila ka Haku, “«E puka mai ʻoukou mai waena mai o lākou, i kaʻawale ʻoukou; Mai hoʻopā aku hoʻi i ka mea haumia», a e hoʻokipa mai au iā ʻoukou.

ʻO KA ʻEPISETOLE A PAULO KA LUNAʻŌLELO I KO ʻEPESO 5:27

i hoʻolilo mai ai ʻo ia iā ia nona iho i ʻekalesia nani, ʻaʻole ona wahi paumāʻele, ʻaʻole hoʻi minomino, ʻaʻole hoʻi kekahi mea like; akā, i hemolele ia a me ka hala ʻole.

KA BUKE ʻALIMA A MOSE, I KAPA ʻIA KĀNĀWAI LUA 32:5

“Ua hana ʻino lākou, ʻaʻole noho i keiki nāna; ʻO ia ko lākou kīnā: He hanauna ʻino lākou, a me ka lauwili.

ʻO KA ʻEPISETOLE A PAULO KA LUNAʻŌLELO I KO PILIPI 1:10

i hoʻomaopopo hoʻi ʻoukou i nā mea maikaʻi loa; i ʻoiaʻiʻo ʻoukou, i hihia ʻole hoʻi, a hiki i ka lā o Kristo;

ʻO KA ʻEPISETOLE A PAULO KA LUNAʻŌLELO I KO PILIPI 3:6

No ka manaʻo ikaika, hoʻomaʻau akula au i ka ʻekalesia; a ma ka pono o ke Kānāwai, ʻaʻole oʻu hala.

ʻO KA ʻEPISETOLE MUA A PAULO KA LUNAʻŌLELO I KO TESALONIKE 5:23

¶ A na ke Akua e malu ai e hoʻomaʻemaʻe loa mai iā ʻoukou; a e mālama pono ʻia mai ko ʻoukou naʻau, a me ko ʻoukou ʻuhane, a me ko ʻoukou kino, me ka hala ʻole, a hiki mai ko kākou Haku, ʻo Iesū Kristo.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 3:10

E hōʻoiaʻiʻo mua ʻia hoʻi lākou nei a ʻikea ka hala ʻole; a laila e lawe lākou i ka ʻoihana puʻukū ʻekalesia.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 3:2

Eia ka pono no ke kahuna pule, he hala ʻole, he kāne na ka wahine hoʻokahi, he kiaʻi iā ia iho, he kūoʻo, he akahai, he hoʻokipa, he akamai hoʻi i ke aʻo aku;

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 5:14

ʻO koʻu manaʻo nō ia no nā wāhine ʻōpiopio, e mare lākou, a e hānau keiki, a e hoʻoponopono i ka hale, i loaʻa ʻole ka hala e hōʻino mai ai ka ʻenemi.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 5:20

ʻO ka poʻe hana hewa, ʻo kāu ia e pāpā aku i mua o ke alo o nā mea a pau, i makaʻu mai ai hoʻi ʻo haʻi.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 5:7

ʻO ia mau mea kāu e kauoha aku ai i hala ʻole lākou.

ʻO KA ʻEPISETOLE A PAULO IĀ TITO 1:6

inā i hala ʻole kekahi, he kāne hoʻi na ka wahine hoʻokahi, he mau keiki manaʻoʻiʻo kāna, ʻaʻole i ʻōlelo ʻia no ka ʻuhaʻuha, ʻaʻole hoʻi he kolohe.

ʻO KA ʻEPISETOLE A PAULO IĀ TITO 2:10

ʻaʻole lawe wale; akā, e hōʻike ana i ke kūpono loa, i hoʻomaikaʻi aku ai lākou i ka ʻōlelo a ko kākou Ola a ke Akua ma nā mea a pau.

ʻO KA ʻEPISETOLE A PAULO IĀ TITO 2:15

¶ ʻO kēia mau mea kāu e ʻōlelo aku ai, me ke aʻo aku, a me ka pāpā aku ma ko ka luna pono a pau. Mai hoʻowahāwahā mai kekahi iā ʻoe.

ʻO KA ʻEPISETOLE A PAULO KA LUNAʻŌLELO I KO HEBERA 7:26

¶ ʻO ia ke ʻano o ke kahuna e pono ai kākou, ka mea hemolele, hewa ʻole, maʻemaʻe wale, kaʻawale hoʻi i nā lawehala, a i hoʻokiʻekiʻe ʻia aʻe hoʻi ma luna o nā lani;

ʻO KA ʻEPISETOLE HOʻOLAHA MUA A PETERO 2:12

A e noho pono hoʻi ʻoukou, i waena o ko nā ʻāina ʻē; i hoʻonani aku ai lākou i ke Akua, ke hiki mai ka lā o ka ʻike ʻana mai, no ko lākou ʻike ʻana i kā ʻoukou hana maikaʻi, ma ka mea a lākou e ʻōhumu nei iā ʻoukou, me he poʻe hana hewa lā.

ʻO KA ʻEPISETOLE HOʻOLAHA MUA A PETERO 2:9

Akā, ʻo ʻoukou, «he hanauna i wae ʻia, he poʻe kāhuna aliʻi, he aupuni kanaka hemolele, he poʻe kānaka nona ponoʻī»; i hōʻike aku ai ʻoukou i ka maikaʻi o ka Mea nāna ʻoukou i hea mai, mai loko mai o ka pouli a i ka mālamalama kupanaha ona.

ʻO KA ʻEPISETOLE HOʻOLAHA ʻALUA A PETERO 3:14

¶ No laila, e nā pōkiʻi ē, no ko ʻoukou manaʻo ʻana i kēia mau mea, e hoʻoikaika ʻoukou, i loaʻa ʻoukou iā ia me ka maluhia, a me ke kīnā ʻole, a me ka hala ʻole.

KA HŌʻIKE ʻANA A IOANE KA HAIPULE 2:5

‘No laila, e hoʻomanaʻo ʻoe i kou wahi i hāʻule ai, a e mihi hoʻi, a e hana hoʻi i nā hana mua; a i ʻole, ʻeā, e hele koke aku au i ou lā, a e lawe aku i kou ipukukui, mai kona wahi aku, ke mihi ʻole ʻoe.

KA HŌʻIKE ʻANA A IOANE KA HAIPULE 3:9

‘Aia hoʻi, e hoʻolilo aku au i hale hālāwai o Sātana, i ka poʻe i ʻōlelo iā lākou iho, he poʻe Iudaio, ʻaʻole kā, ua wahaheʻe lākou; e hana aku nō au iā lākou, a e hele mai lākou a e kukuli hoʻomaikaʻi i mua o kou wāwae, a e ʻike auaneʻi lākou, ʻo wau nō kai aloha aku iā ʻoe.