ʻO KA ʻEPISETOLE A PAULO KA LUNAʻŌLELO I KO PILIPI 2:10 - Ka Baibala Hemolele

¹⁰ «i kukuli iho nā kuli a pau» i ka inoa ʻo Iesū, ʻo nā mea o ka lani, a me nā mea ma ka honua, a me nā mea ma lalo aʻe o ka honua;

ʻO KA ʻEPISETOLE A PAULO KA LUNAʻŌLELO I KO PILIPI 2:10 Cross References

KA BUKE MUA A MOSE, I KAPA ʻIA KINOHI 41:43

Hoʻoholoholo ihola ʻo ia iā ia ma ka lua o ke kaʻa ona, hea maila lākou i mua ona, “E kukuli iho!” Hoʻonoho akula ʻo ia iā ia ma luna o ka ʻāina a pau o ʻAigupita.

KA BUKE O NĀ HALELŪ 95:6

¶ E hele mai kākou, e kūlou hoʻomana, a e moe hoʻi; A e kukuli iho i mua o Iēhova nāna kākou i hana.

KA ʻEUANELIO I KĀKAU ʻIA AI E MATAIO 12:40

“E like me «Iona ʻekolu lā ʻekolu pō i loko o ka ʻōpū o ka iʻa nui», pēlā auaneʻi ke Keiki a ke Kanaka, ʻekolu lā ʻekolu pō i loko o ka ʻōpū o ka honua.

KA ʻEUANELIO I KĀKAU ʻIA AI E MATAIO 27:29

Ulana ihola lākou i lei aliʻi kākalaioa, a kau akula ia ma luna o kona poʻo, a me ka ʻohe ma kona lima ʻākau; kukuli ihola i mua ona, hoʻomāʻewaʻewa akula lākou iā ia, ʻī akula, “Aloha ʻoe, e ke Aliʻi o ka poʻe Iudaio!”

KA ʻEUANELIO I KĀKAU ʻIA AI E MATAIO 28:18

Hele maila ʻo Iesū, ʻōlelo maila iā lākou, ʻī maila, “Ua hāʻawi ʻia mai iaʻu ka mana a pau ma ka lani a ma ka honua nei.

ʻO KA ʻEPISETOLE A PAULO KA LUNAʻŌLELO I KO ROMA 11:4

A pehea mai kā ke Akua ʻōlelo iā ia? “«Ua hoʻāna ʻē au» noʻu «i ʻehiku tausani kānaka ʻaʻole i kukuli iho iā Baʻala».”

ʻO KA ʻEPISETOLE A PAULO KA LUNAʻŌLELO I KO ʻEPESO 1:10

i ke aupuni o kēia manawa hope, e hōʻuluʻulu i nā mea a pau ma kahi hoʻokahi i loko o Kristo, i nā mea o ka lani a me nā mea o ka honua, i loko ona.

ʻO KA ʻEPISETOLE A PAULO KA LUNAʻŌLELO I KO ʻEPESO 3:14

¶ No kēia mea, ke kukuli nei nō au i mua o ka Makua o ko kākou Haku ʻo Iesū Kristo,

ʻO KA ʻEPISETOLE A PAULO KA LUNAʻŌLELO I KO ʻEPESO 4:9

(A ʻo kēia, “Ua piʻi akula ia i luna,” he aha anei ia mea, i ʻole kēlā i iho aʻe ma mua i nā wahi ma lalo aʻe o ka honua?

ʻO KA ʻEPISETOLE A PAULO KA LUNAʻŌLELO I KO HEBERA 1:6

Eia hou hoʻi, i kona hoʻokomo ʻana i ka makahiapo i ke ao nei, ʻī ihola ia, “«E hoʻomana mai ka poʻe ʻānela a pau o ke Akua iā ia».”

KA HŌʻIKE ʻANA A IOANE KA HAIPULE 20:13

Hāʻawi maila ke kai i ka poʻe make ma loko ona; a hāʻawi mai ka Make a me ka Pō i ka poʻe make i loko o lāua; a hoʻopaʻi ʻia kēlā mea kēia mea o lākou, e like me kā lākou hana ʻana.

KA HŌʻIKE ʻANA A IOANE KA HAIPULE 4:10

a laila, moe ihola ka poʻe lunakahiko he iwakāluakumamāhā, i mua o ka Mea e noho ana ma ka noho aliʻi, a hoʻomana akula i ka Mea e ola mau ana ia ao aku, ia ao aku; a hoʻolei nō hoʻi i ko lākou mau lei aliʻi i mua o ka noho aliʻi, me ka ʻī ʻana aʻe,

KA HŌʻIKE ʻANA A IOANE KA HAIPULE 5:3

ʻAʻole ma ka lani, ʻaʻole ma ka honua, ʻaʻole hoʻi ma lalo iho o ka honua, ka mea i hiki iā ia ke wehe i ua buke nei, ʻaʻole hoʻi ke nānā aku iā ia.