ʻO KA ʻEPISETOLE A PAULO KA LUNAʻŌLELO I KO PILIPI 1:27 - Ka Baibala Hemolele

²⁷ ¶ E hana wale ʻoukou ma ka pono o ka ʻeuanelio a Kristo; a inā paha e hele aku au e ʻike iā ʻoukou, inā paha hoʻi ma kahi ʻē e lohe auaneʻi au i kā ʻoukou mau mea, e ʻike nō ua kūpaʻa ʻoukou ma ka ʻuhane hoʻokahi, me ka manaʻo hoʻokahi, a me ka hoʻoikaika pū ʻana i ka manaʻoʻiʻo o ka ʻeuanelio;

ʻO KA ʻEPISETOLE A PAULO KA LUNAʻŌLELO I KO PILIPI 1:27 Cross References

KA BUKE MUA O KA ʻOIHANA ALIʻI 19:12

ʻĪ akula ʻo ia, “Inā e ʻoi aku ka ikaika o ko Suria i koʻu, a laila e kōkua mai ʻoe iaʻu; akā, inā e ʻoi aku ka ikaika o nā mamo a ʻAmona i kou, a laila au e kōkua aku iā ʻoe.

KA BUKE O NĀ HALELŪ 122:3

Ua hoʻonohonoho ʻia ʻo Ierusalema, E like me ke kūlanakauhale i kāpili ʻia.

KA BUKE O NĀ HALELŪ 133:1

¶ Aia hoʻi, nani ka maikaʻi a me ka ʻoluʻolu, ʻO ka noho lōkahi pū ʻana o nā hoahānau!

NĀ ʻŌLELO AKAMAI A SOLOMONA 22:23

No ka mea, na Iēhova e hoʻoponopono no lākou, E hao mai ʻo ia i ka ʻuhane o ka poʻe i hao aku iā lākou.

KA WĀNANA A IEREMIA 32:39

“A e hāʻawi aku nō wau iā lākou i hoʻokahi naʻau, a i hoʻokahi ʻaoʻao, i makaʻu mau lākou iaʻu, i mea e pono ai lākou, a me kā lākou poʻe keiki ma hope iho o lākou.

KA ʻEUANELIO I KĀKAU ʻIA AI E MATAIO 12:25

ʻIke aʻela ʻo Iesū i ko lākou manaʻo ʻana, ʻī akula iā lākou, “ʻO ke aupuni i mokuāhana iā ia iho, e pau ia, a ʻo ke kūlanakauhale a ʻo ka poʻe ʻohana i mokuāhana iā ia iho, ʻaʻole ia e mau.

NĀ ʻOIHANA A KA POʻE LUNAʻŌLELO 2:46

Hoʻomau lākou ma loko o ka luakini, i kēlā lā i kēia lā, me ka manaʻo hoʻokahi, a me ka wāwahi berena ʻana i kēlā hale i kēia hale, a ʻai ihola lākou i ka ʻai me ka ʻoliʻoli, a me ke akahai o ka naʻau,

NĀ ʻOIHANA A KA POʻE LUNAʻŌLELO 24:24

¶ A hala kekahi mau lā, hiki maila ʻo Pelika me kāna wahine, ʻo Derausila, he Iudaio nō ia, kiʻi akula kēlā iā Paulo, hoʻolohe akula iā ia no ka manaʻoʻiʻo i loko o Kristo.

NĀ ʻOIHANA A KA POʻE LUNAʻŌLELO 4:32

¶ A ʻo ka poʻe o lākou i manaʻoʻiʻo aku, hoʻokahi o lākou naʻau, hoʻokahi hoʻi manaʻo; ʻaʻole hoʻi i ʻōlelo kekahi, nona wale nō kekahi waiwai āna i mālama ai; no ka mea, hui pū ʻia ko lākou mea a pau.

ʻO KA ʻEPISETOLE A PAULO KA LUNAʻŌLELO I KO ROMA 1:16

¶ No ka mea, ʻaʻole au i hilahila i ka ʻeuanelio no Kristo; no ka mea, ʻo ko ke Akua mana ia e ola ai, no kēlā mea, no kēia mea manaʻoʻiʻo; no kā Iudaio mua, a no kā Helene hoʻi.

ʻO KA ʻEPISETOLE A PAULO KA LUNAʻŌLELO I KO ROMA 1:5

ma ona lā i loaʻa mai ai iā mākou ke aloha, a me ka lunaʻōlelo ʻana, no ka mālama ʻana o ka manaʻoʻiʻo i waena o nā lāhui kanaka a pau no kona inoa;

ʻO KA ʻEPISETOLE A PAULO KA LUNAʻŌLELO I KO ROMA 1:9

ʻO ke Akua, ʻo kaʻu mea e mālama nei me kuʻu ʻuhane ma ka ʻōlelo maikaʻi no kāna Keiki, ʻo ia ka mea ʻike noʻu, i koʻu hoʻomanaʻo mau ʻana iā ʻoukou, ma kaʻu pule,

ʻO KA ʻEPISETOLE A PAULO KA LUNAʻŌLELO I KO ROMA 10:8

He aha hoʻi kāna i ʻōlelo mai nei? “«Ua kokoke i ou lā ka ʻōlelo, aia i loko o kou waha a me kou naʻau».” ʻO ia ka ʻōlelo a ka manaʻoʻiʻo a kākou e haʻi aku nei;

ʻO KA ʻEPISETOLE A PAULO KA LUNAʻŌLELO I KO ROMA 15:16

i lilo au i lawehana o Iesū Kristo no nā lāhui kanaka, e hana ana i ka ʻoihana kahuna, ma ka ʻeuanelio a ke Akua, i lilo nā lāhui kanaka i ʻālana pono i huikala ʻia e ka ʻUhane Hemolele.

ʻO KA ʻEPISETOLE A PAULO KA LUNAʻŌLELO I KO ROMA 15:29

Ua ʻike nō hoʻi au, i koʻu hele ʻana i o ʻoukou lā, e hele nō wau me ka pono nui o ka ʻeuanelio a Kristo.

ʻO KA ʻEPISETOLE MUA A PAULO KA LUNAʻŌLELO I KO KORINETO 1:10

¶ Ke noi aku nei au iā ʻoukou, e nā hoahānau, ma ka inoa o ko kākou Haku ʻo Iesū Kristo, i ʻōlelo ʻoukou a pau i ka mea hoʻokahi, i ʻole ʻoukou e mokuāhana; a i pili pū ʻoukou me ka naʻau hoʻokahi, a me ka lōkahi o ka manaʻo.

ʻO KA ʻEPISETOLE MUA A PAULO KA LUNAʻŌLELO I KO KORINETO 15:58

No ia mea, e nā hoahānau, e kūpaʻa ʻoukou, me ka nāueue ʻole, me ka hoʻomau i kā ʻoukou hana nui ʻana i ka hana a ka Haku; no ka mea, ua ʻike nō ʻoukou, ʻaʻole i makehewa kā ʻoukou hana ʻana ma ka Haku.

ʻO KA ʻEPISETOLE LUA A PAULO KA LUNAʻŌLELO I KO KORINETO 13:11

¶ Eia ke oki, e nā hoahānau, aloha ʻoukou; i hemolele ʻoukou, i ʻoluʻolu hoʻi, i hoʻokahi ko ʻoukou manaʻo, e noho ʻoukou me ke kuʻikahi; a ʻo ke Akua nona ke aloha a me ke kuʻikahi e noho pū me ʻoukou.

ʻO KA ʻEPISETOLE LUA A PAULO KA LUNAʻŌLELO I KO KORINETO 4:4

Ma o lākou lā, ua hoʻomakapō mai ko kēia ao akua i nā naʻau o ka poʻe hoʻomaloka, o akāka mai auaneʻi iā lākou ka mālamalama o ka ʻeuanelio nani a Kristo; ʻo ia ko ke Akua mea like.

ʻO KA ʻEPISETOLE LUA A PAULO KA LUNAʻŌLELO I KO KORINETO 9:13

No ka ʻike maopopo ʻana i kēia lokomaikaʻi, e hoʻonani aku lākou i ke Akua no ko ʻoukou hoʻā ʻia ʻana e hoʻolohe i ka ʻeuanelio a Kristo, a no ka lokomaikaʻi hoʻi o ka makana iā lākou, a i nā mea a pau;

ʻO KA ʻEPISETOLE A PAULO KA LUNAʻŌLELO I KO GALATIA 1:7

ʻaʻole hoʻi he ʻeuanelio ʻokoʻa ia; akā, ke hoʻohihia nei kekahi poʻe iā ʻoukou, me ka manaʻo e hoʻokahuli i ka ʻeuanelio a Kristo.

ʻO KA ʻEPISETOLE A PAULO KA LUNAʻŌLELO I KO ʻEPESO 1:13

ʻO ʻoukou hoʻi kekahi i manaʻo iā ia, i ko ʻoukou hoʻolohe ʻana i ka ʻōlelo o ka ʻoiaʻiʻo, i ka ʻeuanelio e ola ai ʻoukou; a i ko ʻoukou manaʻoʻiʻo ʻana iā ia, ua hōʻailona ʻia ʻoukou e ka ʻUhane Hemolele i ʻōlelo ʻē ʻia mai;

ʻO KA ʻEPISETOLE A PAULO KA LUNAʻŌLELO I KO ʻEPESO 1:15

¶ No laila hoʻi, i kuʻu lohe ʻana aku i ko ʻoukou manaʻoʻiʻo i ka Haku iā Iesū, a me ke aloha i nā haipule a pau,

ʻO KA ʻEPISETOLE A PAULO KA LUNAʻŌLELO I KO ʻEPESO 4:1

¶ No ia mea, ʻo wau ka paʻahao no ka Haku, ke nonoi aku nei iā ʻoukou, e hele ʻoukou ma ka mea e kū i ke koho ʻana a ʻoukou i koho ʻia mai ai.

ʻO KA ʻEPISETOLE A PAULO KA LUNAʻŌLELO I KO PILIPI 1:5

no ko ʻoukou hoʻolauna ʻana i ka ʻeuanelio, mai ka lā mua mai, a i nēia wā.

ʻO KA ʻEPISETOLE A PAULO KA LUNAʻŌLELO I KO PILIPI 2:12

¶ No ia mea, e oʻu poʻe aloha, me ʻoukou i hoʻolohe mau ai, ʻaʻole wale nō iaʻu i noho ai me ʻoukou; akā hoʻi, ua nui aku i nēia wā e noho nei au i kahi ʻē, e hoʻoikaika aku ʻoukou i ke ola no ʻoukou iho, me ka makaʻu a me ka haʻalulu;

ʻO KA ʻEPISETOLE A PAULO KA LUNAʻŌLELO I KO PILIPI 2:24

Ua maopopo hoʻi kuʻu manaʻo ma ka Haku, e hiki koke aku hoʻi au i o ʻoukou lā.

ʻO KA ʻEPISETOLE A PAULO KA LUNAʻŌLELO I KO PILIPI 3:18

(No ka mea, he nui nō ka poʻe e hele ana, aʻu i haʻi pinepine aku ai iā ʻoukou, a ʻānō hoʻi ke haʻi aku nei au me ka uē ʻana, he poʻe ʻenemi lākou i ke keʻa o Kristo;

ʻO KA ʻEPISETOLE A PAULO KA LUNAʻŌLELO I KO PILIPI 3:20

Akā, ʻo ko kākou noho ʻana, aia nō ia ma ka lani; ke kali nei hoʻi kākou i ka Mea Hoʻōla, ʻo ia ka Haku Iesū Kristo no laila mai;

ʻO KA ʻEPISETOLE A PAULO KA LUNAʻŌLELO I KO PILIPI 4:1

¶ No laila hoʻi, e nā hoahānau oʻu i aloha ʻia, a i makemake nui ʻia, ʻo kuʻu ʻoliʻoli a me kuʻu lei aliʻi; pēlā e kūpaʻa ai ʻoukou i loko o ka Haku, e nā mea i aloha ʻia.

ʻO KA ʻEPISETOLE A PAULO KA LUNAʻŌLELO I KO KOLOSA 1:10

i hele ʻoukou ma ka pono o ka Haku, i nā mea a pau i ʻoluʻolu ʻia mai ai, e hua mai ana i ka hua ma nā hana maikaʻi a pau, me ka māhuahua ʻana aʻe o ka ʻike ʻana i ke Akua.

ʻO KA ʻEPISETOLE A PAULO KA LUNAʻŌLELO I KO KOLOSA 1:4

ua lohe māua i ko ʻoukou manaʻoʻiʻo ʻana iā Kristo Iesū, a me ko ʻoukou aloha ʻana i nā haipule a pau,

ʻO KA ʻEPISETOLE MUA A PAULO KA LUNAʻŌLELO I KO TESALONIKE 3:6

Akā, i ka hoʻi ʻana mai nei o Timoteo mai o ʻoukou mai i o mākou nei, me ka hōʻike leʻa mai iā mākou i ka pono o ko ʻoukou manaʻoʻiʻo ʻana me ke aloha, a i ko ʻoukou manaʻo maikaʻi mau ʻana mai iā mākou, e ake ana e ʻike iā mākou, e like hoʻi me mākou iā ʻoukou;

ʻO KA ʻEPISETOLE MUA A PAULO KA LUNAʻŌLELO I KO TESALONIKE 4:1

¶ Eia hou nēia, e nā hoahānau, ke nonoi aku nei mākou me ka hoʻoikaika aku iā ʻoukou ma o Iesū Kristo lā, e like me ka pono a ʻoukou i lohe mai ai iā mākou e hele ai ʻoukou, a e hōʻoluʻolu ai i ke Akua, pēlā hoʻi ʻoukou e hoʻomāhuahua mau aku ai.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 1:11

ma muli o ka ʻeuanelio nani, a ke Akua pōmaikaʻi, i kauoha ʻia mai ai iaʻu.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 1:19

e hoʻomau ana i ka paulele a me ka manaʻo maikaʻi, i ka mea a kekahi poʻe i haʻalele ai, a ili ihola nāhāhā ka manaʻoʻiʻo.

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 4:7

Ua paio aku au i ka paio maikaʻi, ua hoʻopau aʻe nei au i ka holo ʻana, ua hoʻopaʻa nō hoʻi au i ka manaʻoʻiʻo;

ʻO KA ʻEPISETOLE A PAULO IĀ TITO 2:10

ʻaʻole lawe wale; akā, e hōʻike ana i ke kūpono loa, i hoʻomaikaʻi aku ai lākou i ka ʻōlelo a ko kākou Ola a ke Akua ma nā mea a pau.

ʻO KA ʻEPISETOLE A PAULO IĀ PILEMONA 1:5

i koʻu lohe ʻana aku i kou aloha a me kou manaʻoʻiʻo i ka Haku iā Iesū, a i ka poʻe haipule a pau;

ʻO KA ʻEPISETOLE HOʻOLAHA A IAKOBO 3:18

A ʻo ka hua o ka pono ua lūlū ʻia me ke kuʻikahi e ka poʻe e hana ana ma ke kuʻikahi.

ʻO KA ʻEPISETOLE HOʻOLAHA ʻALUA A PETERO 3:11

A no ka lilo ʻana o kēia mau mea a pau, he aha ke ʻano pono no ʻoukou e noho hemolele ana, a me ka haipule,

ʻO KA ʻEPISETOLE HOʻOLAHA ʻALUA A PETERO 3:14

¶ No laila, e nā pōkiʻi ē, no ko ʻoukou manaʻo ʻana i kēia mau mea, e hoʻoikaika ʻoukou, i loaʻa ʻoukou iā ia me ka maluhia, a me ke kīnā ʻole, a me ka hala ʻole.

ʻO KA ʻEPISETOLE HOʻOLAHA A IUDA 1:3

¶ E nā punahele, i ka wā aʻu i hoʻoikaika ai e palapala aku iā ʻoukou i ke ola nui, he mea pono iaʻu ke palapala aku me ka nonoi iā ʻoukou, e hoʻoikaika nui ʻoukou no ka manaʻoʻiʻo i hāʻawi mua ʻia mai na ka poʻe haipule.