Псалтыр 127:3 - Коми Библия 2023

³ Тэнад керкаын гӧтырыд лоӧ вотӧс вайысь виноград пу кодь. Пызан сайын тэнад пияныд лоӧны олив пулӧн вожъяс кодьӧсь.

Псалтыр 127:3 Cross References

Олӧм 1:28

Ен бурсиис найӧс шуалӧмӧн: «Чужтысьӧй-рӧдмӧй, овмӧдӧй мусӧ да видзӧй сійӧс, ыджыдалӧй саридзса черияс да енэжвыв лэбачьяс вылын, [мувыв пемӧсъяс вылын, став муыс да] му вылас став котралысь-веглясьысь вылын».

Олӧм 24:60

Ревеккаӧс бурсиисны татшӧм кывъясӧн: «Чойӧ, мед чужасны тэсянь сюрсъяс! Тэсянь чужысьяс мед босьтасны найӧс мустӧмтысьяслысь каръяссӧ!»

Олӧм 33:5

Аньясӧс да челядьӧс аддзӧм бӧрын Исав юаліс: «Кодъяс тайӧ тэнад?» Яков вочавидзис: «Менам челядьӧй, кодъясӧс Ен сетіс меным, тэнад кесйӧглы».

Олӧм 4:1

Адам узис Ева гӧтырыскӧд. Ева кынӧмасис, чужтіс Каинӧс да шуис: «Господь сетіс чужтыны меным пиӧс».

Олӧм 48:4

Сійӧ шуис: ”Ме сета тэныд уна чужысьӧс. Тэ лоан войтыръяслы батьӧн. Тэсянь чужысьяслы Ме сета тайӧ мусӧ нэмъяс кежлӧ”.

Ӧксыяслӧн 2 небӧг 3:5

Квайтӧд писӧ, Итрамӧс, чужтіс Давидлӧн Эгла нима гӧтырыс. Тайӧ пияныс Давидлӧн чужисны Хевронын.

1 Каднебӧг 28:5

Господь сетіс меным уна пи, но став пиян пӧвстысь Сійӧ бӧрйис Соломонӧс, медым сійӧ пукаліс Господьлӧн юралан пуклӧсын да веськӧдліс Израиль войтырӧн.

1 Каднебӧг 8:40

Уламлӧн пияныс вӧліны вына тышкасьысьяс, найӧ бура лыйсисны ньӧввужйысь. Налӧн вӧлі уна пи да пияныслӧн пи – сё ветымын морт. Ставныс найӧ вӧліны Венямин чужанкотырысь.

Иов 1:2

Сылӧн вӧлі сизим пи да куим ныв.

Исай 13:18

Том зонъясӧс найӧ лыйласны ньӧввужйысь, кагаясӧс найӧ оз жалитны, челядь дінӧ оз бурсьӧлӧмтчыны.

Исай 8:18

Со, ме да ныв-пи, кодъясӧс сетіс меным Господь, ми – Израильлы пас. Господь Саваоф, Сион керӧс вылын Олысь, водзвыв мӧдӧдіс тайӧ пассӧ Израильлы.

Индӧд 28:11

Господь [тіян Енныд] быдторйын озырмӧдас тіянӧс. Тіян лоӧ уна ныв-пи, ыж-мӧс да мувыв быдтас-вотӧс сійӧ муас, мый Господь батьясныдлы кыв сетӧмӧн кӧсйысис сетны тіянлы.

Индӧд 28:4

Бурсиӧма тэнсьыд ныв-питӧ, мувыв быдтас-вотӧстӧ, мӧсъясыдлысь куканьяссӧ да ыжъясыдлысь баляяссӧ.

Ёрдысьяс 12:9

Сылӧн вӧлі комын пи да комын ныв. Комыннан нывсӧ сійӧ сетіс верӧс сайӧ эз аслас рӧдысь айуловлы, и аслас пиянлы гӧтырӧ босьтіс комын нылӧс эз аслас рӧдысь. Израиль войтырлы ёрдысьӧн Ивсан вӧлі сизим во.

Ӧксыяслӧн 1 небӧг 1:27

Тайӧ кагасӧ ме сэки кори Господьлысь, и Господь сетіс сійӧс меным.