Псалтыр 1:1 - Коми Библия 2023

¹ Шуда сійӧ, коді оз ов лёк вӧчысь моз, оз ветлы мыжаяслӧн туйӧд, оз пукав Енсӧ омӧльтысьяслӧн чукӧрын.

Псалтыр 1:1 Cross References

Олӧм 49:6

Менам сьӧлӧмӧй оз йитчы накӧд, ог кӧсйы лоны налӧн чукӧрас, ӧд скӧрйывсьыс найӧ виисны мортӧс, тешитчигмоз вундалісны ӧшлысь сӧнъяссӧ.

Олӧм 5:24

Енок кывзысис Енлысь став олӧм чӧжыс. Сэсся сійӧ эз ло, ӧд Енмыс босьтіс сійӧс Ас дінас.

Ӧксыяслӧн 3 небӧг 16:31

Сійӧ вӧчис сійӧ жӧ мыжъяссӧ, мый вӧчліс Неватлӧн Еровам пиыс. Но тайӧ вӧлі этша на. Сійӧ босьтіс гӧтырӧ сидонса Этваал ӧксылысь Езавель нывсӧ да кутіс кесъявны-юрбитны Вааллы.

2 Каднебӧг 22:3

Ахазий ветліс Ахав рӧдлӧн туйӧд, ӧд сылӧн мамыс веськӧдіс сійӧс лёкас.

Иов 10:3

Тэныд ӧмӧй нимкодь дзескӧдны менӧ, ӧтдортны Ассьыд вӧчӧмтортӧ, а лёк йӧзлысь туйсӧ югдӧдны?

Иов 21:16

Лёк йӧзлӧн шудыс абу асланыс киын. Лёк вӧчысьлӧн мӧвпъясыс мед ылыстчасны ме дінысь!

Иов 31:5

Но ме кӧ олі ылӧдчӧмӧн, менам кокӧй кӧ тэрмасис пӧръясьны,

Псалтыр 1:6

Господь тӧдӧ веськыда олысьяслысь туйсӧ, а лёк вӧчысьяслӧн туйыс нуӧдӧ кулӧмӧ.

Псалтыр 106:3

чукӧртіс быд му пельӧсысь: асыввылысь и рытыввылысь, войвылысь и саридз дорысь.

Псалтыр 112:1

Аллилуйя! Господьлӧн кесйӧгъяс, ошкӧй Господьлысь нимсӧ!

Псалтыр 144:15

Господьӧй, ставныс видзӧдӧны Тэ вылӧ лача кутӧмӧн, Тэ сетан налы сёянсӧ ас кадӧ.

Псалтыр 146:5

Миян Господьным ыджыд да вына, Сылӧн мывкыдлуныс пыдӧстӧм.

Псалтыр 146:9

Сійӧ пӧткӧдӧ ыж-мӧскӧс, вердӧ кравзысь кырныш пиянӧс.

Псалтыр 2:12

Вылӧ пуктӧй Писӧ, медым Сійӧ эз скӧрмы, и медым ті энӧ кулӧй туй выланыд, ӧд Сылӧн скӧрлуныс регыд нин ыпнитас. Шудаӧсь Сы вылӧ лача кутысьяс.

Псалтыр 26:12

Эн сет менӧ налӧн киӧ, ӧд найӧ ылӧг висьталӧны ме йылысь, кӧсйӧны вины-дзескӧдны менӧ.

Псалтыр 34:8

Найӧс мед тӧдлытӧг суас бырӧдӧмыс, найӧ мед асьныс шедасны меным пуктӧм налькйӧ, усясны асланыс гуӧ.

Псалтыр 36:4

Бурмӧд сьӧлӧмтӧ Господьӧн, и Сійӧ збыльмӧдас тэнсьыд сьӧлӧм кӧсйӧмтӧ.

Псалтыр 64:2

Енмӧй, Тэнӧ ошкӧны Сионын, вайӧны Тэныд кыв сетан висьяс [Ерусалимын].

Псалтыр 84:12

Збыльыс кыпӧдчӧ мусянь, веськыдлуныс видзӧдӧ енэжсянь.

Шусьӧгъяс 1:15

Пиӧй, эн мун накӧд, налӧн туй вылӧ весиг кок пӧвнад эн тувччы.

Шусьӧгъяс 1:22

«Дыр-ӧ на ті, мывкыдтӧмъяс, кутанныд овны мывкыдтӧма, ті, омӧльтысьяс, – омӧльтны мывкыдлунсӧ, а ті, вежӧртӧмъяс, – мустӧмтны тӧдӧмлунсӧ?

Шусьӧгъяс 13:15

Мывкыд мортлӧн туйдӧдӧмыс вайӧ олӧм, ылыстӧ кулӧмыслӧн тывйысь.

Шусьӧгъяс 13:20

Кӧсйӧмыд кор збыльмӧ, сьӧлӧмыд нимкодясьӧ, вежӧртӧм оз кӧсйы эновтны лёксӧ.

Шусьӧгъяс 19:29

Мывкыдлунсӧ омӧльтысьӧс мыждӧм виччысьӧ, мывкыдтӧмлысь мышкусӧ – орс.

Шусьӧгъяс 2:12

Мывкыдлуныс мездас тэнӧ лёк туйысь, видзас тэнӧ ылӧг вома мортысь,

Шусьӧгъяс 3:34

Омӧльтысьясӧс Господь омӧльтӧ, а рамъяс дінӧ Сійӧ буралӧ.

Шусьӧгъяс 4:19

Лёк вӧчысьлӧн туйыс – пемыдсьыс-пемыд, сійӧ оз тӧд кытчӧ крукасяс.

Шусьӧгъяс 9:12

[Пиӧй!] Тэ кӧ мывкыд морт, тэныд [да матыссаыдлы] таысь бур, мывкыдлунсӧ кӧ омӧльтан, ачыд сьӧкыдсӧ нуан. [Ылӧдчысьлӧн сёрниыс – тӧв пӧльыштӧм кодь, лэбач бӧрся вӧтлысьӧм кодь, ӧд сійӧ эновтӧ виноград йӧрӧ нуӧдан туйсӧ, вошӧ да ассьыс видз-мусӧ оз аддзы. Сійӧ ватӧм овтӧминті ветлӧ, косьмӧм муяс вуджӧ, абутӧмторсӧ чукӧртӧ.]

Еремей 15:17

Ме эг пукавлы сералысьяслӧн чукӧртчанінын, эг гажӧдчыв накӧд ӧтвыв. Ме пукавлі ӧтнамӧн, ӧд Тэнад киыд личкис менӧ, Тэ тыртін менӧ скӧрлунӧн.

Еремей 17:7

Бурсиӧма сійӧ мортсӧ, коді лача кутӧ Господь вылӧ, кодлӧн мыджӧдыс – Господь.

Езекиль 20:18

Овтӧминын Ме шуи налӧн ныв-пилы: батьясныдлӧн кок туйӧд энӧ мунӧй, налӧн тшӧктӧмъяс серти энӧ олӧй да налӧн идолъясӧн асьнытӧ энӧ пежалӧй.

Матвей 16:17

Исус шуис Петырлы: «Тэ шуда, Симон, Ионалӧн пи. Ӧд тайӧс тэныд эз морт висьтав, но Менам енэжвыв Батьӧй восьтіс тэныд.

Лука 11:28

Исус шуис: «Шудаӧсь Енлысь кывсӧ кылысьяс да Ен кыв серти олысьяс!»

Иоан 13:17

Тайӧс кӧ тӧданныд да та серти оланныд, ті шудаӧсь.

Иоан 20:29

Исус шуис сылы: «Тэ эскан, Менӧ аддзылін да. Шудаӧсь найӧ, кодъяс оз аддзыны, но эскӧны!»

Римӧ 5:2

Эскӧм пыр Кристос восьтіс миянлы Енлӧн буралӧмӧ ӧдзӧссӧ. Буралӧмас олігӧн ми лача кутӧмӧн нимкодясям, ӧд лоам Енлӧн дзирдлунас.

Ефесӧ 6:13

Та вӧсна босьтӧй Енсянь став вермасянторсӧ, медым тышкасиганыд верминныд водзсасьны лёкыслы паныд да петны вермысьясӧн.

Индӧд 14:6

Пемӧсӧс, кодлӧн гыжйыс вожа да коді рӧмидзтӧ, позьӧ сёйны.

Индӧд 33:29

Израиль, тэ шуда, тэ кодь мӧд войтырыс абу, тэ – Господьӧн мездӧм войтыр. Сійӧ – сайӧдыс, мый видзӧ тэнӧ, шыпуртыс, мый тышын вермӧ. Вӧрӧгыд кутас леститчыны тэ водзын, а тэ кокнад сы вылӧ тувччан.

1 Петыр 4:3

Водзынсӧ ті вӧчинныд ентӧдтӧмъяс моз: олінныд лэдзчысьӧмӧн да лёк кӧсйӧмныд серти, кырсалінныд, кодалінныд-гажӧдчинныд да юрбитінныд зывӧк идолъяслы. Пӧттӧдз нин тіян тадзисӧ олӧма.

Восьтӧм 22:14

Шудаӧсь найӧ, кодъяс олӧны Енлӧн тшӧктӧм серти, ӧд Енмыс сетас налы пӧткӧдчыны Олӧмыслӧн пуысь да пырны тайӧ карас дзиръяӧдыс.