Наум 2:1 - Коми Библия 2023

¹ Ниневия кар, тэныд паныд кыпӧдчӧ жугӧдысь-пазӧдысь. Видз изкартӧ да туйтӧ, дасьтысь тыш кежлӧ, ёнмӧд асьтӧ!

Наум 2:1 Cross References

2 Каднебӧг 25:8

Мун да тышкась повтӧг! А мунан кӧ израильсаяскӧд, Енмыс пасьвартас тэнӧ вӧрӧг водзад, ӧд Енмыслӧн эм вын отсавны и уськӧдны».

Псалтыр 50:14

Сет меным бара нимкодясьны мездмӧмысь, вына Ловнад ёнмӧд менӧ.

Псалтыр 65:2

Сьылӧмӧн ошкӧй Сылысь нимсӧ, кыпӧдӧй Сылы ошкӧмсӧ да нимӧдӧмсӧ.

Исай 14:6

Тайӧ бедьнас найӧ лёкысь нӧйтісны войтыръясӧс, дугдывтӧг вачкалісны найӧс, скӧрлунӧн ыджыдалісны на вылын, нем жалиттӧг дзескӧдісны найӧс.

Исай 29:7

Войся вӧтын моз уна лыда войтыр петасны тышӧ Ариэллы паныд, уськӧдчасны сы вылӧ, топӧдасны сійӧс да босьтасны сылысь изкарсӧ.

Исай 29:8

Кыдзи тшыг морт вӧтасьӧ, мый сійӧ сёйӧ, но садьмӧм бӧрас сійӧ пыр на тшыг, кыдзи юны кӧсйысь вӧтасьӧ, мый сійӧ юӧ, но садьмӧм бӧрас сійӧ вынтӧм – сылӧн горшыс пыр на косьмӧ, тадзи жӧ лоӧ уна лыда войтыркӧд, кодъяс тышкасьӧны Сион керӧслы паныд.

Исай 52:7

Кутшӧм шензьӧданаӧсь кокъясыс сылӧн, коді керӧсъяс вывті нуӧ бур юӧр, юӧртӧ лӧнь олӧм йылысь, вайӧ нимкодь юӧр, висьталӧ мездмӧм йылысь, Сионлы шуӧ: «Тэнад Енмыд ӧксыалӧ!»

Еремей 25:9

Ме чукӧста войвылысь став войтыръяссӧ да мӧдӧда найӧс вавилонса Навукодоносор ӧксы дінӧ, Аслам кесйӧг дінӧ, – висьталӧ Господь. – Ме вайӧда найӧс татчӧ, медым найӧ уськӧдчасны Иуда му вылӧ да иудаса олысьяс вылӧ, тшӧтш орччӧн олысь войтыръяс вылӧ. Ме дзикӧдз бырӧда тіянӧс да тіянкӧд орччӧн олысь войтыръясӧс, пыр кежлӧ вӧча тайӧ муяссӧ овтӧминӧн, тані олысьясӧс – повзьӧдчанторйӧн.

Еремей 50:23

Став мусӧ пазӧдысь мӧлӧтӧс жугӧдӧма-чегӧма! Вавилон лои повзьӧдчанторйӧн войтыръяс пӧвстын.