Микей 7:3 - Коми Библия 2023

³ Налӧн киныс кыптӧ лёк вӧчны, найӧ кужӧмӧн лёксӧ вӧчӧны. Веськӧдлысь козин корӧ, ёрдысь сьӧм босьтӧ, юралысь аслас лёк кӧсйӧмъяс йылысь сёрнитӧ. Найӧ ставныс збыльсӧ гугӧдӧны.

Микей 7:3 Cross References

Шусьӧгъяс 16:30

Синсӧ читкыралысь гусьӧн пурны мӧвпалӧ, пиньсӧ йирысь лёксӧ вӧчны лӧсьӧдчӧ. [Сійӧ пушкӧ лӧглунӧн.]

Шусьӧгъяс 17:23

Ентӧг олысь гусьӧн козинтӧ босьтӧ, медым торкны веськыда мыждӧмсӧ.

Исай 1:23

Тэнад юралысьясыд – Индӧд торкысьяс, найӧ ӧтувтчӧны гусясьысьяскӧд. Найӧ радейтӧны козинъяс, босьтӧны бокыса сьӧм. Батьтӧм-мамтӧмӧс найӧ оз дорйыны, дӧвалысь корӧмсӧ нинӧмӧ пуктӧны.

Исай 26:21

Со, Господь петӧ Аслас оланінысь, медым мыждыны мувывса олысьясӧс налӧн мыжъясысь. Сэки муыс восьтас йӧзлысь кисьтӧм вирсӧ, оз нин кут дзеблавны виӧмаясӧс.

Исай 3:5

Йӧзыс кутасны дзескӧдны ӧта-мӧднысӧ, быдӧн – ассьыс матыссасӧ. Том зон кутас омӧльтны пӧрысь мортӧс, некытчӧ туйтӧм кутас лёкӧдны пыдди пуктанаӧс.

Исай 32:7

Наян морт вӧчӧ наяна, сійӧ мӧвпалӧ лёк вӧчӧм йылысь, ылӧгнас сійӧ бырӧдӧ коньӧр мортӧс, коді збыльсӧ висьталӧ.

Исай 5:23

Кор налы сетӧны козин, мыжа мортӧс найӧ лыддьӧны мыжтӧмӧн, а веськыда вӧчысьӧс оз дорйыны.

Еремей 3:5

Тэ ӧмӧй пыр пондан лӧгавны? Тэ ӧмӧй помтӧг кутан скӧравны?” Тадзи тэ, Израиль войтыр, сёрнитан, но ачыд тэ сы мында лёксӧ вӧчан».

Еремей 4:22

– Менам войтырӧй мывкыдтӧм, Менӧ найӧ оз тӧдны. Найӧ мывкыдтӧм челядь кодьӧсь, нинӧм оз вежӧртны, лёксӧ вӧчны сюсьӧсь, а бурсӧ вӧчны оз кужны.

Еремей 8:10

Та вӧсна налысь гӧтырнысӧ Ме сета мукӧдлы, налысь видз-мунысӧ – выль кӧзяинъяслы, ӧд ичӧтсянь гырысьӧдз ставныс найӧ ылӧдлӧмӧн озырмӧдчӧны, пророкъяс и попъяс – ставныс пӧръясьӧны.

Езекиль 22:12

Босьтӧны козинъяс, медым вир кисьтны. Сетӧны уджйӧзӧн, медым бӧрсӧ содтӧдӧн босьтны. Матыссаӧс дзескӧдӧмӧн озырмӧдчӧны. Ерусалим, тэ вунӧдін Менӧ, – висьталӧ Господь Ыджыдыс. –

Езекиль 22:27

Ерусалимса юралысьяс кыйдӧс чашйысь кӧинъяс кодьӧсь. Озырмӧдчӧм могысь найӧ вир кисьтӧны да йӧзӧс виалӧны.

Езекиль 22:6

Израильса юралысьяс вир кисьтісны Ерусалимын – быдӧн кисьтіс, мыйта вермис.

Езекиль 34:21

Коньӧр ыжъяссӧ ті бокнад да пельпомнад йӧткаланныд, сюрнаныд люкаланныд, кытчӧдз онӧ вӧтлӧй найӧс.

Езекиль 9:9

Господь шуис меным: «Израиль войтырлӧн да Иуда войтырлӧн мыжыс вывті ыджыд. Тайӧ муыс тырӧма вирӧн, и тайӧ карас веськыда мыждӧмыс абу. Йӧзыс шуӧны, Господь пӧ эновтӧма тайӧ мусӧ, Господь пӧ оз аддзы.

Осий 4:18

Налӧн кодалӧмыс – зывӧк, найӧ сетчисны кырсалӧмӧ, налӧн юралысьяслы муса яндысьтӧм олӧмыс.

Осий 7:3

– Ӧксы нимкодясьӧ, мый йӧзыс лёксӧ вӧчӧны, юралысьяс нимкодясьӧны, мый йӧзыс пӧръясьӧны.

Амос 5:12

Ме тӧда, кутшӧм уна тіян лёк вӧчӧмныд, тӧда, кутшӧм уна тіян мыжъясныд. Веськыда олысьӧс ті дзескӧданныд, козинъяс босьтанныд, ёрд вылын коньӧрӧс мыжтӧгыс мыжданныд.

Микей 2:8

Ті вӧлінныд Менам войтырӧн, но сувтінныд Меным паныд. Ті мырддялінныд вылыс и улыс паськӧмсӧ тыш вылысь локтысьяслысь, повтӧг тіян муӧд мунысьяслысь.

Микей 3:11

Ёрд вылын юралысьяс козин босьтӧны, попъяс сьӧм вылӧ велӧдӧны, водзвыв висьталӧмысь пророкъяс сьӧм корӧны. Найӧ мӧвпалӧны, мый Господь отсалӧ налы, шуалӧны, Господь пӧ миянкӧд, шогыс пӧ оз су миянӧс.

Микей 3:2

Но ті мустӧмтанныд бурсӧ, а лёксӧ радейтанныд. Ті йӧзыслысь кучиксӧ кулянныд, лы вылас весиг яйсӧ онӧ кольӧй.

Матвей 26:15

да шуис: «Мый сетанныд, вузала кӧ тіянлы Исусӧс?» Найӧ вӧзйисны сылы комын эзысь сьӧм.

1 Коринфӧ 4:5

Та вӧсна Господь локтӧдз, кадысь водз, некодӧс энӧ мыждӧй. Сійӧ югдӧдас пемыдас дзебӧмасӧ да восьтас мортлысь мӧвпъяссӧ. Сэки быдӧнлы вичмас Енсянь ошкӧмыс.