Микей 3:2 - Коми Библия 2023

² Но ті мустӧмтанныд бурсӧ, а лёксӧ радейтанныд. Ті йӧзыслысь кучиксӧ кулянныд, лы вылас весиг яйсӧ онӧ кольӧй.

Микей 3:2 Cross References

Ӧксыяслӧн 3 небӧг 21:20

Ахав шуис Иллялы: «Мустӧмтысьӧй, тэ бара аддзин менӧ». Илля шуис: «Аддзи. Тэ ачыд сетчин, мед вӧчны Господь водзын шогмытӧмсӧ [да скӧрмӧдны Сійӧс].

2 Каднебӧг 19:2

Иосафат ӧксылы воча петіс Еху нима пророк, Хананилӧн пиыс, да шуис: «Мыйла тэ отсалін лёк вӧчысьлы? Мыйла тэ Господьӧс мустӧмтысьясӧс радейтан? Таысь тэнӧ суас Господьлӧн скӧрлуныс.

Псалтыр 15:4

Мед содасны шогъясыс налӧн, кодъяс юрбитӧны мукӧд енъяслы. Ме ог вай налы кисьтан вись пыдди вир, ог казьтыв налысь нимъяссӧ.

Псалтыр 53:4

Енмӧй, кыв менсьым кевмӧмӧс, кывзы менсьым кывъясӧс!

Шусьӧгъяс 28:4

Енлысь Индӧдсӧ вунӧдысь лёк вӧчысьясӧс ошкӧ, а Индӧд серти олысь лёк вӧчысьяслы паныд сувтӧ.

Исай 3:15

Кыдзи ті лысьтанныд дзескӧдны Менсьым войтырӧс? Ті нартитанныд гӧльясӧс, – висьталӧ Ыджыдыс, Господь Саваоф.

Исай 5:20

Курыд шог налы, кодъяс лёксӧ шуӧны бурӧн, а бурсӧ – лёкӧн, пемыдсӧ лыддьӧны югыдӧн, а югыдсӧ – пемыдӧн, курыдсӧ лыддьӧны юмолӧн, а юмовсӧ – курыдӧн!

Исай 57:12

Но Ме петкӧдла тэнсьыд веськыдлунтӧ да тэнсьыд уджъястӧ – таысь тэныд бурыс оз ло.

Езекиль 11:7

Та вӧсна Господь Ыджыдыс тадзи висьталӧ: тайӧ карыс – пӧрт, а карас туплясьысь виӧмаясыс – яй. Но тіянӧс Ме вӧтла карсьыс.

Езекиль 22:27

Ерусалимса юралысьяс кыйдӧс чашйысь кӧинъяс кодьӧсь. Озырмӧдчӧм могысь найӧ вир кисьтӧны да йӧзӧс виалӧны.

Езекиль 24:4

Пукты пӧртйӧ медбур яй – лядьвей да пуліпом. Тырт пӧртсӧ медбур лыясӧн,

Езекиль 34:3

Ті сэтшӧм ыж видзысьяс, кодъяс начкӧны тшӧг ыжъяссӧ да сёйӧны налысь госсӧ, пасьталӧны вурун паськӧм, но ыж чукӧр вӧсна оз тӧждысьны.

Амос 4:1

Кывзӧй, ті, васанса мӧсъяс, Самария керӧс вылын олысь аньяс! Ті дзескӧданныд гӧльясӧс, топӧданныд коньӧръясӧс, верӧсныдлы тшӧктанныд: «Вай юны!»

Амос 5:15

Мустӧмтӧй лёксӧ да радейтӧй бурсӧ, веськыда мыждӧй ёрд вылын. Гашкӧ, Господь Ен Саваоф бурсьӧлӧмтчас Ӧсип рӧдысь ловйӧн кольӧмаяс дінӧ.

Микей 2:8

Ті вӧлінныд Менам войтырӧн, но сувтінныд Меным паныд. Ті мырддялінныд вылыс и улыс паськӧмсӧ тыш вылысь локтысьяслысь, повтӧг тіян муӧд мунысьяслысь.

Микей 7:2

Му вылын бур сьӧлӧмаыс абу, абу веськыда олысьыс. Ставныс кыйӧдчӧны ӧта-мӧдныслысь вир кисьтны, быдӧн кӧсйӧ тывйыштны ассьыс воксӧ.

Микей 7:3

Налӧн киныс кыптӧ лёк вӧчны, найӧ кужӧмӧн лёксӧ вӧчӧны. Веськӧдлысь козин корӧ, ёрдысь сьӧм босьтӧ, юралысь аслас лёк кӧсйӧмъяс йылысь сёрнитӧ. Найӧ ставныс збыльсӧ гугӧдӧны.

Софоний 3:3

Сэтчӧс юралысьясыс – равзысь лев кодьӧсь, ёрдысьясыс – войся кӧин кодьӧсь, асылӧдзыс весиг лытор оз коль кыйдӧссьыс.

Лука 19:14

Ас войтырыслы тайӧ мортыс вӧлі мустӧм, та вӧсна бӧрсяньыс найӧ мӧдӧдасны юӧртысьясӧс висьтавны, огӧ пӧ кӧсйӧй, медым сійӧ вӧлі миян ӧксыӧн.

Иоан 18:40

Сэки ставныс горӧдісны: «Эн Сійӧс, а Варавваӧс лэдз!» Варавва вӧлі лёк вӧчысь.

Иоан 7:7

Тіянӧс йӧзыс оз мустӧмтны, а Менӧ мустӧмтӧны, ӧд Ме висьтала, мый налӧн уджъясыс лёкӧсь.

Римӧ 1:32

Найӧ тӧдӧны Енлысь веськыда мыждӧмсӧ, мый татшӧмтор вӧчысьӧс виччысьӧ кулӧм. Но та вылӧ видзӧдтӧг найӧ вӧчӧны лёксӧ, весиг ошкӧны тадзи вӧчысьясӧс.

Римӧ 12:9

Радейтӧй восьса сьӧлӧмӧн, ылыстчӧй лёксьыс да кутчысьӧй бурас.

2 Тимофейлы 3:3

чорыд сьӧлӧмаӧсь, оз бурасьны, суклясьӧны, асьнысӧ оз кутны, скӧрӧсь, бурсӧ мустӧмтӧны,