Микей 1:1 - Коми Библия 2023

¹ Морешетса Микейлы вӧлі Господьсянь кыв. Сійӧ кадӧ иудаса ӧксыӧн вӧлі Иотам, сэсся – Ахаз, а Ахаз бӧрын – Езекей. Микей аддзыліс Самария да Ерусалим йылысь петкӧдчылӧм.

Микей 1:1 Cross References

Ӧксыяслӧн 4 небӧг 15:32

Израильса Пеках ӧксылӧн, Ремаль пилӧн, мӧд веськӧдлан воӧ Иуда муын ӧксыӧ пуксис Озейлӧн Иотам пиыс.

Ӧксыяслӧн 4 небӧг 15:5

Та вӧсна Господь мыждіс ӧксыӧс. Аслас кулан лунӧдз сійӧ висис проказаӧн да оліс торъя керкаын. Ӧксы керкаӧн да Иуда войтырӧн веськӧдліс сылӧн Иотам пиыс.

Ӧксыяслӧн 4 небӧг 16:1

Израильса Пеках ӧксылӧн, Ремаль пилӧн, дас сизимӧд веськӧдлан воӧ Иуда муын ӧксыӧ пуксис Иотамлӧн Ахаз пиыс.

Ӧксыяслӧн 4 небӧг 18:1

Израильса Осий ӧксылӧн, Элай пилӧн, коймӧд веськӧдлан воӧ Иуда муын ӧксыӧ пуксис Ахазлӧн Езекей пиыс.

2 Каднебӧг 28:1

Ӧксыӧ пуксигас Ахазлы вӧлі кызь арӧс. Дас квайт во чӧж сійӧ юраліс Ерусалимын. Сійӧ эз вӧч Господь водзын шогманасӧ, эз ов Давид пӧльыс моз.

2 Каднебӧг 29:1

Ӧксыӧ пуксигас Езекейлы вӧлі кызь вит арӧс. Кызь ӧкмыс во чӧж сійӧ юраліс Ерусалимын. Сылӧн мамыс вӧлі Авия, Закарлӧн нылыс.

Исай 1:1

Тайӧ небӧгас гижӧма сы йылысь, мый Енмыс петкӧдліс Иуда му да Ерусалим кар йылысь Амослӧн Исай пилы. Тайӧ петкӧдчылӧмъяссӧ сійӧ аддзыліс иудаса Озей, Иотам, Ахаз да Езекей ӧксыяслӧн веськӧдлан кадӧ.

Исай 1:2

Кывзы, енэжыс, кывзы, муыс! Господь тадзи висьталӧ: – Ме быдті челядьӧс, но найӧ кыпӧдчисны Меным паныд.

Исай 7:1

Ахаз, иудаса ӧксы, вӧлі Озей Иотамлӧн пи. Сылӧн веськӧдлан кадӧ арамейяслӧн Рецин ӧксы да израильса Пеках ӧксы, Ремальлӧн пиыс, петісны тышӧ Ерусалимлы паныд, но эз вермыны сійӧс.

Исай 7:9

Самарияыс сӧмын Ефремлӧн юркар, и Ремальлӧн пиыс сӧмын Самарияын юралӧ. Онӧ кӧ зумыда эскӧй, онӧ вермӧй зумыда сулавны».

Еремей 26:18

«Иудаса Езекей ӧксылӧн веськӧдлан кадӧ пророкавліс морешетса Микей. Сійӧ юӧртліс став Иуда войтырыслы, мый Господь Саваоф тадзи висьталӧ: – Сионӧс лоӧ муӧс моз гӧрӧма, Ерусалимысь кольӧ сӧмын из чукӧр, крамлӧн керӧсыс вӧрсялас.

Осий 1:1

Берлӧн Осий пилы вӧлі Господьсянь кыв, кор Иуда муын сьӧрсьӧн-бӧрсьӧн юралісны Озей, Иотам, Ахаз да Езекей ӧксыяс, а Израиль муын юраліс Еровам ӧксы, Йоаслӧн пиыс.

Осий 4:15

Тэ, Израиль, кырсалан, но Иуда мед оз кырсав. Энӧ мунӧй Галгалӧ, энӧ кайӧй Бет-Авенӧ, энӧ сетӧй кывнытӧ ловъя Господь водзын.

Осий 8:14

Израиль вунӧдіс ассьыс Вӧчысьсӧ, кыпӧдаліс юрбитанінъяс. Иуда лэптіс уна зумыд кар, но Ме ыста сылӧн каръяс вылӧ би, и биыс ньылыштас сылысь изкаръяссӧ.

Амос 1:1

Тайӧ кывъясыс Амослӧн, коді рӧдмӧдіс ыжъясӧс Текояын. Сійӧ аддзыліс Израиль йылысь петкӧдчылӧм, тайӧ вӧлі му вӧрӧмӧдз кык воӧн водзджык. Сэки Иуда муын юраліс Озей ӧксы, а Израиль муын – Еровам ӧксы, Йоаслӧн пиыс.

Амос 6:1

Курыд шог тіянлы, войтыр пӧвстысь медтӧдчанаяслы, кодъяс вылӧ став Израиль лача кутӧ. Ті тӧждысьтӧг оланныд Сионын да Самария керӧс вылын.

Микей 1:5

Яковлӧн лёкас вӧйӧм вӧсна, Израиль войтырлӧн мыж вӧсна ставыс тайӧ лоӧ. Коді мыжа Яковлӧн лёк вӧчӧмысь? Абу-ӧ Самария? Коді мыжа, мый Иуда муын кыптісны вись ваян мылькъяс? Абу-ӧ Ерусалим?

Микей 3:9

Кывзӧй тайӧс, Яков рӧдлӧн юралысьяс, Израиль войтырлӧн веськӧдлысьяс! Веськыда мыждӧмсӧ ті нинӧмӧ пуктанныд, став веськыдсӧ чукльӧдланныд.

Аввакум 1:1

Водзвыв висьталӧм. Аввакум пророклы Енсянь восьтӧм.

2 Петыр 1:21

Ӧд пророкалӧм некор эз вӧв мортлӧн кӧсйӧмсянь, сійӧс висьтавлісны Вежа Лов ышӧдӧмсянь Енлӧн вежа йӧзыс.