Йоиль 3:18 - Коми Библия 2023

¹⁸ Сійӧ лунӧ керӧсъяс вывсянь пондас войтавны вина, мылькъяс вывті визувтны йӧв, Иуда муын сёртасъяс тырасны ваӧн. Господьлӧн крамысь визувтас ва, сійӧ пондас юктавны Ситтим ковтыс.

Йоиль 3:18 Cross References

Иов 29:6

Сэки менам туйясӧд визувтіс йӧв, изкыртаысь меным вияліс олив вый.

Псалтыр 46:4

Сійӧ сетіс миян кипод улӧ войтыръясӧс, пуктіс найӧс миян кок улӧ.

Петӧм 3:8

Та вӧсна Ме локті мездыны найӧс египетсаяслӧн кипод улысь. Ме петкӧда найӧс сійӧ мусьыс да нуӧда бур паськыд муӧ, кӧні визувтӧ йӧв да ма, – ханаансаяслӧн, хеттейяслӧн, аморейяслӧн, перезейяслӧн, [гергесейяслӧн,] хивейяслӧн да евуссаяслӧн муӧ.

Исай 30:25

Сійӧ лунӧ, кор вӧрӧгӧс лоӧ пасьвартӧма, кор усясны башняяс, быд джуджыд керӧс вывсянь визувтасны шоръяс.

Исай 35:6

Чотысь пондас кӧр моз чеччавны, сёрнитны вермытӧм морт пондас сьывны. Кушинын воссясны ва петанінъяс, кос му вывті визувтасны шоръяс.

Исай 44:3

Потласьӧм му вылӧ Ме кисьта ва, косьмӧм му вылын писькӧда юяс. Тэсянь чужысьяс вылӧ Ме кисьта Ассьым лолӧс, тэнад челядь вылӧ – Ассьым бурсиӧмӧс.

Исай 45:8

Енэжсьыс мед зэрӧн киссяс веськыдлуныс, мед сійӧ киссяс кымӧръяссьыс, муыс мед воссяс да ваяс мездӧм, веськыдлуныс мед кутас дзоридзавны. Ме, Господь, вӧча тайӧс.

Исай 55:1

Кывзӧй, кодлӧн горшныд косьмӧ, локтӧй ставныд ва дінӧ! Весиг ті, кодлӧн абу сьӧмныд, локтӧй, босьтӧй да сёйӧй! Сьӧмтӧг да дон мынтытӧг босьтӧй вина да йӧв.

Исай 66:11

Ті понданныд сёйны да пӧткӧдчыны сылӧн бурӧдан морӧсысь, понданныд нимкодясьны да пӧттӧдзныд юны сылӧн лышкыда вердысь морӧсысь.

Еремей 31:12

Найӧ локтасны, кутасны долыда сьывны Сион керӧс вылын, кутасны нимкодясьны, ӧд Господь сетіс налы бур козинъяс: шобді, вина да вый, ыжъясӧс да ӧшъясӧс. Налӧн олӧмыс лоас ваӧн киськалӧм сад кодь, найӧ оз нин вынтӧммыны.

Микей 6:5

Войтырӧй, эн вунӧд, мый мӧвпыштіс вӧчны моавса Валак ӧксы, мый сылы вочавидзис Веорлӧн Валаам пиыс, мый вӧлі тіянкӧд Ситтимсянь Галгалӧдз. Ставсӧ тайӧс уськӧд тӧд вылад, медым тӧдін Господьлысь веськыдлунсӧ.

Закар 14:8

Сійӧ лунӧ Ерусалимсянь пондас визувтны ловъя ва. Визулыс юксяс кык пельӧ: ӧтиыс визувтас асыввыв саридзӧ, мӧдыс – рытыввыв саридзӧ. Ваыс кутас визувтны тӧв и гожӧм.

Лыд 25:1

Ситтим ковтысын олігӧн израильсаяс кутісны кырсавны моавса нывъяскӧд.