Йоиль 3:1 - Коми Библия 2023

¹ – Сійӧ лунъясӧ Ме бара сета Иудалы да Ерусалимлы воддза кодьыс бур олӧм.

Йоиль 3:1 Cross References

Псалтыр 85:1

Давидлӧн кевмысьӧм. Господьӧй, копырт Ассьыд пельтӧ мелань, вочавидз меным, ӧд ме гӧль да коньӧр.

Шусьӧгъяс 1:23

Кывзӧй менсьым янӧдӧмӧс, ме тырта тіянӧс мывкыдлунӧн, тӧдмӧда тіянӧс аслам кывъясӧн.

Исай 44:3

Потласьӧм му вылӧ Ме кисьта ва, косьмӧм му вылын писькӧда юяс. Тэсянь чужысьяс вылӧ Ме кисьта Ассьым лолӧс, тэнад челядь вылӧ – Ассьым бурсиӧмӧс.

Еремей 16:15

а кутасны кыв сетны ловъя Господь водзын, коді петкӧдіс Израиль войтырӧс войвыв муысь да мукӧд муясысь, кытчӧ Сійӧ вӧтліс найӧс. Ме бӧр вайӧда найӧс асланыс муӧ, мый Ме сеті налӧн батьяслы.

Еремей 29:14

и аддзанныд, – висьталӧ Господь. – Ме бӧр вайӧда тіянӧс пленысь, чукӧрта тіянӧс быд войтыр пӧвстысь, быд муысь, кытчӧ Ме вӧтлі тіянӧс, – висьталӧ Господь, – и бӧр вайӧда сэтчӧ, кытысь Ме мӧдӧді тіянӧс пленӧ.

Еремей 30:18

Господь тадзи висьталӧ: – Ме выльысь сувтӧда Яковлысь чомъяссӧ, бурсьӧлӧмтча сылӧн оланін дінӧ. Карсӧ выльысь лоӧ лэптӧма аслас керӧс вылӧ, изкарыс кутас сулавны аслас местаын.

Еремей 30:3

Воасны лунъяс, – висьталӧ Господь, – кор Ассьым Израиль да Иуда войтыръясӧс Ме бӧр бергӧда пленысь. Господь висьталӧ: Ме бӧр вайӧда найӧс сійӧ муас, мый Ме сеті налӧн батьяслы. Найӧ бара босьтасны сійӧс аслыныс».

Езекиль 16:53

Содомлы да сылӧн нывъяслы, Самариялы да сылӧн нывъяслы пленысь бергӧдӧм бӧрын Ме бара сета бур олӧм. Налы моз тэнӧ пленысь бергӧдӧм бӧрын Ме тшӧтш сета тэныд бур олӧм.

Езекиль 39:25

Та вӧсна Господь Ыджыдыс тадзи висьталӧ: ӧні Ме бӧр вайӧда пленысь Яковлысь рӧдсӧ, бурсьӧлӧмтча став Израиль войтыр дінӧ. Ме вежӧгтысь Ен, Ассьым вежа нимӧс дорйысь.

Даниил 12:1

Сійӧ кадас локтас Микаил, ыджыд юралысь андел, тэнсьыд войтыртӧ дорйысь. Сэки пуксяс сьӧкыд кад, кутшӧм эз на вӧвлы войтыръяслӧн олан кадӧ. Но тэнад войтыр пӧвстысь мездмасны ставныс, кодъяслысь нимсӧ гижӧма Небӧгӧ.

Йоиль 2:29

Сійӧ лунъясӧ Ме кисьта Ассьым Лолӧс тшӧтш кесйӧгъяс да кесйӧг аньяс вылӧ.

Амос 9:14

Ме бӧр вайӧда пленысь Ассьым Израиль войтырӧс. Найӧ выльысь лэптасны кушмӧм каръяснысӧ да овмӧдчасны сэтчӧ. Найӧ пуктасны виноград пуяс, ассьыныс винасӧ кутасны юны. Сад йӧръясӧ пуктасны пуяс, налысь вотӧссӧ кутасны сёйны.

Лыд 11:29

Но Мӧисей шуис сылы: «Ме вӧсна-ӧ тэ тӧждысян? Ме эськӧ кӧсйи, медым Господь став Аслас войтыр вылӧ мӧдӧдіс Ассьыс Ловсӧ, и ставныс вӧліны пророкъясӧн!»

Лыд 12:6

Господь шуис: «Кывзӧй Менсьым кывъясӧс. Эм кӧ тіян пӧвстын Менам пророк, сылы Ме восся петкӧдчылӧм пыр да сёрнита сыкӧд вӧтас.

Индӧд 30:3

сэки Господь, тіян Енныд, бурсьӧлӧмтчас тіян дінӧ да вайӧдас тіянӧс пленысь. Господь, тіян Енныд, чукӧртас тіянӧс мукӧд войтыръяс пӧвстысь, кытчӧ разӧдліс тіянӧс.