Еклесиаст 1:3 - Коми Библия 2023

³ Мый бурыс мортыслы сылӧн уджалӧмысь, шонді улас мырсьӧм-пессьӧмысь?

Еклесиаст 1:3 Cross References

Еклесиаст 2:11

Ме видзӧдлі став уджыс вылӧ, мый вӧчис менам киӧй. Вӧлӧмакӧ, ставыс весьшӧрӧ, тӧв бӧрся вӧтлысьӧм кодь, и шонді улас таысь нинӧм бурыс абу.

Еклесиаст 2:18

Ме мустӧмті став ассьым уджӧс, мый вӧчи шонді улас. Ӧд меным ставсӧ ковмас кольны сылы, коді кутас веськӧдлыны ме бӧрти.

Еклесиаст 2:19

Код тӧдас, мывкыд морт али вежӧртӧм сійӧ лоӧ. Но сійӧ пондас вӧдитчыны ставнас, мый ме мывкыдлунӧн да сьӧкыда уджалӧмӧн нажӧвиті шонді улас. И тайӧ, вӧлӧмакӧ, весьшӧрӧ.

Еклесиаст 2:22

Мый сетӧ мортыслы сьӧлӧмсянь тӧждысьӧмыс да став сылӧн мырсьӧм-уджалӧмыс, мый сійӧ вӧчӧ шонді улас?

Еклесиаст 3:9

Мый бурыс мортлы сылӧн уджалӧмысь?

Еклесиаст 4:3

Но ёна шудаӧсь найӧ, кодъяс эз на чужны да эз на аддзывны лёксӧ, мый вӧчсьӧ шонді улас.

Еклесиаст 4:7

Ме нӧшта аддзи, мый весьшӧрӧ шонді улас:

Еклесиаст 5:16

Став олӧмсӧ сійӧ коллялӧ пемыдас, шогсьӧ-майшасьӧ, элясьӧ да скӧралӧ.

Еклесиаст 5:18

Енмыс кӧ сетӧ мортлы озырлун да овмӧс-эмбур, лэдзӧ сы помысь овны-вывны, босьтны ассьыс пайсӧ да нимкодясьны мырсян-пессян олӧмас, тайӧ сылы – Енсянь козин.

Еклесиаст 6:12

Коді тӧдӧ, мый бурджык мортыслы, кодлӧн олӧмыс мунӧ вуджӧр моз весьшӧрӧ? Коді вермас висьтавны мортлы, мый лоӧ сы бӧрын шонді улас?

Еклесиаст 7:11

Мывкыдлуныд – вичмӧм озырлун кодь, сійӧ бурсӧ вайӧ шонді улын олысьяслы.

Еклесиаст 9:13

Ме нӧшта аддзылі ыджыд мывкыдлун шонді улас.

Еклесиаст 9:3

Тайӧ и эм лёкыс шонді улас, мый став йӧзыскӧд лоӧ ӧтмоза. Мортлӧн сьӧлӧмыс тырӧма лёкнас, йӧйлуныс олӧ сы пытшкын олӧм чӧжыс, и олӧм бӧрас мортыс мунӧ кулӧмаяс дінӧ – тайӧ тшӧтш лёк.

Еклесиаст 9:6

Налӧн радейтӧмыс, мустӧмтӧмыс да вежӧгтӧмыс бырӧма-кольӧма. Некор и нинӧмторйын оз нин ло налы пайыс шонді улас.

Исай 55:2

Мыйла ті сьӧм мынтанныд сыысь, мый абу сёян? Мыйла ті удждоннытӧ сетанныд сыысь, мый оз пӧткӧд? Сюся кывзӧй Менӧ да пӧткӧдчӧй бурнас, сэки тіян ловныд пондас нимкодясьны.

Аввакум 2:13

Господь Саваоф шуӧма, мый йӧзыслӧн став уджыс сотчас, мый войтыръяс весьшӧрӧ мырсьӧны.

Аввакум 2:18

Вермас-ӧ отсавны бӧлбан – пуысь вӧчӧмторйыс? Вермас-ӧ отсавны идол – сывдӧмӧн вӧчӧм ылӧгвелӧдысьыс? Но вӧчасьысь лача кутӧ аслас идол вылӧ, сёрнитны вермытӧм ен вылӧ.

Матвей 16:26

Лоас-ӧ мортыслы бур, босьтас кӧ аслыс став муюгыдсӧ, а олӧмсӧ воштас? Вермас-ӧ бӧр ньӧбны ассьыс олӧмсӧ?

Иоан 6:27

Энӧ тӧждысьӧй бырана сёян вӧсна, а тӧждысьӧй помтӧм олӧмсӧ сетысь сёян вӧсна. Тайӧ сёянсӧ сетас тіянлы Морт Пи, кодӧс пасйӧма Ачыс Ен Бать».

1 Коринфӧ 16:16

кывзысьӧй налысь, тшӧтш накӧд ӧтвыв уджалысьяслысь да кесъялысьяслысь.