Еклесиаст 1:2 - Коми Библия 2023

² Весьшӧрӧ, – шуис еклесиаст, – ставыс весьшӧрӧ, дзик весьшӧрӧ.

Еклесиаст 1:2 Cross References

Иов 11:12

Вежӧртӧм морт вежӧрсялас, кор вӧлявывса осёл пӧрас мортӧ.

Псалтыр 144:4

Чужысьяссянь чужысьясӧдз кутасны ошкыны Тэнсьыд уджъястӧ, кутасны юӧртны Тэнад ыджыд вын йылысь.

Еклесиаст 11:10

Вӧтлы шогсьӧмсӧ сьӧлӧмсьыд, ылыст сьӧкыдалӧмсӧ вир-яйсьыд, ӧд томлуныд ӧдйӧ кольӧ, пӧрысьлуныд юасьтӧг локтӧ.

Еклесиаст 11:8

Весиг кӧ тэ олан уна во, нимкодясь став олӧм чӧжыд, но эн вунӧд, мый уна пемыд лун на воас. Ставыс, мый тэныд паныдасяс олӧмад, весьшӧрӧ.

Еклесиаст 12:8

Весьшӧрӧ, – шуис еклесиаст, – ставыс весьшӧрӧ.

Еклесиаст 2:11

Ме видзӧдлі став уджыс вылӧ, мый вӧчис менам киӧй. Вӧлӧмакӧ, ставыс весьшӧрӧ, тӧв бӧрся вӧтлысьӧм кодь, и шонді улас таысь нинӧм бурыс абу.

Еклесиаст 2:15

Ме гӧгӧрвои, мый менӧ виччысьӧ сійӧ жӧ, мый вежӧртӧмӧс. Сідзкӧ, мыйла меным ыджыд мывкыдлуныс? Вӧлӧмакӧ, и тайӧ весьшӧрӧ.

Еклесиаст 2:17

Ме мустӧмті олӧмӧс, ӧд меным зывӧк лои ставыс, мый вӧчсьӧ шонді улас. Ставыс весьшӧрӧ, тӧв бӧрся вӧтлысьӧм кодь.

Еклесиаст 2:19

Код тӧдас, мывкыд морт али вежӧртӧм сійӧ лоӧ. Но сійӧ пондас вӧдитчыны ставнас, мый ме мывкыдлунӧн да сьӧкыда уджалӧмӧн нажӧвиті шонді улас. И тайӧ, вӧлӧмакӧ, весьшӧрӧ.

Еклесиаст 2:21

Овлӧ, мый морт мырсьӧ-уджалӧ, пуктӧ та вылӧ став ассьыс мывкыдлунсӧ, тӧдӧмлунсӧ да кужанлунсӧ, а сэсся сылы лоӧ кольны ставсӧ мӧдлы, коді эз мырсьы-уджав. И тайӧ, вӧлӧмакӧ, весьшӧрӧ да ыджыд лёктор.

Еклесиаст 2:23

Став сылӧн олӧмыс – шогсьӧм, сылӧн уджыс – мырсьӧм-пессьӧм, весиг войнас сьӧлӧмыс майшасьӧ. И тайӧ, вӧлӧмакӧ, весьшӧрӧ.

Еклесиаст 2:26

Коді шогмана Енмыслы, сылы Енмыс сетӧ мывкыдлун, тӧдӧмлун да долыдлун. А мыж вӧчысьлы Енмыс сетӧ чӧжны-чукӧртны да кольны мортлы, коді шогмана Енмыслы. Но и тайӧ, вӧлӧмакӧ, весьшӧрӧ, тӧв бӧрся вӧтлысьӧм кодь.

Еклесиаст 2:8

Ме чукӧрті аслым эзысь-зарни, ӧксыяслысь да мукӧд войтыръяслысь озырлунсӧ. Чукӧрті ас дінӧ сьылысь аньясӧс да айуловӧс и босьті аслым гӧтырӧ уна аньӧс, медым найӧ гажӧдісны менӧ.

Еклесиаст 3:19

Ӧд мортӧс и пемӧсӧс виччысьӧ ӧти и сійӧ жӧ: ӧтиыс кулӧ, и мӧдыс кулӧ. Ӧтиыс и мӧдыс ловъя дырйиыс лолалӧны, та вӧсна мортыс абу бурджык пемӧсысь – сідзкӧ, ставыс весьшӧрӧ.

Еклесиаст 4:16

Лыдтӧм-тшӧттӧм йӧз сувтіс выль ӧксы дор, но сы бӧрын олысьяс бурӧн эз казьтывны сійӧс. И тайӧ, вӧлӧмакӧ, весьшӧрӧ, тӧв бӧрся вӧтлысьӧм кодь.

Еклесиаст 4:4

Нӧшта ме аддзи, мый быдпӧлӧс удж да быд зільӧм-вермӧм чужтӧ йӧз костын вежалӧм. И тайӧ, вӧлӧмакӧ, весьшӧрӧ, тӧв бӧрся вӧтлысьӧм кодь.

Еклесиаст 4:8

ӧтка мортлӧн некод абу, пиыс ни вокыс абу. Сійӧ мырсьӧ-уджалӧ, но озырлуныс сылысь сьӧлӧмсӧ оз гажӧд. «Кодлы ме уджала? – мӧвпалӧ сійӧ. – Мыйла ме ачымӧс гажӧдчӧмысь кута?» И тайӧ, вӧлӧмакӧ, весьшӧрӧ да абу буртор.

Еклесиаст 5:10

Кор содӧ овмӧс-эмбурыд, сэки содӧ тшӧтш сёйысьлӧн лыдыс. Мый бурыс таысь овмӧс кутысьлы – сӧмын кольӧ видзӧдны та вылӧ!

Еклесиаст 6:11

Уна сёрни дырйи ставыс весьшӧрӧ. Мый бурыс таысь мортлы?

Римӧ 8:20

Ӧд став вӧчӧмторйыс эз ас кӧсйӧмсяньыс веськав сісьмӧм-бырӧм улӧ. Тадзи вӧлі шуӧма Енмыслӧн. Сідзкӧ, эм лача, мый став вӧчӧмторйыс мынас сісьмана-бырана кутӧдысь да воас Ен ныв-пилӧн мездлунӧ да дзирдлунӧ.