Даниил 8:25 - Коми Библия 2023

²⁵ Вежӧрлун да наянлун вӧсна сылӧн ставыс кутас артмыны, и сійӧ асьсӧ вылӧ кыпӧдас. Виччысьтӧг сійӧ унаӧс бырӧдас, тшӧтш ыджыдъяслӧн Ыджыдлы паныд кыпӧдчас. Но тайӧ ӧксысӧ лоӧ бырӧдӧма, сӧмын оз морт киӧн.

Даниил 8:25 Cross References

Иов 34:20

Войшӧрнас найӧ тӧдлытӧг кулӧны, войтыръяс шызьӧны-кыпӧдчӧны да бырӧны, вынаясӧс вештӧны, но оз морт киӧн.

Еремей 48:26

Юктӧдӧй Моавӧс коддзытӧдзыс, ӧд сійӧ кыпӧдчис Господьлы паныд. Мед сійӧ туплясяс аслас вос пытшкын, мед ачыс лоӧ серамтуйын.

Бӧрданкыв 4:6

Менсьым войтырӧс мыждӧма Содомысь чорыдджыка на. Содомӧс вӧлі бырӧдӧма здукӧн, весиг мортлӧн киыс эз инмӧдчыв.

Даниил 11:12

Вӧрӧгсӧ пасьвартӧм бӧрын лунвывса ӧксы пондас ышнясьны. Сы вылӧ видзӧдтӧг, мый лунвывса ӧксы бырӧдас дас сюрсъясӧс, сылӧн оз ло тырвыйӧ вермӧм.

Даниил 11:45

Сійӧ сувтӧдас ассьыс дӧрачомъяссӧ саридз да мича вежа керӧс костӧ. Но сылы воас пом, и некод сылы оз отсав.

Даниил 7:26

Сэсся пуксясны ёрдысьяс, и мырддясны сылысь юралӧмсӧ. Тайӧ юралӧмсӧ пыр кежлӧ лоӧ бырӧдӧма.

Даниил 7:8

Менам видзӧдігкості тайӧ сюръяс пӧвстас быдмис ӧти ичӧт сюр. Дас сюр пӧвстсьыс куимсӧ вӧлі нетшыштӧма, медым сетны места быдмыны ичӧт сюрыслы. Тайӧ сюрыслӧн вӧліны мортлӧн кодь синъяс да ышнясьӧмӧн сёрнитысь вом.

Даниил 8:11

Сюрыс ышнясьӧмӧн кыпӧдчис весиг тышкакотыръяслӧн Юралысьлы паныд, дугӧдіс йӧзсӧ Юралысьлы быдлунся вись вайӧмысь да куштіс-пазӧдіс Сылысь вежаинсӧ.

Даниил 9:25

Тӧд да гӧгӧрво, мый сійӧ кадсяньыс, кор петас тшӧктӧм выльысь сувтӧдны Ерусалим кар, да сійӧ кадӧдзыс, кор локтас мавтыштӧм Ӧксы, коляс сизимысь сизим во да квайтымын кыкысь сизим во. Сьӧкыд кадӧ Ерусалим карсӧ лоӧ выльысь кыпӧдӧма, изэрдъяссӧ да стенъяссӧ лоӧ выльысь вӧчӧма.

Ап. уджъяс 12:23

Сэки Господьлӧн андел чорыда дойдіс Ирӧдӧс, ӧд Енлы пыдди сійӧ аслыс босьтіс ошкӧмсӧ. Сійӧс ловъявывсьыс сёйисны номыръяс.

2 Фессалоникаӧ 2:3

Энӧ сетӧй асьнытӧ ылӧдлыны некодлы, ӧд сійӧ луныс воас сӧмын сэки, кор йӧзыс кежасны Енсьыс. Сэки локтас мыжыслӧн морт, кулӧмыслӧн пи,

2 Фессалоникаӧ 2:8

сэки паныд сувтысь воссяс. Но Господь Исус локтігас виас сійӧс Аслас лолыштӧмнас да бырӧдас сійӧс Аслас дзирдлуннас.

Восьтӧм 17:14

Найӧ кутасны тышкасьны Балякӧд, но Баля вермас найӧс, ӧд Сійӧ – ыджыдъяслӧн Ыджыдыс да ӧксыяслӧн Ӧксыыс. Сыкӧд тшӧтш лоӧны Сылӧн корӧмаясыс, бӧрйӧмаясыс да эскана йӧзыс».

Восьтӧм 19:16

Сылӧн паськӧмас да лядьвеяс гижӧма, мый Сійӧ – ӧксыяслӧн Ӧксыыс да ыджыдъяслӧн Ыджыдыс.