Даниил 8:23 - Коми Библия 2023

²³ Кор тайӧ юралӧмъясыс матыстчасны помлань да Енлы паныд кыпӧдчысьяс тыртасны лёк уджъясныслысь лыдсӧ, сэки локтас яндысьтӧм да наян ӧксы.

Даниил 8:23 Cross References

Олӧм 15:16

Сӧмын нёльӧд чужанвужйын тэсянь чужысьяс бӧр локтасны татчӧ, ӧд аморейяслӧн мыж лыдыс эз на тыр».

Шусьӧгъяс 1:6

гӧгӧрвоас шусьӧгъяссӧ да кывйӧзъяссӧ, мывкыд йӧзлысь шуӧм кывъяссӧ да нӧдкывъяссӧ.

Езекиль 38:16

Бӧръя лунъясӧ тэ, Гог, уськӧдчан Менам Израиль войтыр вылӧ, кымӧр моз вевттян налысь мусӧ. Ме вайӧда тэнӧ Аслам муӧ, медым войтыръяс тӧдмаласны Менӧ. Тэ пыр Ме петкӧдла Ассьым вежалунӧс войтыръяслӧн син водзын.

Езекиль 38:8

Уна кад мысти тэ ковман. Сэки тэ уськӧдчан сійӧ му вылӧ, кӧні кар-сиктъяссӧ лэптӧма тыш бӧрын, и кытчӧ олысьяссӧ чукӧртӧма мукӧд войтыръяс пӧвстысь. Тэ уськӧдчан Израиль керӧсъяс вылӧ, кӧні дыр кад чӧж некод эз ов, но кытчӧ олысьясыс бергӧдчӧмаӧсь мукӧд войтыръяс пӧвстысь. Найӧ повтӧг олӧны,

Даниил 10:14

Ӧні ме локті, медым юӧртны тэныд, мый лоӧ тэнад войтырыдкӧд бӧръя кадӧ. Ӧд сійӧ, мый тэ аддзылін, висьталӧ бӧръя кад йылысь».

Даниил 11:21

Бырӧдӧм ӧксы пыдди пуксяс юравны мустӧм морт, кодӧс ӧксы туйӧ оз пуктыны. Сійӧ локтас виччысьтӧг да наянлунӧн пуксяс ӧксыӧ.

Даниил 11:24

Сійӧ уськӧдчас вотӧса муясын лӧня олысь войтыръяс вылӧ да пондас вӧчны сійӧ, мый эз вӧчлыны сылӧн батьясыс да пӧльясыс. Войтыръяслысь мырддялӧм эмбурсӧ да озырлунсӧ сійӧ юклас аслас йӧзлы. Сійӧ мӧвпыштас уськӧдчыны изкаръяс вылӧ. Но тадзи лоӧ сӧмын дженьыд кад чӧж.

Даниил 7:11

Ме аддзи, мый ичӧт сюрыслӧн ышнясян кывъяс вӧсна тайӧ зверсӧ виисны, а сылысь шойсӧ шыбитісны биӧ.

Даниил 7:20

Ме нӧшта кӧсйи тӧдны дас сюрыс йылысь, кодъяс вӧліны сылӧн юр вылас, да куим усьӧм сюр пыдди быдмӧм сюр йылысь. Тайӧ сюрыс лои мукӧд сюр дорысь ыджыдджык, и сылӧн вӧліны синъяс да ышнясьӧмӧн сёрнитысь вом.

Даниил 7:25

Сійӧ кутас сёрнитны Медвылыссалы паныд, кутас дзескӧдны Медвылыссалысь вежа войтырсӧ. Сійӧ мӧвпыштас вежны вежа войтырлысь гажӧдчан лунъяссӧ да Индӧдсӧ. Вежа войтырӧс лоӧ сетӧма сылӧн кипод улӧ ӧти кадколаст кежлӧ, сэсся кык кадколаст кежлӧ да нӧшта кадколаст джын кежлӧ.

Даниил 7:8

Менам видзӧдігкості тайӧ сюръяс пӧвстас быдмис ӧти ичӧт сюр. Дас сюр пӧвстсьыс куимсӧ вӧлі нетшыштӧма, медым сетны места быдмыны ичӧт сюрыслы. Тайӧ сюрыслӧн вӧліны мортлӧн кодь синъяс да ышнясьӧмӧн сёрнитысь вом.

Даниил 8:22

Кор тайӧ сюрыс чегис, сы пыдди петіс нёль сюр. Тайӧ петкӧдлӧ, мый тайӧ войтыр пӧвстсьыс петас нёль юралӧм, но найӧ оз лоны медводдза ӧксылӧн юралӧмыс кодь вынаӧсь.

Даниил 8:24

Сійӧ лоӧ зэв вына, но оз аслас вынӧн сійӧ вынсяв. Сылӧн ставыс кутас артмыны, сійӧ куштас-пазӧдас ставсӧ, бырӧдас вынаясӧс да вежа войтырӧс.

Даниил 8:25

Вежӧрлун да наянлун вӧсна сылӧн ставыс кутас артмыны, и сійӧ асьсӧ вылӧ кыпӧдас. Виччысьтӧг сійӧ унаӧс бырӧдас, тшӧтш ыджыдъяслӧн Ыджыдлы паныд кыпӧдчас. Но тайӧ ӧксысӧ лоӧ бырӧдӧма, сӧмын оз морт киӧн.

Лыд 24:24

Киттимсянь локтасны корабльяс, вермасны Ассурӧс, вермасны Эверӧс, но и найӧс асьнысӧ лоӧ дзикӧдз бырӧдӧма.

Матвей 23:32

Тыртӧй батьясныдлысь лыдсӧ!

Индӧд 28:50

Тайӧ яндысьтӧм войтырыс оз пыдди пукты пӧрысьясӧс да оз жалит томуловӧс.

1 Фессалоникаӧ 2:16

Найӧ оз лэдзны миянлы бурвисьтавлыны ентӧдтӧмъяслы, медым найӧ мездмисны. Тадзи найӧ содтӧны ассьыныс мыжъяссӧ. Но Енлӧн скӧрлуныс суис нин найӧс.

1 Тимофейлы 4:1

Лов веськыда висьталӧ, мый бӧръя кадас кодсюрӧ кежасны эскӧмысь. Найӧ пондасны кывзыны ылӧдчысь ловъясӧс да кутчысясны пеж ловъяслӧн велӧдӧмӧ.

Восьтӧм 19:20

Зверӧс да сы нимсянь шензьӧданаторъяс вӧчысь ылӧгпророкӧс вӧлі кутӧма. Шензьӧданаторъяснас ылӧгпророкыс ылӧдліс найӧс, кодъяс босьтісны зверлысь пассӧ да копрасисны сылӧн серпаслы. Зверӧс да ылӧгпророкӧс ловйӧн вӧлі шыбитӧма биӧн да тэгйӧн сотчысь тыӧ,