Даниил 6:7 - Коми Библия 2023

⁷ Ӧксылӧн муын ыджыдалысьяс, ӧксыув муясын юралысь-веськӧдлысьяс, сатрапъяс да ӧксыӧс туйдӧдысьяс ас костаныс сёрнитчисны корны, медым ӧксы сетас-вынсьӧдас тшӧктӧм, мый комын лун чӧж колӧ кевмысьны сӧмын ӧксылы. А коді пондас кевмысьны мукӧд енлы либӧ мортлы, сійӧс мед шыбитасны левъяслӧн гуӧ.

Даниил 6:7 Cross References

Псалтыр 2:2

Мувывса ӧксыяс ӧтувтчӧны, ыджыдалысьяс кыпӧдчӧны Господьлы паныд да Сылӧн Мавтыштӧмалы паныд, шуӧны:

Псалтыр 59:3

Енмӧй, Тэ дӧзмин миян вылӧ, Тэ эновтін да пасьвартін миянӧс. Бӧр бергӧдчы миянлань!

Псалтыр 59:5

Тэ сетін нуны Аслад войтырлы уна сьӧкыдлун, Тэ юкталін миянӧс коддзӧдан винаӧн.

Псалтыр 62:4

Ӧд Тэнад буралӧмыд олӧм дорысь на бурджык. Менам вомӧй ошкӧ Тэнӧ.

Псалтыр 83:5

Шудаӧсь Тэнад керкаын олысьяс, найӧ дугдывтӧг ошкӧны Тэнӧ.

Даниил 2:4

Найӧ шыасисны ӧксы дінӧ арамей кыв вылын: «Мед олас ӧксы нэмъяс чӧж! Висьтав миянлы, аслад кесйӧгъяслы, вӧттӧ, и ми гӧгӧрвоӧдам сійӧс».

Даниил 3:11

а коді кымынь уськӧдчӧмӧн оз копыртчыв бӧлбанлы, сійӧс шыбитасны ыпъялысь пачӧ.

Даниил 3:2

Сійӧ тшӧктіс чукӧртны сатрапъясӧс, ӧксыув муясын юралысь-веськӧдлысьясӧс, ӧксыӧс туйдӧдысьясӧс, озырлун видзысьясӧс, ёрдысьясӧс да чина йӧзӧс, медым гажӧдчӧмӧн нимӧдны бӧлбанӧс.

Даниил 3:27

Тэ ставсӧ веськыда вӧчин миянкӧд, Тэнад уджъясыд веськыдӧсь, Тэнад туйясыд збыльӧсь, Тэнад мыждӧмыд веськыд.

Даниил 3:6

А коді кымынь уськӧдчӧмӧн оз копыртчыв бӧлбанлы, сійӧс дзик пыр шыбитасны ыпъялысь пачӧ».

Даниил 6:16

Сэки ӧксы тшӧктіс вайӧдны Даниилӧс да шыбитны сійӧс левъяслӧн гуӧ. Ӧксы шуис Данииллы: «Тэнад Енмыд, кодлы тэ дугдывтӧг кесъялан, мед мездас тэнӧ!»

Даниил 6:22

Менам Енмӧй мӧдӧдіс Ассьыс анделсӧ, и сійӧ тупкис левъяслысь вомсӧ. Найӧ эз вермыны вӧчны меным лёксӧ, ӧд Ен водзас ме сӧстӧм, и тэ водзын, ӧксыӧй, ме нинӧмӧн эг мыжмы».

Микей 6:5

Войтырӧй, эн вунӧд, мый мӧвпыштіс вӧчны моавса Валак ӧксы, мый сылы вочавидзис Веорлӧн Валаам пиыс, мый вӧлі тіянкӧд Ситтимсянь Галгалӧдз. Ставсӧ тайӧс уськӧд тӧд вылад, медым тӧдін Господьлысь веськыдлунсӧ.

Наум 2:12

Лев кыйліс кыйдӧс аслас пиянлы, вайліс кыйӧмтор налӧн мамъяслы, тыртліс ассьыс позсӧ кыйдӧсӧн, кырта горссӧ – виӧм пемӧсӧн.

Матвей 12:14

Сэки фарисейяс петісны да пондісны сёрнитны Исусӧс виӧм йылысь.

Матвей 26:4

Найӧ сёрнитчисны ылӧдлӧмӧн босьтны Исусӧс да вины Сійӧс.

Марк 15:1

Асывводзнас чукӧртчисны аркирейяс, юрнуӧдысьяс, Индӧдӧ велӧдысьяс да став веськӧдлан котырыс. Сёрнитчӧм бӧрын Исусӧс кӧрталӧмӧн нуӧдісны Пилат дінӧ да сетісны сылы.

Иоан 12:10

Аркирейяс шуисны вины тшӧтш Лазарӧс,