Даниил 6:26 - Коми Библия 2023

²⁶ Ме тшӧкта, мый быдлаын менам юраланінын мед поласны-тіраласны Данииллӧн Енмысь. Сійӧ – Ловъя Ен, помтӧг олысь Ен, Сылӧн юралӧмыс зумыд, Сылӧн ыджыдалӧмыс помасьлытӧм.

Даниил 6:26 Cross References

Ездра 1:3

Быдӧн Сылӧн войтырысь мед мунас Иуда муӧ Ерусалимӧ. Енмыс мед лоас быдӧнкӧд! Лэптӧй сэні крам Господьлы, Израильлӧн Енлы. Сійӧ – Ен, кодлӧн оланіныс Ерусалимын.

Ездра 7:21

Ме, Артаксеркс ӧксы, Авар-Нахара муын озырлун видзысьяслы тшӧкта: ставсӧ, мый корас тіянлысь Ездра поп, енэжвывса Енлӧн Индӧдӧ велӧдысь, сетӧй нюжмасьтӧг.

Псалтыр 146:10

Сійӧ оз видзӧд вӧвлӧн вынйӧр вылӧ, оз видзӧд мортлӧн ӧдйӧ котӧртӧм вылӧ.

Псалтыр 2:11

Кесъялӧй Господьлы полӧмпырысь, [Сы водзын] нимкодясьӧй вежавидзӧмӧн.

Псалтыр 29:10

«Мый бурыс сыысь, ме кӧ кула да менӧ гуаласны? Кутас ӧмӧй шойыс ошкыны Тэнӧ, юӧртны, мый Тэныд позьӧ эскыны?

Псалтыр 42:2

Тэ ӧд менӧ дорйысь Ен. Мыйла Тэ эновтін менӧ, мыйла меным лоӧ шогсьыны мустӧмтысьяслӧн дзескӧдӧмысь?

Исай 66:2

Ставсӧ тайӧс вӧчӧма Менам киӧн, ставыс тадзи лои, – висьталӧ Господь. – Но Ме видзӧдла коньӧр да рам морт вылӧ, коді вежавидзӧ Менам кывйысь.

Исай 9:7

Сійӧ кутас пукавны Давидлӧн юралан пуклӧсын, Сылӧн ыджыдалӧмлы да лӧньлунлы помыс оз ло. Аслас веськыдлуннас да збыль серти мыждӧмнас Сійӧ ёнмӧдас-вынсьӧдас Ассьыс юралӧмсӧ ӧні и пыр кежлӧ. Тадзи вӧчас Господь Саваоф, ӧд Сійӧ – вежӧгтысь Ен.

Еремей 10:10

Сӧмын Господь эм збыль Енмыс, Сійӧ – ловъя Ен, помтӧг олысь Ӧксы. Сылӧн скӧралӧмысь муыс сыркакылӧ, Сылӧн ярлун водзын войтыръяс вынтӧмӧсь.

Даниил 2:44

Тайӧ юралӧмас ыджыдалысь ӧксыяс дырйи енэжвывса Ен сувтӧдас сэтшӧм юралӧм, кодӧс оз ло бырӧдӧма и оз ло сетӧма мукӧд войтырлы. Тайӧ юралӧмыс жугӧдас да бырӧдас став воддза юралӧмсӧ, а ачыс лоӧ зумыд нэмъяс чӧж.

Даниил 3:29

Ми мыж вӧчим, лёк вӧчим, Тэысь кежим, быдторйын мыжмим.

Даниил 4:3

Ме тшӧкті вайӧдны ме дінӧ вавилонса став тӧдысьсӧ, медым найӧ гӧгӧрвоӧдісны менсьым вӧтӧс.

Даниил 4:34

Ӧні ме, Навукодоносор, ошка-нимӧда да ыдждӧдла енэжвывса Ӧксыӧс. Сылӧн уджъясыс збыльӧсь да туйясыс веськыдӧсь. Сійӧ вермӧ раммӧдны вылӧ кыпӧдчысьясӧс».

Даниил 6:20

Гу дорӧ матыстчигӧн сійӧ нориник гӧлӧсӧн шыасис Даниил дінӧ: «Даниил, ловъя Енлӧн кесйӧг! Вермис-ӧ Тэнад Енмыд, кодлы тэ дугдывтӧг кесъялан, мездыны тэнӧ левъясысь?»

Даниил 7:14

Локтысьлы вӧлі сетӧма юралӧм да нималӧм, Сійӧс вӧлі пуктӧма ӧксыӧ, медым войтыръяс, чужанкотыръяс да быд кыла йӧз кесъялісны Сылы. Сылӧн ыджыдалӧмыс – нэмъяс чӧж, Сылысь юралӧмсӧ некор оз ло вештӧма-бырӧдӧма.

Даниил 7:27

Енэжувса ӧксыяслысь юралӧмсӧ да ыджыдалан вынсӧ лоӧ сетӧма Медвылыссалӧн вежа войтырлы. Медвылыссалӧн юралӧмыс лоӧ нэмъяс чӧж, и став юралысьясыс пондасны кесъявны Сылы да кывзысьны Сылысь».

Осий 1:10

– Израиль войтырлӧн лыдыс лоӧ саридздор лыа мында, найӧс некод оз вермы лыддьыны-артавны. Кӧні вӧлі шуӧма налы: «Ті абу Менам войтыр», сэні налы шуасны: «Ті – ловъя Енлӧн ныв-пи».

Малакий 3:6

Ме – Господь, Ме ог вежлась! И ті, Яковлӧн пиян, абу вежсьӧмныд.

Матвей 6:13

Эн сет миянлы ылавны, но видз миянӧс омӧльысь. Ӧд Тэнад Юралӧмыд, выныд да дзирдлуныд помасьлытӧм. Аминь.

Лука 1:33

Сійӧ кутас ыджыдавны Яков котырын нэмъяс чӧж, да Сылӧн Юралӧмлы оз ло помыс».

Лука 12:5

Висьтала, кодысь колӧ повнысӧ. Полӧй Сыысь, коді виӧм бӧрас вермӧ шыбитны адӧ. Шуа тіянлы: Сыысь полӧй.

Ап. уджъяс 17:25

Мортсянь отсӧгыс Сылы оз ков, Сылӧн ставыс эм. Сійӧ Ачыс сетӧ быдӧнлы олӧм, ловшы да став коланасӧ.

Римӧ 9:26

Кӧні вӧлі шуӧма: «Ті абу Менам войтыр», сэні найӧс шуасны ловъя Енлӧн ныв-пиӧн.

Индӧд 5:26

Кывліс-ӧ кодкӧ миян моз би пытшсянь сёрнитысь ловъя Енлысь гӧлӧс шысӧ, и ловйӧн колис?

1 Фессалоникаӧ 1:9

Миянлы быдлаын висьтавлӧны, кыдзи ті сибӧдінныд миянӧс да бергӧдчинныд идолъясысь. Ті кутінныд кесъявны збыль да ловъя Енлы

Еврейяслы 12:29

ӧд миян Енным – ставсӧ сотысь би.

Яков 1:17

Быдпӧлӧс бурсетӧмыс да тыр-бур козиныс воӧ вылісянь, югыдыслӧн Батьсянь. Сійӧ некор оз вежсьыв, Сылӧн югыдыс некор оз кус.

Восьтӧм 11:15

Кор сизимӧд анделыс тутсіс трубаӧ, енэжас кылісны гора шыяс. Найӧ шуалісны: – Став муюгыдыс лои миян Господьлӧн да Сылӧн Мавтыштӧмалӧн юраланінӧн. Сійӧ кутас юравны нэмъяс чӧж!

Восьтӧм 4:10

сэки кызь нёль юрнуӧдысьыс уськӧдчӧны юралан пуклӧсын Пукалысь водзӧ да копыртчылӧны помтӧг Олысьлы. Ассьыныс юркытшсӧ пуклӧс водзӧ пуктӧмӧн найӧ шуалӧны:

Восьтӧм 5:14

Сэки енэжвыв нёль олысьыс шуисны: «Аминь!» А кызь нёль юрнуӧдысьыс уськӧдчисны да копыртчылісны помтӧг Олысьлы.

Ӧксыяслӧн 1 небӧг 17:26

Давид юаліс сыкӧд орччӧн сулалысьяслысь: «Мый вичмас сійӧ мортыслы, коді виас тайӧ вундыштчытӧм филистимсасӧ да вештас Израиль вылысь янӧдӧмсӧ? Коді сійӧ сэтшӧмыс, мый лысьтӧ увтыртны ловъя Енлысь тышкайӧзсӧ?»

Ӧксыяслӧн 1 небӧг 17:36

Ме виавлі левӧс и ошкӧс. Тайӧ вундыштчытӧм филистимсаыскӧд тшӧтш тадзи лоӧ. Сійӧ ӧд увтыртӧ ловъя Енлысь тышкайӧзсӧ. [Ме муна да верма сійӧс, мед вештыны янӧдӧмсӧ Израиль вылысь. Тайӧ вундыштчытӧмыс миянлы некод.]»