Даниил 5:11 - Коми Библия 2023

¹¹ Тэнад муын олӧ морт, код пытшкын вежа Енлӧн Лолыс. Тэнад батьыдлӧн веськӧдлан кадӧ на аддзисны, мый сы пытшкын эм сюсьлун, вежӧрлун да енъяслӧн кодь мывкыдлун. Навукодоносор ӧксы, тэнад батьыд, пуктіс сійӧс туналысьяс, кимӧститчысьяс, калдеяса мывкыд йӧз да пемӧс мускӧн тунасьысьяс вылын ыджыдӧн.

Даниил 5:11 Cross References

Олӧм 41:38

Фараон шуис налы: «Сюрас-ӧ миянлы Ӧсип кодь мортыс, ӧд сы пытшкын Енлӧн Лов?»

Ӧксыяслӧн 2 небӧг 14:17

Ме, тэнад кесйӧг, аслым шуи: ”Мед ӧксылӧн, менам ыджыдлӧн, шуӧмыс бурӧдас-лӧньӧдас менӧ. Ӧд менам ӧксыӧй-ыджыдӧй Енлӧн андел кодь, кужӧ торйӧдны бурсӧ лёксьыс”. Ӧксыӧй, мед Господь, тэнад Енмыд, лоӧ тэкӧд!»

Езекиль 28:3

Тэ лоин Даниилысь мывкыдджык на, став гусяторйыс тэныд лои восьса.

Езекиль 28:4

Аслад мывкыдлун да вежӧр отсӧгӧн тэ озырмӧдчин, чукӧртін аслыд зарни-эзысь.

Даниил 1:4

кодъяс чужӧмнас мичаӧсь да вир-яйнас тырвыйӧ бурӧсь, ыджыд мывкыдаӧсь, сюсь вежӧраӧсь да кужӧны пырӧдчыны быдпӧлӧс тӧдӧмлунӧ, медым кесъявны ӧксы керкаын. Ӧксы тшӧктіс велӧдны найӧс лыддьысьны да сёрнитны калдеяса кыв вылын,

Даниил 2:11

Ӧксы юасьӧ сэтшӧм сьӧкыдтор йылысь, мый некод оз вермы вочавидзны сылы енъяс кындзи, кодъяс оз овны йӧз пӧвстын».

Даниил 2:22

Сійӧ восьтӧ пыдӧ дзебӧмасӧ да гусяторсӧ, тӧдӧ, мый дзебӧма пемыдас, и югыдыс олӧ Сыкӧд.

Даниил 4:18

Сылӧн коръясыс вӧліны мичаӧсь, сы вылын вотӧсыс вӧлі уна, и сысянь пӧткӧдчисны ставныс. Сы улын олісны пемӧсъяс, сылӧн вожъяс вылын поздысьлісны енэжвывса лэбачьяс.

Даниил 4:5

Медбӧрти локтіс ме дінӧ Даниил, код пытшкын вежа Енлӧн Лолыс. Данииллы вӧлі сетӧма менам Белтешацар енлысь нимсӧ. Ме висьталі Данииллы ассьым вӧтӧс,

Даниил 4:6

шуи: ”Белтешацар, тэ туналысьяс вылын ыджыдыс. Ме тӧда, мый тэ пытшкын вежа Енлӧн Лолыс, и тэ верман восьтны гусяторъяс. Гӧгӧрвоӧд меным вӧтӧс.

Даниил 5:14

Ме кывлі, мый тэ пытшкын Енлӧн Лолыс, и тэнад эм сюсьлун, вежӧрлун да ыджыд мывкыдлун.

Даниил 5:7

Ӧксы гораа горӧдіс, медым вайӧдісны сы дінӧ кимӧститчысьясӧс, калдеяса мывкыд йӧзӧс да пемӧс мускӧн тунасьысьясӧс. Сійӧ шуис вавилонса тӧдысь-туналысьяслы: «Коді лыддяс да гӧгӧрвоӧдас стенмӧ гижӧмасӧ, сійӧс пасьтӧдасны пемыдгӧрд паськӧмӧ, сьыліас ӧшӧдасны зарни чеп, и сійӧ лоӧ менам муын чин серти коймӧд юралысьӧн».

Ап. уджъяс 12:22

Йӧзыс гораа шуалісны, тайӧ пӧ Ен сёрнитӧ, оз морт.

Ап. уджъяс 14:11

Тайӧс аддзӧм бӧрын йӧзыс асланыс ликаония кыв вылын пондісны гораа шуавны, енъяс пӧ морт кодьӧн лэччисны миян дінӧ.

Ап. уджъяс 16:16

Ӧтчыд кевмысьны муніганым паныдасис миянлы ӧти кесйӧг ань, код пытшкын вӧлі тунасян лов. Туналӧмнас сійӧ уна сьӧм вайис аслас ыджыдъяслы.

Восьтӧм 3:9

Со, Ме сета тэныд сӧтаналӧн йӧз чукӧрысь найӧс, кодъяс шуӧны асьнысӧ иудейясӧн, но найӧ абу иудейяс, а пӧръясьысьяс. Ме вӧча тадзи: найӧ локтасны да уськӧдчасны тэнад кок улӧ. Сэки тӧдмаласны, мый тэ – Меным муса.