Даниил 4:9 - Коми Библия 2023

⁹ Сылӧн коръясыс вӧліны мичаӧсь, сы вылын вотӧсыс вӧлі уна, и сысянь пӧткӧдчисны ставныс. Сылӧн вуджӧр улӧ сайӧдчывлісны пемӧсъяс, сылӧн вожъяс вылын поздысьлісны енэжвывса лэбачьяс, и сысянь пӧткӧдчис быд ловъя олысь.

Даниил 4:9 Cross References

Олӧм 41:38

Фараон шуис налы: «Сюрас-ӧ миянлы Ӧсип кодь мортыс, ӧд сы пытшкын Енлӧн Лов?»

Исай 33:18

Тэ казьтыштан бӧрӧ кольӧм полӧмсӧ да шуан: «Кӧні ӧні сійӧ, коді гижавліс вот мынтӧмнымӧс? Кӧні сійӧ, коді веситліс вот мынтан сьӧмнымӧс? Кӧні сійӧ, коді видзӧдаліс-лыддис башняяснымӧс?»

Исай 54:14

Веськыдлуныс ёнмӧдас тэнӧ, тэнӧ оз кутны дзескӧдны, тэ он кут повны таысь, тэныд оз вӧчны лёксӧ – сійӧ оз матыстчы тэ дінӧ.

Езекиль 17:23

Израильса джуджыд керӧс вылын сійӧ пашкыртчас-быдмас, сетас коль, лоас ыджыдсьыс-ыджыд сус пуӧн. Сылӧн увъяс вылас поздысясны лэбачьяс, вожъяслӧн вуджӧр улӧ вӧчасны аслыныс оланін.

Езекиль 28:3

Тэ лоин Даниилысь мывкыдджык на, став гусяторйыс тэныд лои восьса.

Даниил 1:20

Быд пӧрйӧ, кор ӧксы юасис налысь мый йылысь кӧ, мый вылӧ колана вӧлі мывкыдлун да сюсь вежӧр, сійӧ аддзис, мый найӧ вӧліны дас пӧв мывкыдаӧсь сылӧн муас олысь став туналысь да кимӧститчысь дорысь.

Даниил 2:47

Ӧксы шуис Данииллы: «Збыльысь, тіян Енныд – енъяслӧн Ен да ӧксыяслӧн Ыджыдыс. Сійӧ – гусятор Восьтысь, ӧд тэ вермин восьтны тайӧ гусяторсӧ».

Даниил 2:48

Та бӧрти ӧксы вылӧ кыпӧдіс Даниилӧс, сетіс сылы уна дона козин, индіс сійӧс Вавилон нима ӧксыув муын юралысьӧн да вавилонса став тӧдысьыс вылын медыджыдӧн.

Даниил 4:18

Сылӧн коръясыс вӧліны мичаӧсь, сы вылын вотӧсыс вӧлі уна, и сысянь пӧткӧдчисны ставныс. Сы улын олісны пемӧсъяс, сылӧн вожъяс вылын поздысьлісны енэжвывса лэбачьяс.

Даниил 4:5

Медбӧрти локтіс ме дінӧ Даниил, код пытшкын вежа Енлӧн Лолыс. Данииллы вӧлі сетӧма менам Белтешацар енлысь нимсӧ. Ме висьталі Данииллы ассьым вӧтӧс,

Даниил 4:8

пуыс вӧлі ыджыд да ён, йывнас сійӧ инмис енэжӧдзыс, тыдаліс му помӧдзыс.

Даниил 5:11

Тэнад муын олӧ морт, код пытшкын вежа Енлӧн Лолыс. Тэнад батьыдлӧн веськӧдлан кадӧ на аддзисны, мый сы пытшкын эм сюсьлун, вежӧрлун да енъяслӧн кодь мывкыдлун. Навукодоносор ӧксы, тэнад батьыд, пуктіс сійӧс туналысьяс, кимӧститчысьяс, калдеяса мывкыд йӧз да пемӧс мускӧн тунасьысьяс вылын ыджыдӧн.

Ӧксыяслӧн 1 небӧг 4:8

Курыд шог миянлы! Коді мездас миянӧс тайӧ вына Енсьыс? Ӧд тайӧ Енмыс уна ногӧн чорыда мыждыліс египетсаясӧс овтӧминын.