Даниил 4:14 - Коми Библия 2023

¹⁴ Тадзи лоӧ андел-видзысьяслӧн тшӧктӧм серти, вежа анделъяслӧн шуӧм серти, мед ловъя олысьяс тӧдісны, мый Медвылыссаыс ыджыдалӧ мувывса став йӧзыс вылын, пуктӧ ӧксыӧ, кодӧс кӧсйӧ, пуктӧ юралысьӧ йӧз пӧвстысь медічӧтсӧ.

Даниил 4:14 Cross References

Иов 24:20

Чужтысь мамыс мед вунӧдас сійӧс, вегыль мед чӧсмасяс сыӧн. Лёк вӧчысьӧс мед оз казьтывны, косьмӧм пуӧс моз мед керыштасны сійӧс,

Еремей 27:5

мый Аслам ыджыд вынӧн да нюжӧдӧм киӧн Ме вӧчи мусӧ, йӧзӧс да мувывса пемӧсъясӧс и сета найӧс кодлы кӧсъя.

Еремей 51:6

Пышйӧй Вавилонысь, видзӧй ассьыныд олӧмнытӧ, медым Вавилонлӧн мыжъяс вӧсна энӧ кулӧй, ӧд воис кад, кор Господь мынтысьӧ Вавилонлы, водзӧс перйӧ сылысь.

Еремей 51:9

– Ми зілим бурдӧдны Вавилонӧс, но сійӧ эз бурд. Эновтӧй сійӧс! Быдӧн мунамӧй асланым муӧ, ӧд Вавилонӧс мыждӧмыс сэтшӧм ыджыд, мый воис енэжӧдз, кыпӧдчис кымӧръясӧдз.

Езекиль 31:10

Господь Ыджыдыс тадзи висьталӧ: сус пуыс быдмис джуджыда, мукӧд пуясысь вылӧджык, да ышнясис.

Даниил 2:21

Сійӧ вежлалӧ кадъяс да вояс, вештӧ ӧксыясӧс да сувтӧдӧ выльясӧс, мывкыдаяслы Сійӧ сетӧ мывкыдлун, вежӧраяслы – вежӧрлун.

Даниил 3:4

Сэки юӧртысь гораа горӧдіс: «Кывзӧй, войтыръяс, чужанкотыръяс да быд кыла йӧз!

Даниил 4:12

Но мырсӧ вужъяснас кольӧй муас, дорӧй сійӧс кӧрт да ыргӧн чепъясӧн. Енэжвывса лысваыс мед кӧтӧдас сійӧс видз вылын, пемӧсъяскӧд ӧтлаын мед олас турун пӧвстын.

Даниил 4:23

А мый пуыслысь мырсӧ вужъяснас вӧлі тшӧктӧма кольны, – тайӧ висьталӧ сы йылысь, мый тэнсьыд юралӧмтӧ бӧр лоӧ бергӧдӧма тэныд, кор тэ гӧгӧрвоан, мый став вылас ыджыдалӧ енэжвывса Ен.

Даниил 4:29

Тэнӧ вӧтласны йӧз дінысь, и тэ пондан овны пемӧсъяскӧд ӧтлаын. Ӧшкӧс моз тэнӧ пондасны вердны турунӧн. Тадзи лоӧ сизим во чӧж, кытчӧдз тэ он гӧгӧрво, мый Медвылыссаыс ыджыдалӧ мувывса став йӧзыс вылын да пуктӧ ӧксыӧ, кодӧс кӧсйӧ».

Даниил 5:20

Но ачыс сійӧ вылӧ кыпӧдчис, чорзьӧдіс сьӧлӧмсӧ да пондіс этш тӧдтӧг ышнясьны, и сійӧс вӧлі шыбитӧма ӧксылӧн юралан пуклӧсысь, сійӧ воштіс ассьыс нималӧмсӧ.

Даниил 5:21

Сійӧс вӧтлісны йӧз дінысь, и сылӧн вежӧрыс лои пемӧслӧн кодь. Сійӧ оліс вӧлявывса осёлъяскӧд, ӧш моз сёйис турун, сылысь вир-яйсӧ кӧтӧдіс лысва. Тадзи вӧлі сыкӧд, кытчӧдз сійӧ эз гӧгӧрво, мый Медвылысса Енмыс ыджыдалӧ мувывса став йӧзыс вылын да пуктӧ ӧксыӧ, кодӧс кӧсйӧ.

Матвей 3:10

Черыс пу вужйыс дорын нин куйлӧ. Пуыс кӧ оз вай бур вотӧс, сійӧс кералӧны да шыбитӧны биӧ.

Матвей 7:19

Пуыс кӧ оз вай бур вотӧс, сійӧс кералӧны да шыбитӧны биӧ.

Лука 3:9

Черыс пу вужйыс дорын нин куйлӧ. Пуыс кӧ оз вай бур вотӧс, сійӧс кералӧны да шыбитӧны биӧ».

Восьтӧм 10:3

и лев моз равӧстіс-горӧдіс ыджыд шыӧн. Сылӧн горӧдӧм бӧрын сизим гым кутісны гораа сёрнитны.

Восьтӧм 18:2

Андел зэв гораа горӧдіс: – Киссис, киссис ыджыд Вавилон кар! Сійӧ лоис оланінӧн мутияслы да пеж ловъяслы, лоис позйӧн пеж да зывӧк лэбачьяслы. Аслас кырсалӧм вӧсна сійӧ юктӧдіс войтыръясӧс скӧрлуна винаӧн.