Даниил 3:6 - Коми Библия 2023

⁶ А коді кымынь уськӧдчӧмӧн оз копыртчыв бӧлбанлы, сійӧс дзик пыр шыбитасны ыпъялысь пачӧ».

Даниил 3:6 Cross References

Олӧм 19:28

Видзӧдліс Содом да Гомора каръяслань, став ковтыс вылӧ да аддзис, мый ломтысьысь пачысь моз муысь кыптӧ тшын.

Петӧм 20:5

Эн копрась да эн юрбит налы, ӧд Ме, Господь, тэнад Ен – вежӧгтысь Ен. Батьныслӧн мыж вӧсна Ме водзӧс перъя Менӧ мустӧмтысь челядьыслысь коймӧд да нёльӧд чужанвужйӧдз.

Исай 44:17

Мӧд джынсьыс сійӧ вӧчӧ енмӧс, вӧчӧ аслыс бӧлбанӧс да юрбитӧ сылы, копрасьӧ сылы да кевмысьӧ: «Мезды менӧ, ӧд тэ – менам ен».

Еремей 29:22

Иудаысь Вавилонӧ пленӧ нуӧдӧмаяс пондасны ӧта-мӧднысӧ ёрны тадзи: Господь мед вӧчас тэкӧд сійӧ жӧ, мый вӧчис Седекейкӧд да Ахавкӧд, кодъясӧс вавилонса ӧксы сотіс бипур вылын.

Даниил 2:5

Ӧксы вочавидзис тӧдысь-туналысьяслы: «Кывзӧй менсьым шуӧмӧс. Ті кӧ онӧ висьталӧй да онӧ гӧгӧрвоӧдӧй менсьым вӧтӧс, тіянӧс торпыригӧдз кераласны и тіянлысь керкаяснытӧ пазӧдасны.

Даниил 3:11

а коді кымынь уськӧдчӧмӧн оз копыртчыв бӧлбанлы, сійӧс шыбитасны ыпъялысь пачӧ.

Даниил 3:15

Но талунсянь лоӧй дасьӧсь. Кор ті кыланныд буксанлысь, пӧлянлысь, цитралысь, гуслилысь, арфалысь, тутсанлысь да мукӧд ворсанторлысь шысӧ, сэки кымынь уськӧдчӧмӧн копыртчылӧй меӧн сувтӧдӧм бӧлбанлы. А онӧ кӧ копыртчылӧй, тіянӧс дзик пыр шыбитасны ыпъялысь пачӧ. Кутшӧм Ен сэки вермас мездыны тіянӧс менам киысь?»

Даниил 3:21

Найӧс кӧрталісны, сэсся шыбитісны ыпъялысь пачӧ став паськӧмнас да юрвевттьӧднас.

Даниил 3:7

Та вӧсна буксанлысь, пӧлянлысь, цитралысь, гуслилысь, арфалысь да мукӧд ворсанторлысь шысӧ кылігӧн войтыръяс, чужанкотыръяс да быд кыла йӧз кымынь уськӧдчӧмӧн копыртчылісны зарни бӧлбанлы, кодӧс сувтӧдіс Навукодоносор ӧксы.

Даниил 5:19

Сылӧн ыджыдалан вынысь, мый сетіс сылы Енмыс, полісны-тіралісны войтыръяс, чужанкотыръяс да быд кыла йӧз. Кодӧс ӧксы кӧсйис, сійӧс и виис, кодӧс кӧсйис, сійӧс ловйӧн колис, кодӧс кӧсйис, сійӧс кыпӧдіс, кодӧс кӧсйис, сійӧс лэдзис.

Даниил 6:7

Ӧксылӧн муын ыджыдалысьяс, ӧксыув муясын юралысь-веськӧдлысьяс, сатрапъяс да ӧксыӧс туйдӧдысьяс ас костаныс сёрнитчисны корны, медым ӧксы сетас-вынсьӧдас тшӧктӧм, мый комын лун чӧж колӧ кевмысьны сӧмын ӧксылы. А коді пондас кевмысьны мукӧд енлы либӧ мортлы, сійӧс мед шыбитасны левъяслӧн гуӧ.

Матвей 13:42

Сэсся шыбитасны найӧс биӧ. Сэні лоӧ бӧрдӧм да пинь йирӧм.

Матвей 13:50

да биӧ шыбитасны. Сэні лоӧ бӧрдӧм да пинь йирӧм».

Матвей 4:9

Сэсся шуис: «Ставсӧ тайӧс сета Тэныд, копыртчылан кӧ меным».

Марк 6:27

Дзик пыр сійӧ ыстіс шыпуртаӧс да тшӧктіс вайны Иоанлысь юрсӧ.

Восьтӧм 14:11

Найӧс мучитан билӧн тшыныс кутас кыпӧдчыны нэмъяс чӧж. Найӧ, кодъяс копыртчыласны зверлы да сылӧн серпаслы да сетасны пасйыны асьнысӧ сылӧн нимӧн, оз кутны тӧдны шойччӧгсӧ лунын ни войын.

Восьтӧм 9:2

Кор сійӧ восьтіс пыдӧстӧминсӧ, сэтысь ыджыд пачысь моз пуркнитіс тшын. Тайӧ тшынсьыс пемдіс шондіыс и сынӧдыс.