Даниил 2:40 - Коми Библия 2023

⁴⁰ Нёльӧд юралӧмыс лоӧ кӧрт кодь зумыд. Кыдзи кӧрт жуглӧ-изӧ да пазӧдӧ ставсӧ, тадзи жӧ сійӧ пондас жуглыны-пазӧдны став воддза юралӧмсӧ.

Даниил 2:40 Cross References

Иов 9:17

Тӧвныр моз Сійӧ уськӧдчӧ ме вылӧ, нинӧм абусьыс дойясӧс содтӧ,

Еремей 15:12

Коді вермас жугӧдны кӧрт, войвывсянь локтысь кӧрт да ыргӧн?

Даниил 2:33

Сылӧн кокчӧръясыс вӧліны кӧртысь, а кокъяссӧ вӧлі вӧчӧма кытсюрӧ сёйысь, кытсюрӧ кӧртысь.

Даниил 2:39

Тэнад юралӧмыд бӧрти лоӧ мӧд юралӧм, но сійӧ оз ло тэнад кодь вына. Ыргӧныс висьталӧ коймӧд юралӧм йылысь, мый лоӧ став му пасьтала.

Даниил 2:41

Нӧшта тэ аддзылін кокъяс да кок чуньяс, кодъясӧс вӧчӧма кытсюрӧ сёйысь, кытсюрӧ кӧртысь. Тайӧ висьталӧ сы йылысь, мый нёльӧд юралӧмыс юксяс. Но сэні лоӧ мыйтакӧ кӧртлӧн чорыдлуныс, кыдзи тэ аддзылін, мый сёй пытшкас вӧлі кӧрт.

Даниил 7:7

Нӧшта ме аддзи нёльӧд зверӧс. Сійӧ вӧлі зэв скӧр, ёна повзьӧдлана да ыджыд вынйӧра, сылӧн вӧліны ыджыд кӧрт пиньяс. Сійӧ ставсӧ косявліс-ньылаліс, а коляссӧ таляліс кокъяснас. Сійӧ торъяліс мукӧд воддза зверсьыс, сылӧн вӧлі дас сюр.

Даниил 8:24

Сійӧ лоӧ зэв вына, но оз аслас вынӧн сійӧ вынсяв. Сылӧн ставыс кутас артмыны, сійӧ куштас-пазӧдас ставсӧ, бырӧдас вынаясӧс да вежа войтырӧс.

Даниил 9:26

Квайтымын кыкысь сизим во мысти Мавтыштӧмаӧс лоӧ виӧма, и Сыкӧд некод оз коль. А карсӧ да вежаинсӧ бырӧдас локтана юралысьлӧн войтырыс. Тайӧ юралысьлӧн помыс лоӧ ва ойдӧм кодь, и тыш помӧдзыс лоӧ пазӧдӧм-бырӧдӧм.

Амос 1:3

Господь тадзи висьталӧ: – Дамаск карын олысьяс мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд кӧртысь вӧчӧм вартан гӧгыльӧн Галаад му вывті мунісны.

Иоан 11:48

Лэдзам кӧ Сылы водзӧ тадзи вӧчны, ставныс кутасны эскыны Сылы. Сэки локтасны римсаяс да бырӧдасны миянлысь вежаиннымӧс да войтырнымӧс».