Даниил 2:4 - Коми Библия 2023

⁴ Найӧ шыасисны ӧксы дінӧ арамей кыв вылын: «Мед олас ӧксы нэмъяс чӧж! Висьтав миянлы, аслад кесйӧгъяслы, вӧттӧ, и ми гӧгӧрвоӧдам сійӧс».

Даниил 2:4 Cross References

Олӧм 31:47

Лаван нимтіс мыльксӧ Егар-Сагадутаӧн, а Яков нимтіс Галаадӧн.

Олӧм 41:8

Асывнас фараон пондіс майшасьны. Сійӧ корис египетса тӧдысьясӧс да мывкыда йӧзӧс и висьталіс налы ассьыс вӧтсӧ. Но некод эз куж гӧгӧрвоӧдны фараонлысь вӧтсӧ.

Ӧксыяслӧн 3 небӧг 1:25

Талун сійӧ мунӧма да вись вайӧм могысь начкӧма уна ӧшкӧс, куканьӧс да ыжӧс. Корӧма сэтчӧ, ӧксыӧй, став тэнсьыд пиянтӧ, тышкайӧзӧн веськӧдлысьясӧс да Авиатар попӧс. Ӧні найӧ ставныс сёйӧны-юӧны да шуалӧны: ”Мед олас Адоний ӧксы!”

Ӧксыяслӧн 3 небӧг 1:31

Вирсавия муӧдзыс копыртчылӧмӧн шуис ӧксылы: «Мед олас нэмъяс чӧж Давид ӧксы, менам ыджыдӧй!»

Ӧксыяслӧн 4 небӧг 18:26

Хилкилӧн Эляким пиыс, Шевнай да Йоах шуисны ассурса ӧксылӧн эскана мортлы: «Корам тэнӧ, ыджыдӧй, сёрнит миянкӧд арамей кыв вылын, ми ӧд гӧгӧрвоам. Эн сёрнит миянкӧд еврей кыв вылын, ӧд карса стен вылын войтырыс ставсӧ кылӧ».

Ездра 4:7

Бӧрынджык персияса Артаксеркс ӧксылӧн веськӧдлігӧн Бишлам, Мифредат да Табел асланыс йӧзкӧд ыстісны ӧксылы гижӧд. Сійӧс гижӧма вӧлі арамей кыв вылын.

Неемий 2:3

Полӧмпырысь вочавидзи сылы: «Кузь нэм ӧксылы! Кыдзи нӧ ме верма дзебны шогсьӧмӧс, кор кисьтӧма карсӧ, кытчӧ дзебӧма менсьым батьясӧс, да сотӧма карыслысь дзиръяяссӧ».

Исай 36:11

Эляким, Шевнай да Йоах шуисны ассурса ӧксылӧн эскана мортлы: «Корам тэнӧ, ыджыдӧй, сёрнит миянкӧд арамей кыв вылын, ми ӧд гӧгӧрвоам. Эн сёрнит миянкӧд еврей кыв вылын, ӧд карса стен вылын войтырыс ставсӧ кылӧ».

Исай 44:25

Ме нинӧмӧ бергӧда ылӧгпророкъяслысь индысьпасъяссӧ, эрдӧда туналысьяслысь йӧйталӧмсӧ, шӧйӧвошта тӧдысьясӧс, налысь тӧдӧмлунсӧ вӧча нинӧмӧн.

Даниил 1:4

кодъяс чужӧмнас мичаӧсь да вир-яйнас тырвыйӧ бурӧсь, ыджыд мывкыдаӧсь, сюсь вежӧраӧсь да кужӧны пырӧдчыны быдпӧлӧс тӧдӧмлунӧ, медым кесъявны ӧксы керкаын. Ӧксы тшӧктіс велӧдны найӧс лыддьысьны да сёрнитны калдеяса кыв вылын,

Даниил 2:7

Найӧ мӧдысь шуисны: «Ӧксыӧй, висьтав миянлы, аслад кесйӧгъяслы, вӧттӧ, и ми гӧгӧрвоӧдам сійӧс».

Даниил 3:9

Найӧ шуисны Навукодоносор ӧксылы: «Мед олас ӧксы нэмъяс чӧж!

Даниил 4:19

Ӧксыӧй, тэ – тайӧ пуыс. Тэ лоин ыджыд да вына, тэнад ыджыдалӧмыд инмӧ енэжӧдзыс, тэнад юралӧмыд паськалӧ му помӧдзыс.

Даниил 4:7

Вольпасьын куйлігӧн менам вӧлі татшӧм аддзылӧм: Му шӧрас сулаліс зэв джуджыд пу,

Даниил 4:9

Сылӧн коръясыс вӧліны мичаӧсь, сы вылын вотӧсыс вӧлі уна, и сысянь пӧткӧдчисны ставныс. Сылӧн вуджӧр улӧ сайӧдчывлісны пемӧсъяс, сылӧн вожъяс вылын поздысьлісны енэжвывса лэбачьяс, и сысянь пӧткӧдчис быд ловъя олысь.

Даниил 5:10

Ӧксылӧн мамыс кывліс, мый йылысь сёрнитӧны ӧксы да сылӧн чина йӧзыс, и локтіс налӧн гажӧдчанінӧ. Сійӧ шуис: «Мед олас ӧксы нэмъяс чӧж! Ӧксыӧй, тэнад мӧвпъясыд мед оз майшӧдлыны тэнӧ, тэнад чужӧмыд мед оз кельдӧд!

Даниил 5:8

Локтісны ӧксылӧн тӧдысьясыс, но эз вермыны лыддьыны гижӧмасӧ, эз вермыны гӧгӧрвоӧдны сійӧс ӧксылы.

Даниил 6:21

Даниил вочавидзис ӧксылы: «Мед олас ӧксы нэмъяс чӧж!

Даниил 6:6

Ыджыдалысьяс да сатрапъяс ӧтвылысь локтісны ӧксы дінӧ да шуисны сылы: «Мед олас Дарий ӧксы нэмъяс чӧж!

Даниил 6:7

Ӧксылӧн муын ыджыдалысьяс, ӧксыув муясын юралысь-веськӧдлысьяс, сатрапъяс да ӧксыӧс туйдӧдысьяс ас костаныс сёрнитчисны корны, медым ӧксы сетас-вынсьӧдас тшӧктӧм, мый комын лун чӧж колӧ кевмысьны сӧмын ӧксылы. А коді пондас кевмысьны мукӧд енлы либӧ мортлы, сійӧс мед шыбитасны левъяслӧн гуӧ.

Матвей 21:9

Водзас да бӧрас мунысьяс горзісны: – Осанна! Ошкӧм Давид Пилы! Бурсиӧма Господь нимӧн Локтысьӧс! Ошкӧм Медвылыссалы!

Ӧксыяслӧн 1 небӧг 10:24

Самуил шуис став Израиль войтырлы: «Аддзанныд, кодӧс бӧрйис Господь? Войтыр пӧвстаным мӧдыс сы кодьыс абу». Сэки став йӧзыс гораа горӧдісны: «Мед олас ӧксы!»