Даниил 11:5 - Коми Библия 2023

⁵ Лунвывса ӧксы лоӧ зэв вына, но сылӧн тышкайӧзӧн веськӧдлысьяс пӧвстысь ӧти лоӧ сыысь на вынаджык, и тайӧ веськӧдлысьлӧн кипод улын муыс лоӧ лунвывса ӧксылӧн дорысь унджык на.

Даниил 11:5 Cross References

Даниил 11:11

Лунвывса ӧксы ёна скӧрмас да тышӧ петас войвывса ӧксылы паныд. Войвывса ӧксы чукӧртас уна лыда тышкайӧзӧс, но лунвывса ӧксы аслас тышкайӧзкӧд пасьвартас найӧс.

Даниил 11:14

Сійӧ кадас унаӧн кыпӧдчасны лунвывса ӧксылы паныд. Тэнад Израиль войтырыд пӧвстысь тшӧтш кыпӧдчасны сылы паныд лёк вӧчысьяс, медым иніс Енсянь восьтӧмыс. Но найӧс лоӧ вермӧма.

Даниил 11:25

Войвывса ӧксы чукӧртас уна лыда тышкайӧзӧс да став выннас повтӧг петас тышӧ лунвывса ӧксылы паныд. Лунвывса ӧксы чукӧртас нӧшта на унджык да вынаджык тышкайӧзӧс, но сылы паныд гуся сёрнитчӧм вӧсна оз вермы войвывса ӧксыӧс.

Даниил 11:40

Бӧръя кадас лунвывса ӧксы петас тышӧ войвывса ӧксылы паныд. Ыджыд тӧвныр моз войвывса ӧксы уськӧдчас сы вылӧ аслас тарантасъясӧн, вӧвъясӧн да корабльясӧн. Ойдӧм ва моз сійӧ ыльӧбтас-уськӧдчас уна му вылӧ.

Закар 6:6

Сьӧд вӧвъяс мунасны войвыв муӧ, еджыдъяс – на бӧрся, пегана вӧвъяс – лунвыв муӧ.