Даниил 10:21 - Коми Библия 2023

²¹ И тайӧ тышас некод оз отсав меным Микаил, тіян юралысь анделныд, кындзи. Но ме висьтала тэныд, мый гижӧма Збыльыслӧн небӧгас.

Даниил 10:21 Cross References

Даниил 10:13

Но Персия муын юралысь андел кызь ӧти лун чӧж водзсасис мекӧд, и меным ковмис кольччыны сэтчӧ персияса ӧксыяс дінӧ. Сэсся Микаил, медыджыд юралысь анделъясысь ӧти, локтіс отсавны меным.

Даниил 12:1

Сійӧ кадас локтас Микаил, ыджыд юралысь андел, тэнсьыд войтыртӧ дорйысь. Сэки пуксяс сьӧкыд кад, кутшӧм эз на вӧвлы войтыръяслӧн олан кадӧ. Но тэнад войтыр пӧвстысь мездмасны ставныс, кодъяслысь нимсӧ гижӧма Небӧгӧ.

Даниил 12:4

Но тэ, Даниил, эн восьт тайӧ кывъяссӧ, а тупкы тайӧ небӧгсӧ печатьӧн, кытчӧдз оз во бӧръя кадыс. Сэки унаӧн лыддясны сійӧс, и налӧн тӧдӧмлуныс содас».

Даниил 8:26

Сійӧ, мый тэ аддзылін рыт да асыв йылысь, – збыль. Но тэ некодлы тайӧс эн восьт, ӧд аддзылӧмыс локтана кад йылысь».

Даниил 9:22

Сійӧ сёрнитіс мекӧд да туйдӧдіс менӧ: «Даниил, ме локті, медым вежӧрсьӧдны тэнӧ.

Даниил 9:25

Тӧд да гӧгӧрво, мый сійӧ кадсяньыс, кор петас тшӧктӧм выльысь сувтӧдны Ерусалим кар, да сійӧ кадӧдзыс, кор локтас мавтыштӧм Ӧксы, коляс сизимысь сизим во да квайтымын кыкысь сизим во. Сьӧкыд кадӧ Ерусалим карсӧ лоӧ выльысь кыпӧдӧма, изэрдъяссӧ да стенъяссӧ лоӧ выльысь вӧчӧма.

Амос 3:7

Господь Ыджыдыс нинӧм оз вӧч, оз кӧ восьт гусяторсӧ Аслас кесйӧгъяслы, пророкъяслы.

Ап. уджъяс 15:15

Тадзи висьталӧны тшӧтш пророклӧн кывъясыс, ӧд гижӧма:

Ап. уджъяс 15:18

Нэмъяс пуксьытӧдзыс на Сійӧ тӧдіс став Ассьыс уджъяссӧ.

Иуда 1:9

Кор Микаил архангел вензис омӧлькӧд Мӧисей шой йылысь, сійӧ эз лысьт лёкӧдны-мыждыны омӧльӧс. Сӧмын шуис: «Господь мед ӧлӧдас тэнӧ».

Восьтӧм 12:7

Сэсся енэжас пансис тыш. Микаил аслас анделъяскӧд тышкасис гундырлы паныд, а гундыр аслас анделъяскӧд – налы паныд.