Даниил 10:12 - Коми Библия 2023

¹² Сійӧ шуис меным: «Эн пов, Даниил! Тэнсьыд кевмӧмтӧ кылӧма медводдза лунсяньыс, кор тэ раммӧдін сьӧлӧмтӧ аслад Ен водзын, медым гӧгӧрвоны сійӧ, мый тэ аддзылін. И ме локті тэнад кевмӧм вӧсна.

Даниил 10:12 Cross References

Исай 35:4

Полысь сьӧлӧмаяслы шуӧй: «Лоӧй зумыдӧсь, энӧ полӧй! Тіян Енныд локтас да водзӧсӧн мынтысяс, Енмыс водзӧс перъяс тіян вӧсна. Сійӧ локтас да мездас тіянӧс».

Исай 41:10

Эн пов, Ме тэкӧд, эн майшась, Ме – тэнад Енмыд. Ме ёнмӧда тэнӧ, отсала тэныд да кутышта тэнӧ Аслам веськыд киӧн.

Исай 41:14

Эн пов, Яков-номыр, этша лыда Израиль, Ме отсала тэныд, – висьталӧ Господь, тэнад Мездысь, Израильлӧн вежа Ен. –

Исай 58:9

Тэ шыасян Господь дінӧ, и Сійӧ кылас тэнӧ, тэ чукӧстан Сійӧс отсӧг вылӧ, и Сійӧ шуас: «Ме тані». Бырӧдан кӧ ас пӧвстсьыд быдпӧлӧс сьӧктӧдан сийӧс, дугдан кӧ мӧд вылӧ индавны чуньнад да паськӧдны лёк сёрнияс,

Исай 65:24

Найӧ оз на удитны шыасьны Ме дінӧ, а Ме налы вочавидза нин. Найӧ пондасны на висьтавны, а Ме найӧс кыла нин.

Даниил 10:11

Сійӧ шуис меным: «Даниил, тэ муса Енмыслы. Гӧгӧрво сійӧ кывъяссӧ, мый ме висьтала тэныд. Чеччы да сувт кок вылад, ӧд менӧ мӧдӧдӧма тэ дінӧ». Кор сійӧ шуис тайӧ кывъяссӧ, ме чеччи дзӧригтыр.

Даниил 10:19

Сійӧ шуис меным: «Эн пов, тэ муса Енмыслы! Лӧнь олӧм тэныд, ёнмӧдчы!» Кор сійӧ сёрнитіс мекӧд, ме вынсялі да шуи сылы: «Ыджыдӧй, водзӧ висьтав меным, тэ ӧд вынсьӧдін менӧ».

Левит 16:29

Сизимӧд тӧлысьлӧн дасӧд лунӧ раммӧдчӧй-видзалӧй, некутшӧм удж энӧ вӧчӧй, ни вужвойтыр, ни йӧз муысь локтысьяс. Олӧй тайӧ тшӧктӧмыс серти нэмъяс чӧж.

Левит 16:31

Сэки тіян шойччан лун, кор тіянлы колӧ раммӧдчыны-видзавны. Тайӧ тшӧктӧмсӧ сетӧма тіянлы нэмъяс кежлӧ.

Лыд 29:7

Сизимӧд тӧлысьлӧн дасӧд лунӧ тіян мед лоӧ вежа чукӧртчӧм. Сэки раммӧдчӧй-видзалӧй, некутшӧм удж энӧ вӧчӧй.

Матвей 28:10

Исус шуис: «Энӧ полӧй! Мунӧй, висьталӧй вокъяслы, мед мунасны Галилеяӧ, сэтысь аддзасны Менӧ».

Матвей 28:5

Андел шыасис аньяс дінӧ: «Энӧ полӧй. Ме тӧда, ті корсянныд тувъявлӧм Исусӧс.

Марк 16:6

Сійӧ шуис налы: «Энӧ полӧй. Ме тӧда, ті корсянныд тувъявлӧм Назаретса Исусӧс. Сійӧ ловзис. Сійӧ тані абу. Видзӧдлӧй куйланінсӧ, татчӧ Сійӧс пуктылісны.

Лука 1:13

Андел шуис: «Эн пов, Закар! Енмыс кылӧма тэнсьыд кевмӧмтӧ. Елизавета гӧтырыд чужтас тэныд пи. Пукты сылы Иоан ним.

Лука 1:30

Андел шуис сылы: «Эн пов, Мария, тэныд вичмис Енсянь буралӧм.

Лука 2:10

Андел шуис налы: «Энӧ полӧй! Ме висьтала тіянлы нимкодьсьыс-нимкодь юӧр, тайӧ ваяс ыджыд долыдлун став войтырлы.

Лука 24:38

Исус шуис налы: «Мый ті поланныд? Мый тіянӧс майшӧдлӧ?

Ап. уджъяс 27:24

Андел шуис: ”Эн пов, Павел. Тэныд ковмас на сувтны кесар водзӧ. Тэ ради Енмыс тшӧтш видзас тэкӧд кывтысьясӧс”.

Восьтӧм 1:17

Сійӧс аддзӧм бӧрын ме кулӧм морт моз уси Сылӧн кок улӧ. Но Сійӧ пуктіс ме вылӧ веськыд кисӧ да шуис: «Эн пов, Ме эм Медводдзаыс и Медбӧръяыс.